Լրահոս

Պատվաստվե՞լ, թե՞ ոչ՝ յուրաքանչյուրի կշռադատված որոշումը պետք է լինի: Մեր երկրի քաղաքացիների դեռ միայն 13 տոկոսն է ստացել հակակորոնա պատվաստանյութի երկու դեղաչափ: Առողջապահության փոխնախարարն ասել է՝ սա ամենացածր ցուցանիշն է տարածաշրջանում:

Իշխանությունը զինանոցից հանում է մի անգամ կրակած զենքը: Հավանաբար կարծում է՝ տուշոնկա-շոուով շեղված հանդիսատեսին երկրորդ անգամ էլ հնարավոր կլինի գրավել աղմկոտ բացահայտումների պատրանքով:

«Մի մարագում որ կապեք գառին ու գայլին, ընկերություն կանե՞ն»: Թշնամու հետ երկխոսել առաջարկողներին, Երևանից Բաքու և Անկարա խաղաղության մեսիջների ուղարկողներին հարցնում է 44-օրյա պատերազմում զոհված զինծառառյող Աբրահամ Մարուխյանի հայրը՝ Տիգրան Մարուխյանը: Այսօր նրա տղայի մահվան տարելիցն է, 2020 թվականի հոկտեմբերի 3-ին զոհված Աբրահամի մարմինը 7 ամիս անց են գտել ու հողին հանձնել:

Խաղաղության դարաշրջան է խոստանում տարածաշրջանին Նիկոլ Փաշինյանը իր՝ պատերազմից հետո ձևավորած անվրդով, հանգիստ ձայնով: Չի գոռում, դեմքի մկանները չի աշխատեցնում, խաղաղվել է ու խաղաղություն է խոստանում:

44-օրյա պատերազմ. օր 7-րդ: Արծրուն Հովհաննիսյանը տեղեկացնում է, որ զգետնվել է 3 ինքնաթիռ ։ Առավոտյան, ո՞րտեղ իր սուրճը «վայելեց» Արցախի նախագահը, իսկ ի”նչպիսի լուսանկարներ հրապարակեց Աննա Հակոբյանը:

Հնդկաստանի հյուսիսային Կոնգթոնգ գյուղում մարդիկ միմյանց կանչում են ոչ թե անուններով, այլ մեղեդիներով: Տեղացիներն ասում են, որ ավանդույթը խորհրդանշում է մայրերի սերը երեխաների հանդեպ:

Օրվա կադրում Հանրապետության հրապարակում զբոսնող երկու ուղտերն են: Նրանց տերերը իրանցի և իտալացի ընկերներ են: «Հայլուրի» մեր նկարահանող խմբին պատմել են, որ Իրանից են գալիս՝ ոտքով: Շուրջերկրյա ճանապարհորդության են դուրս եկել:

Երևանում համաշխարհային նոր ռեկորդ է գրանցվել: Գինեսի քառակի ռեկորդակիր Ռոման Սահրադյանը ուղղաթիռից կախված՝ 1 րոպեում 23 ձգում է կատարել: Նման վարժություն աշխարհում դեռևս ոչ ոք չի արել։

Քարվաճառում հերոսաբար ընկած մայոր Անտոն Անտոնյանի մահվան տարելիցն է այսօր: Անտոնյանը զոհվել է անօդաչուի հարվածից: Մարտական ընկերները ասում են՝ Անտոնյանի ձայնից ոգեշնչվել են, պահել Քարվաճառը՝ ոչ մի քայլ հետ սկզբունքով:

Խորհրդարանական ընտրություններից հետո Հայաստանի պետական կառավարման ակադեմիայում դասավանդելու հնարավարությունից զրկվել են ընդդիմադիր երկու պատգամավոր:

Արծրուն Հովհաննիսյանը տեղեկացնում է, որ արթուն է, սպասում է տվյալների ամփոփմանը։ Հադրութի ուղղությամբ, ի՛նչ հզոր զինատեսակ էր սկսել օգտագործել թշնամին, ի՞նչպես էր ընդլայնվում կրակի տրամագիծը:Ադրբեջանի ՊՆ-ն հայկական զինուժի ու մարդկային կորուստների վերաբերյալ ի՞նչ տեսանյութեր էր տարածում:

Հայաստանի 280 դատավորից 40-ի հետ խնդիր ունի իշխանությունը: Արդարադատության նախարար Կարեն Անդրեասյանը որոշել է՝ զտել դատական համակարգը: Չնայած օրենքը նախարարին զտելու արտոնություն չի տալիս: Կարծում է՝ օրենքը չի նեղանա, եթե ինքն անձամբ զբաղվի դատավորների վարքով կամ առանց դատարանի որոշման գաղտնալսվեն դատավորները:

Պետական հեղաշրջում անելու համար է Միխեիլ Սաակաշվիլին եկել Վրաստան: Այս մասին հայտարարել է իշխող «Վրացական երազանք» կուսակցության նախագահը: Վրաստանում այսօր սկսված ՏԻՄ ընտրություններին էքս-նախագահը բանտից է հետևում: Նա իր կողմնակիցներին կոչ է արել մասնակցել քվեարկությանն ու ձայն տալ ընդդիմադիր «Միացյալ ազգային շարժմանը»:

«Իրանցի ժողովրդի թշնամիներին, անխոհեմ գործողությունների դեպքում, ջախջախիչ հարված կհասցվի, և նրանք ծանր գին կվճարեն նման քայլերի համար»,- այս հայտարարությունն արել է Իրանի Պաշտպանության նախարարը:

Տարածաշրջանի կոմունիկացիաները բացելու մասին խոսելիս՝ Հայաստանի իշխանության ներկայացուցիչները արդեն առանց երկմտելու օգտագործում են նաև «միջանցք» բառը, որ հաճախ Ալիևի շութերից ենք լսում:

Չեռնոգորիայում ձերբակալել են ադրբեջանցի միլիարդատեր Թելման Իսմաիլովին: Նրան մոտ 10 տարի է փնտրում է Ռուսաստանի Դաշնությունը: Երկար տարիներ Իսմաիլովին էր պատկանում Մոսկվայի ամենահայտնի Չերկիզովսկի շուկան: Նա ու եղբայրը հետախուզվում էին կրկնակի սպանության և զենքի անօրինական շրջանառության համար:

Երևանում այսօր առավոտյան համաշխարհային նոր ռեկորդ է գրանցվել: Գինեսի քառակի ռեկորդակիր Ռոման Սահրադյանը ուղղաթիռից կախված՝ 1 րոպեում 23 ձգում է կատարել: Նման վարժություն աշխարհում դեռևս ոչ ոք չի արել։