Լրահոս

Քննիչը հայտնել է, որ պատրաստվում է Վարդան Ղուկասյանին առնչվող գործը կարճելու վերաբերյալ միջնորդություն ներկայացնել վերահսկող դատախազին։ Այս մասին հայտարարել է Գյումրու քաղաքապետ Վարդան Ղուկասյանի փաստաբան Զարուհի Փոստանջյանը։ Մանրամասները՝ տեսանյութում։

Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը: Կոռուպցիայի կանխարգելման հանձնաժողովից փոխանցեցին, որ նվերի հաշվառումից հետո Պետական գույքի կառավարման կոմիտեն է որոշելու ինչ եղանակով տնօրինել պաշտոնյայի նվերը։

Սույն թվականի դեկտեմբերի 30-ի նիստում ՀՀ հանրային ծառայությունները կարգավորող հանձնաժողովը հաստատել է էլեկտրաէներգետիկական համակարգի խոշոր արտադրող կայանների և ծառայություններ մատուցողների սակագները։ Այս մասին հայտնում են ՀԾԿՀ-ից: Սակագների վրա ազդեցություն ունեցող բոլոր դրական և բացասական գործոնների վերլուծության արդյունքում «Հայաստանի էլեկտրական ցանցեր» ՓԲԸ-ի կողմից սպառողներին վաճառվող էլեկտրական էներգիայի սակագների փոփոխության անհրաժեշտություն չի առաջացել, և գործող սակագները սպառողների համար կմնան անփոփոխ։

Դեկտեմբերի 30-ին, ժամը 12։09-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Սարի Թաղի Որմնադիրներ փողոցի տներից մեկում։

Ինչպես տեղեկանում ենք ՌԴ նախագահի պաշտոնական կայքից, ողջույններ են ուղարկվել նաև մի շարք օտարերկրյա պետությունների և կառավարությունների նախկին ղեկավարների, այդ թվում՝ Ռաուլ Կաստրոյին,Նուրսուլթան Նազարբաևին և Գերհարդ Շրյոդերին։

ՀՀ Շուկայի վերահսկողության տեսչական մարմինը իրականացրել է վերահսկողական գործողություններ հեղուկացված ածխաջրածնային գազի վաճառքով զբաղվող «Գ ՕԻԼ» ՍՊԸ-ին պատկանող լցակայանում (ք․ Երևան, Ավան թաղ․, Աճառյան 51/4)։ Ստուգմամբ պարզվել է, որ ընկերությունը շահագործում է չստուգաչափված չափիչ միջոցներ, որի արդյունքում կասեցվել է հեղուկացված ածխաջրածնային գազի վաճառքի գործունեությունը՝ մինչև խախտումների վերացումը։ Տնտեսվարող սուբյեկտը կենթարկվի վարչական պատասխանատվության՝ օրենքով սահմանված կարգով։

Այսօր և վաղը առանց տեղումների եղանակ են կանխատեսել օդերևութաբանները: Ըստ նրանց՝ ձյան տեղումները կշարունակվեն հունվարի 1-ին և 2-ին: Բայց գիշերը 1 աստիճան ցուրտ է լինելու Երևանում: Եղանակը կտաքանա հունվարի 1-ին 8-10 աստիճանով:

Մսուր մանկապարտեզ ժամանած ոստիկանները պարզել են, որ տեղեկությունը հավաստի է, նրանք երեխայի վրա ամբողջությամբ հայտնաբերվել են կապտուկներ, ականջը վնասված, աչքի տակ և կողքը կապտած և երեխան դաստիարակներին հայտնել է, որ տանը եղբայրը և մայրը պարբերաբար ծեծի են ենթարկում իրեն, իսկ մանկապարտեզի տնօրենին երեխայի մայրը հայտնել է, որ երեխան կմեծանա, կմոռանա։

Սննդային գործոնով պայմանավորված վարակիչ հիվանդություններից և թունավորումներից խուսափելու համար Առողջապահության նախարարությունը խորհուրդ է տալիս գնումներ կատարել միայն խանութներից և խուսափել անկազմակերպ վաճառքի կետերից, ուշադրություն դարձնել մթերքների պահպանման պայմաններին, պիտանիության ժամկետին և արտաքին տեսքին, աղցանները, մսային կերակրատեսակները և դոնդողը պատրաստել տանը՝ փոքր քանակներով և հիգիենայի կանոնների պահպանմամբ, պատրաստի կերակրատեսակներ գնելիս ստուգել դրանց պատրաստման և իրացման ժամկետները, պահպանման պայմաններն ու ջերմաստիճանը, կիսապատրաստված մթերքները օգտագործելուց առաջ պարտադիր ենթարկել կրկնակի ջերմային մշակման, խմորեղենը և կրեմով տորթերը սառնարանում պահել առավելագույնը երեք օր, սնունդ պատրաստելուց առաջ և հում մթերքին դիպչելուց հետո պարտադիր լվանալ ձեռքերը, հում և պատրաստի մթերքների համար օգտագործել առանձին տախտակներ և դանակներ, մանրազնին լվանալ կանաչին, մրգերն ու բանջարեղենը, խուսափել տնային պայմաններում պատրաստված պահածոների օգտագործումից, իսկ անհրաժեշտության դեպքում դրանք եռացնել 15–20 րոպե, չգնել և սննդում չօգտագործել անհայտ ծագման, չստուգված սնկեր։

Հայլուր 12։30 Նոր աղմկոտ ձերբակալություններ. մանրամասներ են հայտնում փաստաբանները

Հրավիրվածների թվում են Սաղաթելյանի կինը, հայրը, մայրը և ազգականները։

«Հակակոռուպցիոն կոմիտեի հայտարարությունն այս իշխանության հրապարակումն է այն մասին, թե ինչ հիմքով են իբրև տարել այդ մարդկանց. այն է՝ կոռուպցիա, ընտրակաշառք: Անկեղծ ասած, մեզ համար անակնկալ է, որից բացարձակ տեղյակ չենք եղել:

Դեկտեմբերի 29-ին, ավտովթար-վրաերթ է տեղի ունեցել Կոտայքի մարզում։ Ինչպես հայտնում է Shamshyan.com-ը, ժամը 22։30-ի սահմաններում Երևան-Սևան ավտոճանապարհին՝ «Պոլկովնիկի մոտ» ռեստորանի դիմաց, 28-ամյա Օնիկ Մ․-ն իր վարած «Nissan Teana» մակնիշի ավտոմեքենայով դուրս է եկել ճանապարհի երթևեկելի գոտուց, բախվել կայանված «Mercedes» մակնիշի ավտոմեքենային, վերջինն էլ առաջ ընթանալով բախվել «Nissan Tiida» մակնիշի ավտոմեքենային, ինչի հետևանքով 1 հոգի ենթարկվել է վրաերթի։ Վրաերթի ենթարկվածին տեղափոխել են «Քանաքեռ-Զեյթուն» բժշկական կենտրոն։ Դեպքի փաստով Աբովյանի քննչական բաժնում նախաձեռնվել է քրեական վարույթ:

Դեկտեմբերի 25-ին, արտառոց դեպք է տեղի ունեցել Երևանում։ Ժամը 19։20-ի սահմաններում օպերատիվ տեղեկություն է ստացվել, որ Արշակունյաց պողոտա 34/3 հասցեում գործող «Երևան Մոլ» առևտրի կենտրոնի խաղահրապարակում հասակակից մեկ այլ երեխայի հրելու արդյունքում բարձրությունից վայր ընկնելու հետևանքով «աջ ճաճանչոսկրի կոտրվածք» ախտորոշմամբ «Ուիգմոր կանանց և երեխաների» հիվանդանոց բուժօգնության է տեղափոխվել Երևանի բնակիչ 11-ամյա Դ․ Գ․-ն։

Դատախազության միջնորդագրերի կատարման արդյունքում, այս պահի դրությամբ, Սևանա լճի ափամերձ՝ բացարձակ նիշից ցածր 11 հողամասերում ապամոնտաժվել (քանդվել) է տարբեր անձանց կողմից ապօրինի կառուցված՝ հիմնական և ոչ հիմնական 20-ից ավելի շենք-շինություն, «Սևան ազգային պարկ» ՊՈԱԿ-ի կողմից լուծվել (դադարեցվել է) 2 պայմանագիր: Աշխատանքները շարունակվելու են 2026 թվականին:

Պարեկային ծառայության Գեղարքունիքի մարզի գումարտակի ջրային պարեկները դեկտեմբերի 26-ին Ծովագյուղ-Շորժա-Վարդենիս ճանապարհահատվածի 34-րդ կմ հատվածում ստուգման նպատակով կանգնեցրել են «Օպել» մակնիշի մեքենա։ Մեքենայի սրահում և բեռնախցիկում հայտնաբերվել են ընդհանուր 196 կգ քաշով «Սիգ» տեսակի 422 ձուկ և 16 փաթեթով այլ ձկներ։ 29-ամյա վարորդը հայտնել է, որ ձկները ձեռք է բերել Վարդենիս համայնքում՝ անծանոթ քաղաքացուց: Նա ձերբակալվել և մեքենայով հանդերձ տեղափոխվել է Համայնքային ոստիկանության Ճամբարակի բաժին։ Կազմված փաստաթղթերը ներկայացվել են նախաքննական մարմին։

Գրել էինք, որ Նիկոլ Փաշինյանի կնոջ՝ Աննա Հակոբյանի կողմից հիմնադրված «Իմ քայլը» հիմնադրամին խոշոր փոխանցումներ են կատարվել: Հիմնադրամին մասնավորապես 20 մլն դրամ էր փոխանցել «Արսենալ ԼՏԴ» ՍՊԸ-ն: Էլեկտրոնային ռեգիստրից տեղեկացել էինք, որ այս ընկերությունը հիմնադրվել է 2017 թվականին, բաժնեմասերի 57.5 տոկոսը պատկանում է Բելառուսի քաղաքացի Ստանիսլավ Բեկովին, 36 տոկոսը ՀՀ քաղաքացի Կարինա Ղազարյանին, իսկ մնացած 6,5 տոկոսը՝ ««Գառնի-Լեռ» գիտաարտադրական միավորում» ԲԲ ընկերությունը:  Գրել էինք նաև, որ կառավարության 2019 թվականի փետրվաի 21-ի նիստում որոշվել է մաքսային արտոնություն տրամադրել «Արսենալ ԼՏԴ» ՍՊ ընկերությանը գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և նյութերի ներմուծման համար: Ըստ հայտարարության, ընկերության կողմից ներմուծվող ապրանքները պետք է օգտագործվեին զենքի և զինամթերքի արտադրության մեջ։ «News.5tv.am»-ը կառավարությանը գրավոր հարցում էր ուղարկել՝ հետաքրքրվելով, թե ի՞նչ ճակատագիր է ունեցել այս նախագիծը, արդյոք ռազմամթերքի արտադրությունը հիմնվե՞լ է, ընկերությունը մինչ այժմ օտվում է հարկային արտոնությունից: Բարձր տեխնոլոգիական արդյունաբերության նախարարությունից ստացել ենք հետևյալ պատասխանը. «Ռազմամթերքի արտադրության հիմնումը՝ համաձայն «ՀՀ բարձր տեխնոլոգիական արդյունաբերության նախարարի 2024թ.-ի հունիսի 26-ի «Հայաստանի Հանրապետության բարձր տեխնոլոգիական արդյունաբերության նախարարության կողմից տնօրինվող գաղտնագրման ենթակա տեղեկությունների ընդլայնված գերատեսչական ցանկը հաստատելու մասին» N 1215-Լ հրամանի, ռազմական բնագավառի տեղեկությունների 1 4.7 և 5 4.8 կետերի, հանդիսանում է գաղտնի տեղեկատվություն և հրապարակման ենթակա չէ։ Միաժամանակ տեղեկացնում եմ, որ համաձայն ՀՀ կառավարության 2015թ. սեպտեմբերի 17-ի թիվ 1118-Ն որոշմամբ հաստատված կարգի՝ Ընկերությունը կարող է մաքսատուրքից ազատման արտոնությունից օգտվել մինչև վերջինիս անհատական որոշմամբ հաստատված ապրանքների խմբաքանակի սպառումը: Ընկերությունը բնականոն հունով շարունակում է իրականացնել ներդրումային ծրագրով ներկայացված գործունեությունը: Ինչ վերաբերում է ներդրումային ծրագրի շրջանակներում իրականացված ներդրումների, ստեղծված աշխատատեղերի և արտադրանքի ծավալների վերաբերյալ տեղեկատվությանը, ապա այն համարվում է առևտրային գաղտնիք և ենթակա չէ հրապարակման»:

Ռուսական ռուբլու առքի առավելագույն արժեքն է 4․84 դրամ, վաճառքի նվազագույն արժեքը՝ 4.92 դրամ:

Ձերբակալված անձանցից մեկի նկատմամբ որպես խափանման միջոց է կիրառվել կալանքը, երեքի նկատմամբ՝ տնային կալանքը։ Նախօրեին նույն քրեական վարույթի շրջանակում կաշառք տալու մեղադրանքով ձերբակալվել է ևս երկու անձ, այդ թվում՝ նշված կուսակցության գլխավոր քարտուղարը: Վերջիններիս նկատմամբ կալանքը որպես խափանման միջոց կիրառելու միջնորդություններ են ներկայացվել դատարան։

Քամին հյուսիս-արևմտյան՝ 2-5մ/վ, դեկտեմբերի 30-31-ին առանձին վայրերում սպասվում է քամու ուժգնացում՝ 17-20մ/վրկ։