Լրահոս

7 ծննդատուն փակելու առողջապահության նախարարության որոշումը հանգիստ չի տալիս այդ 7 բնակավայրերի քաղաքացիներին ու բուժանձնակազմին: Սկզբում որոշումը մեկնաբանվում էր որպես անբեկանելի է, իսկ ավելի ուշ պարզվեց բեկանելի է, ավելին 7-ից առնվազն երկու ծննդատունը դեռևս չի փակվի: Խոսքը հավանաբար՝ Եղվարդի և Մարալիկի ծննդատների մասին է: Փակվելու վտանգի առաջ է նաև Աչաջուրի ծննդատունը:

Հայաստանի վարչապետը այսօր երկուսուկես ժամ հարցաքննությունների է մասնակցել Քննչական կոմիտեում: Այդ մասին առաջինն իմացանք քննիչի հետ վարչապետի սելֆիից, որը առավոտյան հրապարակվել էր Փաշինյանի ֆեյսբուքյան էջում: Մի քանի ժամ անց, Քննչական կոմիտեն պարզաբանեց, որ կառավարության ղեկավարին հարցաքննել են գաղտնալսումների հայտնի գործերով: Մի դեպքում, որպես վկա, մյուս դեպքում, որպես տուժող: Ըստ պաշտոնական աղբյուրի, հարցաքննվել են նաև Արթուր Վանեցյանն ու Սասուն Խաչատրյանը:

Գլխավոր դատախազությունն ընթացք է տվել Նաիրա Զոհրաբյանի պաշտոնական էլեկտրոնային հասցե մուտք գործելու վերաբերյալ նրա գրառմանը։ Դատախազությունը կփորձի հասկանալ նաև, թե ովքեր են կոտրել Antifake.am-ի և politic.am-ի խմբագիրների ֆեյսբուքյան էջերը: 

Տեղափոխվենք Լիբանան, որտեղ վերսկսվել են բողոքի գործողությունները: Ցուցարարները «զայրույթի շաբաթ» են հայտարարել փակելով ճանապարհները, այրելով անվադողեր: Ոստիկանության հետ բախումների պատճառով վիրավորներ կան: Ցուցարարների պահանջները նոր իշխանության հետ փոխվել են: Էլեկտրամատակարարման խնդիրները լուծելուց մինչև հնարավորինս արագ նոր կառավարության ձևավորում։

Ազգային ժողովի տնտեսական հարցերի հանձնաժողովում այսօր որոշել են արտոնություն տալ այն ընկերություններին, որոնք երբևէ տիեզերական սարքեր արտադրելու միտք կունենան: Նախագիծը բարձր տեխնոլոգիաների նախարարն է խորհրդարան բերել ու հորդորել իրենց նախագծին մի աչքով չնայել: Տիեզերական ինդուստրիայով հետաքրքրվողներ կան:

Նոր-նոր՝ ընդամենը երկու շաբաթ է, ինչ գործում է բալային համակարգը, բայց արդեն հասցրել է փողոց դուրս բերել անհատ տաքսու վարորդներին: Նրանք կարծում են իրենք են երթևեկության կարգավորման նոր համակարգից ամենաշատ տուժածները: Ի դեպ, ոտիկանության տվյալով, 12 օրում՝ 454 վարորդ արդեն հասցրել է բալեր կորցնել:

Վերջապես մշտական տանիք գտած Մուրադյանների մասին է: Վիվասելի օգնությամբ կառուցված տանը գարնանը կծնվի երիտասարդ ընտանիքի 2-րդ երեխան:

Չինաստանի Սինին քաղաքում ավտոբուսն ընկել է ճանապարհի մի հատվածում բացված փոսի մեջ: Միջադեպի հետևանքով զոհերի թիվը հասել է 9-ի: Ինչպես ֆիքսել են տեսախցիկները ավտոբուսի ընկնելուց հետո փոսում պայթյուն է եղել:

Առաջիկա 3 օրվա ընթացքում Վերաքննիչ դատարանը կքննի թե որքանով են իրավաչափ 5-րդ ալիքի սեփականատեր Արմեն Թավադյանի ձերբակալումն ու կալանքը: Կարող է քննվել նաև Թավադյանին գրավի դիմաց ազատ արձակելու հարցը: Նրա փաստաբան Հովհաննես Խուդոյանը մի շարք իրավախախտումների մասին է այսօր բարձրաձայնել,սկսած գործի նյութերի փոխանցումը Վերաքննիչ ձգձգելուց, մինչև ապօրինի խուզարկություններ:

ՀՀ գլխավոր դատախազությունը Երեւան քաղաքի կենտրոնի նստավայրում ՀՀ ԱԺ նախկին պատգամավոր, գեներալ Մանվել Գրիգորյանի խափանման միջոցի գործով արտահերթ նիստ է նախաձեռնել: Նիստը կայանալու է այսօր՝ ժամը 18։00-ին։

 Հիմա արդեն Ձեր նկարը ժողվարչապետն անձամբ է պտտում համացանցում: Գիտեք ինչու՞: Որովհետև նա չի ցանկանում շատ մոտ ապագայում միանձնյա ստանձնել գործեր կարելու և ընդհանրապես` իրավական բեսպրեդելի ողջ պատասխանատվությունը: Նա դեռ ընդամենը «հանցակցին» է հանրայնացնում:

Աննախադեպության՝ առաջինն ու միակը լինելու մոլուցքը Փաշինյանին հետապնդում է ամենուր: Առավոտյան քննիչ-վարչապետ-սելֆի բեմականացումը սովորականի պես ծիծաղելի վերջաբան ունեցավ. պարզվում է՝ պատմության մեջ առաջին անգամ հարցաքննված ՀՀ գործող ղեկավարը ոչ թե ինքն է, այլ երկրորդ նախագահ Ռոբերտ Քոչարյանը: Իսկ աննախադեպության հարցում ինքն իսկապես առաջամարտիկ է:

Անցյալ տարի, երբ կառավարության առջև բողոքող մեր հպարտ համաքաղաքացիներից մեկը գործածեց <<բոլոլա ա լինելու>> արտահայտությունը, շատերը զվարճացան իրարանցում, խառնաշփոթ, քաոս իմաաստերն արտահայտող այդ բարբառային բառի կիրառությամբ:
Մեկ տարի առաջ դժվար էր ենթադրել, որ բոլոլա-ն` խառնաշփոթն ու քաոսը, դառնալու է մեր իրականության, մեր ընթացիկ կյանքի անբաժանելի ուղեկիցը:

Ստիպված եմ հիասթափեցնել ՀՀ վարչապետ Նիկոլ Փաշինյանին, քանի որ Հայաստանի պատմության մեջ առաջին անգամ հարցաքննված երկրի գործող ղեկավարը ոչ թե ինքն է, այլ ՀՀ երկրորդ նախագահ Ռոբերտ Քոչարյանը: