Լրահոս

Պատմական շոգ Կենտրոնական Ասիայում. ջերմաստիճանը հասել է մինչև +49°C, այս մասին գրել է ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։

Ուժեղ կարկուտ է տեղացել Շիրակի մարզում, ամենից շատ տուժած համայնքներից է Բագրավանը։ Այստեղ նաև փոթորիկ է մոլեգնել՝ մեծ վնասներ հասցնելով գյուղին։

Ինչո՞ւ է Փաշինյանը քաղաքական ռեպրեսիաներ սկսել այն քաղաքական գործիչների նկատմամբ, որոնք նախընտրական շրջանում խոսում էին հայ-ռուսական հարաբերություններն ամրապնդելու անհրաժեշտության մասին: Փորձագետների համոզմամբ՝ պատճառը պատմական երկընտրանքն է, որի առաջ է Երևանը: Եվրամիությու՞ն, թե՞ Եվրասիական տնտեսական միություն. Մոսկվան ստիպում է ընտրել: Արդեն հայտնի է, որ այդ ընտրությունը դեկտեմբերին ԵԱՏՄ գագաթնաժողովի օրակարգում է լինելու: Մինչև դա Փաշինյանը փորձելու է անհրաժեշտ խաղաթղթեր հավաքել:

Հ-2, /Հ-1/ (Աբովյան)-Արզնի-/Հ-6/ Նոր Գեղի, Հ-5, /Հ-6/ (Նոր Գեղի)-Արգել-Արզական-Հրազդան և Հ-6, /Հ-2/-Նոր Գեղի-Եղվարդի տրանսպորտային հանգույց-/Մ1/ ավտոճանապարհների հատման խաչմերուկում (Նոր Գեղի-Արգել-Եղվարդ-Արզնի խաչմերուկ) տեղադրվել է լուսացույց, և հուլիսի 18-ից նշված խաչմերուկում կկատարվի լուսացուցային կարգավորում։ Այս մասին հայտնում են Ճանապարհային դեպարտամենտից:

Արցախի համար վերջին մարտում ընկած Գոռ Ղուկասյանի մայրը երկվորյակ տղաներ է լույս աշխարհ բերել: Ի՞նչ է ապրում 21-ամյա որդու կորստից հետո նորից մայրացած կինը՝ Լիլիթ Գասպարյանի ռեպորտաժում:

Սառցանման կարկուտից տուժել են նաև ավտոմեքենաներ։

Հայլուր 20։30 Բեկումնային 6 ամիս՝ Հայաստանի համար. Մոսկվան վերջնաժամկետ է տվել Փաշինյանին

ՀՀ կրթության, գիտության, մշակույթի և սպորտի նախարար Ժաննա Անդրեասյանի գլխավորությամբ այսօր տեղի է ունեցել հանրապետական ընդունող հանձնաժողովի նիստը: Այս մասին տեղեկանում են ԿԳՄՍՆ-ից։

Գյումրիի քաղաքապետ Վարդան Ղուկասյանը կվերադառնա Գյումրի, բայց տնային կալանք կրելու: Նրա խափանման միջոց կալանքը այսօր է փոխարինվել համակցված միջոցով՝ տնային կալանք ու 15 մլն դրամ գրավ՝ հրապարակային խոսքի սահմանափակումներով: Ղուկասյանին առաջադրված է մի քանի մեղադրանք՝ կաշառք, ինքնիշխանությունից հրաժարվելուն ուղղված հրապարակային կոչ և դատական նիստի ժամանակ հնչեցրած հայհոյանքներ։ Նա չի ընդունում մեղադրանքներն ու վստահ է, որ քաղաքական հետապնդման զոհ է դարձել:

Այսօր՝ հուլիսի 17-ին, ավտովթար է տեղի ունեցել Կոտայքի մարզում։ Ժամը 18:10-ի սահմաններում Երևան–Սևան–Իջևան ավտոճանապարհի Կոտայքի մարզի վարչական տարածքում բախվել են «Mercedes» և «Kia» մակնիշի ավտոմեքենաները։

Քրեական վարույթի նախաքննության ընթացքում ՀՀ ԱԱԾ-ի և ՀՀ ՆԳՆ ոստիկանության ներքին անվտանգության և հակակոռուպցիոն վարչության աշխատակիցների հետ համատեղ խուզարկություններ են կատարվել 2 ոստիկանների բնակարաններում:

Սոված մարդն ամեն ինչի պատրաստ ա. գործարանի դուռը բացել են պահանջում «Մուլտի սթոունի» աշխատակիցները

Կորսված հնարավորություններ. ինչու՞ Գյուլագարակը դեռևս չի դարձել զբոսաշրջային կենտրոն, այս հարցն են բարձրացրել «Ուժեղ Հայաստան» կուսակցության անդամները, ովքեր այցելել են Գյուլագարակ, զրուցել բնակիչների հետ և լսել նրանց հուզող խնդիրների մասին։

Բյուրեղավանում 2,5 ամսվա ընդմիջումից հետո նորից աղիքային վարակի դեպքեր են արձանագրվել, 6 մարդ հոսպիտալացվել է: Նրանք ջերմել են, ցավ են զգացել որովայնի շրջանում: Նաև ապրիլի 22-ի երեկոյան էին Բյուրեղավանում աղիքային վարակի տասնյակ դեպքեր գրանցվել սրտխառնոցի, փսխման, փորլուծության, ջերմության նշաններով։ Այն ժամանակ հիվանդությունների վերահսկման և կանխարգելաման ազգային կենտրոնը ջրի նմուշառում էր արել ու հայտնաբերվել շեղումներ՝ կոլիֆորմ մանրէներ: Դրանց հայտնաբերումը ջրում կամ սննդի մեջ ցույց է տալիս, որ դրանք աղտոտվել են կղանքային զանգվածով։

ԱՄՆ դոլարի փոխարժեքն այսօր՝ հուլիսի 17-ին, կազմել է 366.85 դրամ՝ նախորդ օրվա համեմատ նվազել է 0.28 դրամով: Այդ մասին տեղեկանում ենք Կենտրոնական բանկի պաշտոնական կայքից։

Իռլանդացի «Օսկար»-ի դափնեկիր դերասանուհի Բրենդա Ֆրիքերը ով խաղացել էր «Տանը մենակ 2» ֆիլմում, մահացել է 81 տարեկան հասակում:

Հայլուր 18։30 Ջուրը թունավորե՞լ են. բյուրեղավանցիների սկանդալային վարկածը հերքում է «Վեոլիա ջուրը»

Այսօր՝ հուլիսի 17-ին, խոշոր ավտովթար է տեղի ունեցել Երևանում։ Ժամը 16։00-ի սահմաններում Դավիթ Բեկ փողոցում՝ ժողովրդին հայտնի «Թոխմախի ՄՌՈւ»-ի մոտ բախվել են «FAW» մակնիշի բեռնատարը, ուսումնական «Toyota Corolla» մակնիշի, «Nissan» մակնիշի և «Լադա» մակնիշի ավտոմեքենաները, ինչի հետևանքով վերջինը վերածվել է մետաղե ջարդոնի։

Այսօր՝ հուլիսի 17-ին, ողբերգական դեպք է տեղի ունեցել Արմավիրի մարզում։ Ժամը 15:50-ի սահմաններում ՀՀ Ներքին գործերի նախարարության Փրկարար ծառայության Արմավիրի մարզային փրկարարական վարչության և Վաղարշապատի բաժնի հրշեջ-փրկարարաիան ջոկատի փրկարարների՝ վարչության պետ Գևորգ Հակոբյանի գլխավորությամբ, ինչպես նաև հուլիսի 12-ից որպես անհետ կորած որոնվող 74-ամյա Վալյա Հովագիմյանի հարազատների որոնողական աշխատանքների արդյունքում Ոսկեհատ-Գետաշեն գյուղամիջյան ճանապարհին հարակից դաշտամիջյան հատվածում հայտաբերվել է Վալյա Հովագիմյանի մարմինը։

Օմանի Սուլթանության «KV Group» ընկերության պատվիրակությունն այցելել է Սննդամթերքի անվտանգության տեսչական մարմին՝ ոլորտի մասնագետների հետ քննարկելու Հայաստանի Հանրապետությունից Օմանի Սուլթանություն հայկական թարմ պտուղ-բանջարեղենի արտահանման ընթացակարգերը։ Այս մասին հայտնում են Սննդամթերքի անվտանգության տեսչական մարմնից: