Լրահոս

Փրկարարներն արգելափակումից դուրս են բերել 2 ավտոմեքենա

Տաթևիկ Ռևազյանը նոր աշխատանք կունենա

Օրը սկսենք մամուլի 5 կարևոր լուրով

ՔՊ-ն արտահերթ ընտրությունների՞ է պատրաստվում

Փաշինյանը ձեռքերը լվացել է քաղաքապետի ընտրության թեմայից

Ծիծեռնակաբերդի խճուղին բաց է բոլոր տեսակի մեքենաների համար: Պաշտոնական հաղորդագրությունը՝ քիչ հետո, այս մասին ֆեյսբուքյան իր էջում տեղեկացնում է Երևանի քաղաքապետարանի մամուլի խոսնակ Լևոն Սարդարյանը: Հիշեցնենք, որ Լենինգրադյանից Ծիծեռնակաբերդի խճուղի ճանապարհահատվածը փլուզվել էր մայիսի 20-ին։ Ճանապարհին շատ մոտ տարածության վրա շինարարություն է ընթանում։

Այսօր՝ հունիսի 13-ին, ավտովթար է տեղի ունեցել Գեղարքունիքի մարզում: Ժամը 19:45-ի սահմաններում Երևան-Սևան-Իջևան ավտոճանապարհի 63-րդ կմ հատվածում 40-ամյա Մարատ Ս.-ն իր վարած Mercedes մակնիշի ավտոմեքենայով դուրս է եկել ճանապարհի երթևեկելի գոտուց և մխրճվել ծառերի մեջ: © shamshyan.com https://shamshyan.com/hy/article/2022/06/13/1215634/

N զորամիավորման հատուկ նշանակության ստորաբաժանումների զինծառայողների հետ հունիսի 13-ին անցկացվել են գործնական պարապմունքներ։ Ինչպես «Արմենպրես»-ին տեղեկացրին ՀՀ պաշտպանության նախարարությունից, զինծառայողներն իրականացրել են պայմանական հակառակորդի տարածք՝ զբաղեցրած մարտական դիրքեր, շենք-շինություններ և հրամանատարական կետեր ներթափանցման անհատական ու խմբային հատուկ գործողություններ, հաջողությամբ կատարել առաջադրված ուսումնամարտական խնդիրները։

Ֆինլանդիան չի ցանկանում առանց Շվեդիայի միանալ ՆԱՏՕ-ին: Ֆինլանդիայի նախագահը անհիմն է համարում Թուրքիայի մեղադրանքները, թե Շվեդիան աջակցում է քուրդ անջատողականներին:

ՀՀ վիճակագրական կոմիտեի կողմից հրապարակված տվյալների համաձայն՝ 2022 թվականի հունվար-ապրիլ ամիսներին Հայաստանում գրանցվել է 5229 ամուսնություն, որը նախորդ տարվա նույն ժամանակահատվածի համեմատ նվազել է 5,6 տոկոսով կամ 308-ով։ Ուշագրավ է, որ արցախյան վերջին պատերազմին նախորդող շրջանում ամուսնությունների թիվն ավելի շատ է եղել, քան հիմա։ Անշուշտ, այս ամենը կարելի է բացատրել մեր հասարակության մեջ սոցիալ-տնտեսական խնդիրներով, բացասական սպասումներով, ինչպես նաև անվտանգության խնդիրներով։ Հարկ է նշել, որ պատերազմի զոհերի և հաշմանդամություն ստացածների մեծ մասն երիտասարդներ էին, որոնք ապագայում պետք է ամուսնանային և իրենց ընտանիքը կազմեին։ Հետևաբար, այն ազդելու է նաև ապագայումամուսնությունների թվի վրա։ Մտահոգիչ է, որ ամուսնությունների թվի նվազման պայմաններում ավելանում են ամուսնալուծությունները։ Մասնավորապես՝ 2022 թվականի հունվար-ապրիլ ամիսներին Հայաստանում գրանցվել է 1492 ամուսնալուծություն, որը նախորդ տարվա նույն ժամանակահատվածի համեմատ ավել է 15 տոկոսով կամ 195-ով։ Այսինքն՝ ստացվում է ամեն երրորդ զույգն ամուսնալուծվում է։ Չխորանալով ամուսնություններիի նվազման և ամունսալուծությունների աճի սոցիալ-տնտեսական, արժեհամակարգային և կենցաղային պատճառների մեջ՝ պետք է արձանագրել, որ միաժամանակ այն հանգեցրելէ ժողովրդագրական խնդիրների սրմանը։ Մասնավորապես՝ 2022 թվականի հունվար-ապրիլ ամիսներին Հայաստանում ծնվել է 10869 երեխա, որը նախրդ տարվա նույն ժամանակահատվածի համեմատ նվազել է 3,5 տոկոսով կամ 390-ով։

Ուկրաինայի տարածքային զիջումների մասին սկանդալային հայտարարություն է արել ՆԱՏՕ-ի գլխավոր քարտուղարը: Յենս Ստոլտենբերգի խոսքով՝ Կիևը ստիպված կլինի տարածքներ, անկախություն և ինքնիշխանություն զիջել, եթե խաղաղություն է ուզում: Զիջումների մասին ոչ բաց տեքստով ասում է նաև Զելենսկին: Նա հայտարարում է, որ ռուսական զորքը առավելություն ունի ուկրաիանականի նկատմամբ: Կիևի մարտավարությունը փոխելու մասին է հայտարարում նաև Զապորոժիեի քաղաքացիական վարչակազմի խորհրդի անդամ Վլադիմիր Ռոգովը: Նա այսօր Բերդյանսկ և Մերիտոպոլ քաղաքներում ահաբեկչության մասին է հայտնել, որը, Ռոգովի խոսքով, իրականացրել է Ուկրաինան:

Թուրք-հունական պատերազմ, հույն վերլուծաբանների կարծիքով, հնարավոր չէ: Վերլուծելով Էրդողանի հունարեն վերջին թվիթները՝ հունական «Ազատ օր» թերթի խմբագիր Քերոբ Էքիզյանը եղրակացրել է, որ Թուրքիայի նախագահը պարզապես պատրաստվում է 2023 թվականի նախագահական ընտրություններին:

N զորամասի հրաձգարանում հունիսի 13-ին անցկացվել է կրակային պատրաստության գործնական պարապմունք։ Ինչպես «Արմենպրես»-ին տեղեկացրին ՀՀ պաշտպանության նախարարությունից, զինծառայողները հրահանգավորվել են հրաձգության ընթացքում անվտանգության կանոնների պահպանման վերաբերյալ, կատարել կրակային տարբեր վարժություններ։ Ստուգվել են զինծառայողների՝ հաստիքային զենքի տիրապետման, կրակի վարման և թիրախների խոցման կարողությունները։

Նիդերլանդներում ՀՀ դեսպան Տիգրան Բալայանն այցելել է Ալստելֆեն քաղաք, ուր հանդիպում է ունեցել քաղաքապետ Տյապկո Պոպենսի և D66 կուսակցությունից քաղաքային խորհրդի անդամ Տավրոս Ասլանյանի հետ։ «Արմենպրես»-ի հաղորդմամբ՝ ՀՀ դեսպանությունը տեղեկացնում է, որ հանդիպմանը քննարկվել են ՀՀ վարչապետի Նիդերլանդներ կատարած պաշտոնական այցի ընթացքում ձեռք բերված պայմանավորվածությունների հիման վրա ապակենտրոնացված համագործակցության հնարավորությունները, Ամստելֆենի հայ համայնքի գործունեությանն առնչվող հարցեր։

ՀՀ վարչապետի տիկին Աննա Հակոբյանը դուստրերի հետ լուսանկարներ է հրապարակել Հայաստանի տեսարժան վայրերից և գրառում արել․ «Հայաստանում արձակուրդ կամ հանգստյան օրեր պլանավորելիս չմոռանաք Լոռին՝ Դսեղը, Հաղպատ եւ«must to see» բազմաթիվ այլ վայրեր»,-գրել է Աննա Հակոբյանը:

Հայաստանում դոլարը արժեզրկվում է, իսկ ներմուծվող ապրանքը չի էժանանում: Ամիսներ առաջ, երբ դոլարի գինը հասել էր 520 դրամի, կտրուկ թանկացումները բացատրվում էին հենց դոլարի բարձր փոխարժեքով: Հիմա, երբ դոլարն էժանացել է, շուկան որևէ կերպ չի արձագանքում դրան. բարձր գները պահպանվում են:

«ՀՀ ՔՏՀԱ տեսչական մարմինը վերահսկողություն է իրականացրել միջպետական, հանրապետական նշանակության ավտոճանապարհներով ծանրաքաշ բեռնափոխադրումներ իրականացնող տրանսպորտային միջոցների նկատմամբ: Տեսչական մարմնի տրանսպորտային անվտանգության վարչության, Վայոց ձորի տարածքային բաժնի մասնագետները «Ճանապարհային ոստիկանություն» ծառայության աշխատակիցների հետ 2022 թվականի մայիսի 25- 27-ը և հունիսի 8-10-ը ներառյալ մշտադիտարկել են Վայոց ձորի մարզով անցնող Մ-2, Երևան – Երասխ – Գորիս – Մեղրի – Իրանի Իսլամական Հանրապետության սահման միջպետական նշանակության ավտոմոբիլային ճանապարհի վրա ծանրաքաշ և մեծ եզրաչափերով տրանսպորտային միջոցների նկատմամբ։ Մշտադիտարկման արդյունքում Տեսչական մարմինը, ղեկավարվելով Վարչական իրավախախտումների վերաբերյալ» ՀՀ օրենսգրքով, 49 տրանսպորտային միջոցի նկատմամբ կազմել է տրանսպորտի բնագավառում վարչական իրավախախտում կատարելու վերաբերյալ 10 արձանագրություններ»,- նշված է ՔՏՀԱ հաղորդագրությունում։

Արարատյան դաշտավայրում շուտով կսկսվի ծիրանի բերքահավաքը, բայց գյուղացիները սպասում են ռուս-ուկրաինական պատերազմի ավարտին: Բերքանուշ և Բաղրամյան գյուղերում մեկ շաբաթից ծիրանը հավաքելու են ու դեռ չգիտեն՝ կկարողանա՞ն արտահանել քաղցրահամ միրգը: Կարմրաթուշ ծիրանի հիմնական սպառողը Ռուսաստանն է, բայց այդ երկիր տանող միակ ճանապարհը՝ Լարսը, ծանրաբեռնված է:

Ռումինիայի մայրաքաղաք Բուխարեստում ընթանում է հունահռոմեական ոճի ըմբշամարտի Եվրոպայի պատանեկան առաջնությունը։ Այսօր մրցագորգ են դուրս եկել 48կգ, 55կգ, 60կգ, 80կգ և 110 կգ քաշային ըմբիշները: Կիսաեզրափակիչ գոտեմարտում Վահե Հովհաննիսյանը համառ պայքարում զիջել է հույն ըմբիշ Արիոնաս Կոլիտսոպուլոսին: Գոտեմարտն ավարտվել է 1-1 հաշվով, հաղթանակը շնորհվել է հույն ընբիշին քանի որ նա վերջինն է միավոր վաստակել: Այսպիսով Վահե Հովհաննիսյանը կպայքարի բրոնզե մեդալի համար: