Լրահոս

Անհասկանալի են հիմքերը, թե ինչու են երիտասարդներին բերման ենթարկվել։ Ձևակերպում են, որ օրինական պահանջ չի կատարվել, բայց այնտեղ օրինական պահանջ չէր հնչել, որ մի հատ էլ կատարվեր կամ չկատարվեր։ Ոստիկանության Կենտրոնի բաժնի մոտ լրագրողներին ասաց Հայաստն Խմբակցության պատգամավոր Արամ Վարդևանյանը, անդրադառնալով Կառավարության մոտ ակցիայի ժամանակ երիտասարդների բերման ենթարկվելուն։ «Թույլ չենք տալու, որ որևէ անձ որը իր բողոքն է արտահայտում հանուն Հայաստանի, հանուն Արցախի, լինի միայնակ ոստիկանությունում, շատ արագ արձագանքելու ենք։ Իրավաչափ գործողությունները նման ոչ իրավաչափ ձևով կասեցնելը անիմաստ գործողություն է, ես չգիտեմ ոստիկանները դրանով ում են ինչ ծառայություն մատուցում»,-ասաց Վարդևանյանը։

Պարոնայք ենթասպաներ, սպաներ, գեներալներ, մեզ համակիր քաղաքացիներ, երկրի ներսում սրվում է ներքաղաքական պայքարն իշխանության և ընդդիմադիր ուժերի միջև: Հայաստանի, Արցախի և Սփյուռքի մեր հայենակիցներն իրավամբ տագնապում են, որ իշխանությունները զոհելով մեր ազգային շահերը` գործում են ի նպաստ Թուրքիայի և Ադրբեջանի: Այս մասին կոչ-հայտարարություն է տարածել ԱԱԾ պահեստազորի սպաների միությունը: Հայտարարությունում նաեւ ասվում է. «Գնալով խորանում են իշխանության ու հասարակության միջև անջրպետը, անվստահության մթնոլորտը` ակնհայտորեն հանգեցնելով ժողովրդական հուզումների և բախումների: Պահը վտանգավոր է, բայց և միաժամանակ պատասխանատու մեր ինքնությունը և ազգային հետաքրքրությունները պաշտպանելու, երկիրը զարգացման ճիշտ ուղու վրա դնելու առումով: Այս պայմաններում խիստ կարևորում ենք մեր գործընկեր ենթասպաների, սպաների, գեներալների, համակիր քաղաքացիական անձանց հետ խորհրդակցական բնույթի հանդիպումներ, քննարկումներ ծավալելը միասնական դիրքորոշում ձևավորելու և համատեղ գործելու նպատակով: Լռելը և կողմ քաշված իրադարձություններին հետևելը հարիր չեն հայրենասեր մարդուն, առավել ևս երկրի անվտանգության համար տարիներ շարունակ ծառայած զինվորականին: Ժամանակն է մի կողմ թողնել ներքին բոլոր հակասությունները և տարաձայնությունները, գործել մոբիլիզացված ու միասնական ուժերով: Այսկերպ մենք կարող ենք նպաստել իրավիճակի ճիշտ հանգուցալուծմանը: Ուստի կոչ ենք անում առաջիկա մեկ-երկու օրում անձնապես գալ ԱԱԾ պահեստազորի սպաների միություն /Փ. Բուզանդի 3, հեռ.`055-411-577, 098-62-80-20, ժամը` 10:00-20:00/ կամ կապ հաստատել մեր Facebook-յան էջով, հնարավոր զարգացումների և լուծման շուրջ ներկայացնել Ձեր դիրքորոշումն ու առաջարկները»:

Ամեն ինչը ճիշտ է և օրինական. այս մասին լրագրողներին ասաց ՀՀ նախկին փոխոստիկանապետ Լևոն Երանոսյանը՝ անդրադառնալով հարցին՝ ինչ մոտեցում ունի ընդդիմության կողմից փողոց փակելու անհնազանդության ակցիաների վերաբերյալ։ Հարցին՝ պատրաստվո՞ւմ է միանալ պայքարին և ճանապարհ փակել, Երանոսյանը ասաց․ «Ես միացած եմ առաջին օրվանից մինչև հիմա, ամեն ինչ նորմալ է»,- ասաց Երանոսյանը։

Ո՞ւմ է հետաքրքիր` ես «Քաղաքացիական պայմանագիր» կուսակցությունից այլ առաջարկ ստացել եմ, թե ոչ, իմ սեփական դիմումի համաձայն ազատվել եմ Ավանի փոխթաղապետի պաշտոնից և հիմա հանգստանում եմ, այլ առաջարկ ստացել եմ, չեմ ստացել՝ Աստված առաջ, ես հիմա էլ եմ քաղաքականության մեջ։ Այս մասին Tert.am-ին ասաց Ավանի նախկին փոխթաղապետ Ներսես Պողոսյանը՝ անդրադառնալով հարցին՝ այս ընթացքում «Քաղաքացիական պայմանագիր» կուսակցության թիմի կողմից ստացե՞լ է այլ առաջարկ, թե՞ ոչ։ «Եթե ես մարդկանց հետ ճանապարհ եմ գնում, ուրեմն գնում եմ մինչև վերջ, ՔՊ-ն իմ թիմն է ու ես ընկերներիս չեմ դավաճանել։ Ստացել եմ առաջարկ, թե չէ, իմ անձնական է, «պիպետկից պրծանք, հիմա էլ սա»,- ասաց նա։ Հարցին՝ հնարավոր է միանա ընդդիմության կողմից հանուն Արցախի կազմակերպված ցույցերին և փողոցային պայքարին, Պողոսյանը ասաց․ «Ես երբեք իմ ժողովրդին դեմ չեմ գնացել։ Ընդդիմությունը լավ է անում, բարի, թող ցույցեր անի, բայց թող ազնիվ նկատառումներով անի։ Ընդդիմության մեջ ունեմ ընկեր, ով ամեն օր միտինգ է անում, բայց խրամատի մեջ մենք իրար ենք գրկել, պահել ենք Արցախը։ Հիմա Արցախը կերել են, Արցախի համար միտինգ են անո՞ւմ։ Ես ցույցերին գնացող ժողովրդին բան չեմ ասում, բայց լիդերները թող իրենց անցյալը հիշեն։ Հիմա կասեն՝ այն ժամանակ «կանսերվի բանկաներ» էին , բայց հողեր չունեինք կորցրած, դե պատերազմ չկար, դրա համար էլ չունեինք։ 2016թ․-ին, երբ Ապրիլյան պատերազմի ժամանակ Սերժ Սարգսյանը գնացել էր բանակցությունների, ես բոլորի ասում էի՝ չփորձվեք հանկարծ մեկդ Սերժ Սարգսյանին վատ բան ասել, թուրքի հետ է բանակցում, հիմա Նիկոլ Փաշինյանի հանդիպումներից առաջ կանգնում, միտինգ են անում։ Մեր առաջ թուրքն է, իսկ ինձ համար լավ թուրքը մեռած թուրքն է»,- ասաց Ներսես Պողոսյանը։ Հիշեցնենք, որ դեռևս ապրիլի 8-ին Ավան վարչական շրջանի ղեկավարի տեղակալ Ներսես Պողոսյանն աշխատանքից ազատվելու դիմում էր ներկայացրել։ Ավելի վաղ ոստիկանները Ներսես Պողոսյանի գրպանում կաթուցիչ էին հայտնաբերել, իսկ նրա տանն իրականացված խուզարկությամբ հայտնաբերվել է քիչ չափաբաժնով հաշիշ: Այս դեպքերի առնչությամբ հարուցվել է քրեական գործ, նախաքննությունը շարունակվում է:

Մայրաքաղաքի տարբեր հատվածներում ՀՀԿ–ական երիտասարդները, ՀՅԴ-ական տարբեր կազմակերպությունների ներկայացուցիչները, «Հայաստան» ու «Պատիվ ունեմ» խմբակցությունների պատգամավորները տարբեր ձևաչափի իրազեկման ակցիաներ են իրականացնում։ Մոտոցիկլետներով ակցիա են իրականցնում Արթուր Վանեցյանի աջակից երիտասարդները՝ կոչ անելով հանրությանը միանալ հանուն Հայաստանի ու Արցախի պաշտպանության ակցիաներին։ Հիշեցնենք, որ այսօր՝ ապրիլի 26-ին, երեկոյան ժամը 19.30-ին, Կայարանից՝ Սասունցի Դավթի արձանի մոտից, կմեկնարկի «Դիմադրության շարժման» իրազեկման ակցիան։

Քայլարշավի մասնակիցներն այսօր երթը շարունակել են Հովք գյուղից, մինչև երեկո պետք է հասնեն Դիլիջան: Ճանապարհին տասնյակ քաղաքացիներ կանգնում, ողջունում են նրանց:

Մայրաքաղաքի տարբեր հատվածներում երիտասարդները շարունակում են իշխանափոխության պահանջով բողոքի ակցիաներ իրականացնել։ Այս պահին քաղաքացիները փակել են Հաղթանակի կամուրջը։ Մինչ այդ երիտասարդների մեկ այլ խումբ փակել էր Կոմիտասի պողոտ

Տիգրանաշենից դեպի Երևան եկող ևս մեկ երթ է շարժվել: Հայաստանի 4 խորհրդանշական վայրերից են մեկնարկում ընդդիմադիրների երթերը` Իջևան, Տիգրանաշեն, Բաշ Ապարան ու Սարդարապատ:

Տիգրանաշենից դեպի Երևան եկող ևս մեկ երթ է շարժվել: Հայաստանի 4 խորհրդանշական վայրերից են մեկնարկում ընդդիմադիրների երթերը` Իջևան, Տիգրանաշեն, Բաշ Ապարան ու Սարդարապատ:

Այս պահին թեժ է Կառավարության մոտ: «Երիտասարդի ձայնը» նախաձեռնության իրազեկման ակցիան հասել է գործադիրի մոտ: Առավոտից շրջել են Երևանի համալսարաններում, Արցախի 100 մետրանոց դրոշը բացել:

«Հայրենիք» կուսակցության մամուլի խոսնակ Սոս Հակոբյանը ArmDaily.am-ի հետ զրույցում ասաց, որ իրենց ակնկալիքները ակցիաներին մարդկանց մասնակցությունից կարծես թե արդարացված են։ «Մեր ակնկալիքները մինչ այժմ, ես կարծում եմ, հիմնականում արդարացված են, այսինքն արդարացված են։ Մարդիկ երեկ վճռական էին շատ՝ պայքարին տրամադրված և շատ մեծ ոգևորություն ու հավատ կա, որ այս անգամ հաղթանակը լինելու է և վերջապես մարդիկ ազատվելու են այս աղետ բերող իշխանություններից ու հնարավորություն ստանալու նորմալ, երկարաժամկետ, հասկանալի ապագա կառուցող պետություն ունենալու»,-ասաց Հակոբյանը։ Մեր հարցին, որ ակցիաներից հետո քննարկումներ ծավալվեցին, որ ոստիկանության ուժերը չեն բավարարի հակազդել ընդդիմության ապակենտրոն ակցիաներին, եթե ավելի մեծ ու շատ դիմադրության օջախներ ծագեն, Սոս Հակոբյանն ասաց. «Ի սկզբանե ապակենտրոն պայքարը, մենք ասել ենք, միտված է արդյունավետությանը, որն իրենից ենթադրում է, որ քաղաքի տարբեր հատվածներում նույն քանակի ուժեր ոստիկանությունը երբեք ի վիճակի չի եղել ու ի վիճակի չի լինի կենտրոնացնել։ Իրենք ունենալու են նաև կոորդինացիայի և կառավարման խնդիրներ և մեկ ակցիայի խափանումը նաև չի խափանելու մյուս ակցիայի միաժամանակ իրականացումը։ Այսինքն նաև ռիսկերի բաշխում է տեղի ունենալու, հետևաբար սա տակտիկական արդյունավետության տեսանկյունից կարծում եմ, որ շատ ավելի էֆֆեկտիվ և լավ է։ Հատկապես որ այս պահին մարդկանց ոգևորելու և մարդկանց ուշադրությունը գրավելու խնդիր կա՝ մարդկանց մասնակցային պրոցեսը ակցիային լինելը մեծացնելու»,-եզրափակեց «Հայրենիք» կուսակցության մամուլի քարտուղարը։

Ինչպես արդեն տեղեկացրել էինք, Արարատի մարզի Վեդի խոշորացված համայնքի ավագանու անդամ Հռիփսիմե Արշակյանը դուրս էր եկել Նոր Կյանք գյուղի միջնակարգ դպրոցի մանկավարժի աշխատանքից: Նա միացել է դիմադրության պայքարին և Տիգրանաշենից քայլերթով գալիս է Երևան: «Ես իմ քայլով ուզում եմ ցույց տալ Արցախին, որ իրենք մենակ չեն, մենք հայրենիքը հանձնելու մանդատ չենք տվել այս իշխանությանը, դրա մասին պետք է հիշեցնել»,-ասաց նա:

Այսօր ժամը 18:30 կհանդիպեն Սասունցի Դավթի արձանի մոտ և կիրականացնենք հերթական իրազեկման մեր գործողությունները: Ֆեյսբուքյան ուղիղ եթերում տեղեկացրեց «Հայաստան» խմբակցության պատգամավոր Արամ Վարդևանյանը: «Երեկ մենք ստիպված էինք արձանագրել, որ ոստիկանության ծառայողների գործողություններն իհարկե, իրավաչափության հետ առնչություն չունեին: Սա ցավով եմ արձանագրում, որովհետև ոստիկանությունը ևս իր մեջ ունի բազմաթիվ հայրենասեր ծառայողներ, սա փաստ է, և ես ձեզ կարող եմ նաև տեղեկացնել, թե որքան ոստիկաններ, հենց իրենց գործընկրների արարքներից մեղմ ասած՝ վատ են զգում: Նաև մի դեպք եմ ցանկանում պատմել, որը տեղի ունեցավ երեկ երթի ժամանակ: Ինձ մոտեցավ մեր հայրենակիցներից մեկ, ով շատ ազնվորեն ցանկացավ ինձ հայտնել, որ 2021 թվակնի հունիսի 20-ի ընտրություններին իր ձայնը տվել էր Նիկոլ Փաշինյանին, բայց մասնակցում էր մեր քայլերթին՝ ասելով, որ ինքը գիտակցում է, որ սխալվել է: Ես իրեն մեկ պատասխան տվեցի և կարծում եմ, որ այդ պատասխանը կարող էր նաև օգտագործվել շատերի կողմից, ովքեր ևս իրենց շրջապատում ունեն մեր այդ հայրենակցի պես մարդկանց: Պատասխպանը հետևյալն է, որ ոչ թե մեր հայրենակիցը սխալվել է, այլ մեր հայրենակցին խաբել են՝ 18 թվականին, 19-ին, 20-ին և այո, 21 թվականին»:

Այս ճանապարհը, որով հիմա մենք քայլում ենք, Նիկոլի սահմանազատման և սահմանագծման հանձնախմբի ստեղծման դեպքում համարվելու է ադրբեջանական, և մենք այս ճանապարհով այլևս ոչ կարողանալու ենք քայլել, ոչ երթևեկել: Քայլերթի ժամանակ ասաց ՀՅԴ Արարատի Մարզային կոմիտեի ներկայացուցիչ Գերասիմ Վարդանյանը: «Նիկոլն ու Ալիևը սա ադրեջանական տարածք են համարում, իսկ մենք համարում ենք, որ սա հայկական է, դրա համար էլ եկել ենք այստեղից քայլելու, սա խորհրդանշական է, իսկ ովքեր մեզ հետ են, սա համարում են հայկական, կոչ ենք անում միանալ մեզ»: Հիշեցնենք, որ ընդդիմությունն ապրիլի 25-ից երթեր են սկսել ՀՀ տարբեր մարզերից դեպի Երևան։ Առաջինը սկսվել է Տավուշից` Իջևան քաղաքից։ Միաժամանակ Երևանում մեկնարկել է «Դիմադրություն» շարժումը, որոնք մինչ ընդդիմության մյուս անդամները տարբեր մարզերից կհասնեն Երևան, մայրաքաղաքի տարբեր հատվածներում պատրաստվում են իրազեկման ակցիաներ իրականացնել։ Այսօր՝ ապրիլի 26-ին, Կայարանից՝ Սասունցի Դավթի արձանի մոտից, կմեկնարկի «Դիմադրության շարժման» իրազեկման ակցիան։

«Օրվա իշխանությունների հեռացումը պահանջող մեր հայրենակիցների երկրորդ խումբը սկսեց իր քայլարշավը Տիգրանաշենից։

Մոր կողմից Դեբեդ գետը նետված 2-ամյա երեխայի վիճակը ծանր է, այս մասին հայտնում են «Սուրբ Աստվածամայր» ԲԿ-ից։ «Ապրիլի 25-ին Ալավերդի քաղաքում երկու տարեկան երեխային գտել են Դեբեդ գետում: Գետից դուրս բերելուց հետո փոքրիկը ծայրահեղ ծանր վիճոկով տեղափոխվել է հիվանդանոց: Մարզային ԲԿ-ների բժիշկների հետ քննարկումներից հետո որոշում է կայացվել երեխային տեղափոխել Երևան: «Սուրբ Աստվածամայր» ԲԿ-ի բժիշկները նրան տեղափոխել են վերակենդանացման բաժանմունք: Փոքրիկի մոտ առկա է որովայնի սալջարդ, կրծքավանդակի սալջարդ, ջրահեղձություն: Վիճակը ծանր է, գտնվում է բժիշկների խիստ վերահսկողության տակ», - հայտնել է ԲԿ-ի խոսնակ Գևորգ Դերձյանը։

Երեկ՝ ապրիլի 25-ին, ավտովթար է տեղի ունեցել Գեղարքունիքի մարզում։ Ժամը 21։40-ի սահմաններում Արմավիրի մարզի բնակիչ՝ 26-ամյա Արթուր Ն-ն իր վարած ՎԱԶ 2121 մակնիշի ավտոմեքենայով Երևան-Իջևան ավտոճանապարհից դեպի «Լավանդա» հանգստյան գոտի տանող հատվածում դուրս է եկել ճանապարհի երթևեկելի գոտուց և գլխիվայր հայտնվել ձորակում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Արթուր Ն-ն, նրա ուղևորներ՝ 27-ամյա Մարզպետ Ս-ն և 24-ամյա Տիգրան Ղ-ն մարմնական վնսվածքներով տեղափոխվել են «Սևան» բժշկական կենտրոն։