Լրահոս

Ֆրանսիայի Բերժերակ քաղաքում (Դորդոնի շրջան) բացվեց հայ անմեղ զոհերի հիշատակին նվիրված խաչքար: Նախաձեռնությունը Դորդոնի հայ համայնքի հիմնադիր նախագահ Արթուր Գասպարյանինն է: Բացմանը ներկա էր նաև Բերժերակի քաղաքապետ Ջոնաթան Փրլոուդը:

Թուրքիայի նախագահ Ռեջեփ Էրդողանը ՄԱԿ-ի գլխավոր վեհաժողովին հայտարարել է, որ Ադրբեջանը ուժով իրականացրել է ՄԱԿ-ի անվտանգության խորհրդի չկատարված բանաձևերը ու վերջ դրել իր հողերի բռնազավթմանը: Թուրքիայի նախագահը կրկին սրելով ռուս-թուրքական հարաբերությունները խոսել է Ուկրաինայի տարածքային ամբողջականությունից:

Արցախի Մաճկալաշեն գյուղի ուղղությամբ ադրբեջանցիները շուրջ 1200 մետր առաջացել են, բայց ռուս խաղաղապահների միջամտությամբ վերադարձել նախկին դիրքեր։

 Երկու քաղաքացի Նալբանդյան-Սայաթ Նովա խաչմերուկով անցնելիս պատահաբար մոլորվել են՝ հայտնվելով հակառակորդի տարածքում։ Նախնական տեղեկություններով՝ նրանք խաչմերուկը հատել են անցորդի համար չթույլատրված հատվածում՝ վատ լուսավորության պայմաններում կորցրել տեղորոշումը։ Ռուսական կողմի հետ ձեռնարկվում են բոլոր քայլերը՝ քաղաքացիներին ետ վերադարձնելու համար։

Անկախության օրվա համերգի վերջում Երևանի երկնքում լուսային շոուի 10 րոպեի համար Հայաստանի կառավարությունը վճարել է 110 հազար դոլար: Այս մասին 168.am-ի աղբյուրներն են հայտնել: Շոուի համար հատուկ դրոններ են պատվիրվել Ռուսաստանից։

Հայ Կաթողիկե եկեղեցու տասնյակ եպիսկոպոսներ աղոթել են Սուրբ Հոգու համար, երբ հանդիպել են Հռոմում՝ եկեղեցու պատրիարք ընտրելու երկրորդ փորձի ժամանակ։

44-օրյա պատերազմում հաշմանդամություն ձեռք բերած հատուկ ջոկատային Մանուկ Հազրոյանն առաջարկում է միասին վերլուծել՝ ինչու՞ փոքրացավ մեր երկիրը:

Վերջին տվյալներով ապաքինվել է 237 263 անձ` վերջին մեկ օրում 295 անձ:

Սեպտեմբերի 26-ին, ժամը 19:00-ին Արուճ գյուղի Սուրբ Գրիգոր եկեղեցում կկայանա համերգ, որում հանդես կգա Հայաստանի պետական կամերային երգչախումբը (գեղարվեստական ղեկավար և գլխավոր դիրիժոր`Ռոբերտ Մլքեյան): Ծրագրում կոմիտասյան ստեղծագործություններն են։

Խոսելով Արցախյան 44-օրյա պատերազմի մասին՝ նա ասել է, որ «Ադրբեջանը, օգտվելով «արտաքին ագրեսիայից» պաշտպանվելու իր իրավունքից, իրականացրել է ՄԱԿ-ի Անվտանգության խորհրդի չկատարված բանաձևերը և վերջ դրել «իր հողերի օկուպացիային»:

Այսօր 44-օրյա պատերազմում՝ սիրելի Շուշիի պաշտպանության համար զոհված Գևորգ Արշակյանը՝ հայրենիքի համար ծնված «ֆանտաստիկ» Գևը, կդառնար 25 տարեկան։ Ճիշտ է՝ նրա ծննդյան օրը նոյեմբերի 12-ին է, բայց ինքը միշտ նշել է սեպտեմբերի 21-ին՝ անկախության օրը:

Սեպտեմբերի  25-ի ցերեկը, 26-ին սպասվում է առանց տեղումների եղանակ: Սեպտեմբերի 22-23-ը հիմնականում կեսօրից հետո, 25-ի գիշերն առանձին շրջաններում, 24-ի ցերեկը շրջանների զգալի մասում սպասվում է անձրև և ամպրոպ:

44-օրյա պատերազմից հետո ստեղծված «Հավերժների այգու» մոտ կառուցված Սրբոց Հրեշտակաց եկեղեցու՝ Խաչի ու խորանի օծման արարողությունն է եղել: «Թովմասյան» հիմնադրամը ապակուց գմբեթով ու խաչով առաջին եկեղեցին է կառուցել: Իր տեսքով ու ճարտարապետական լուծումներով այն աշխարհում միակն է՝ հայտարարել է հիմնադրամի նախագահը:

Օրվա մամուլի հրապարակումները ժ.11-ին, 5-րդ ալիքի ուղիղ եթերում «Օրագիր» հաղորդման հեղինակ Մարիաննա Ղահրամանյանը կքննարկի Կովկասի ինստիտուտի քաղաքագետ Հրանտ Միքայելյանի  հետ:

Անկախության 30-րդ տարեդարձի նախօրեին ջահերով երթ է եղել դեպի Եռաբլուր: Երիտասարդները խոստացել են իրենց զոհված ընկերներին, որ մի օր Հայաստանը նորից լիարժեք տոնելու է անկախության տոնը:

Չնայած հասարակական զայրույթի մեծ ալիքին, սեպտեմբերի 21-ին կայացավ Նիկոլ Փաշինյանի խոստացած գունագեղ տոնակատարությունը՝ նվիրված զոհերի հիշատակին: Ըստ Փաշինյանի, հաղթելու համար պետք չէ հաղթել ուրիշներին: