Լրահոս

Արդեն երկու ամիս ռուսական վերահսկողության տակ ապրող Վոլոնովախան փորձում է մաքրել պատերազմի հետքերը: Քաղաքում բացվում են դպրոցները, մանկապարտեզներն ու խանութները:

Ավետիք Չալաբյանը բերման ենթարկվեց․ ՈւՂԻՂ

Իրանագետներն ահազանգում են, որ մայիսի 21-ից Իրան մուտք գործող հայկական պետհամարանիշով ավտոմեքենաներից 120 դոլար է գանձվելու: Սա նշանակում է, որ Իրանը չեղարկում է 2004 թվականի մայիսին Հայաստանի հետ կնքած համաձայնագիրը:

Ադրբեջանի ԱԳՆ մամուլի ծառայության ղեկավար Լեյլա Աբդուլաևան «անտեղի ու անհիմն» է որակել Նիդերլանդներում Հայաստանի վարչապետի գերիների վերաբերյալ հայտարարությունը:

Լեո-Պարոնյան խաչմերուկում հղի կնոջը վրաերթի ենթարկած ոստիկանին նոր մեղադրանք է առաջադրվել և կալանավորման միջնորդություն է ներկայացվել մի հոդվածով, որ պատիժ է սահմանում պատահարի վայրը լքելու համար: «Այդ հոդվածը հուլիսի 1-ից դուրս է գալու քրեական օրենսգրքից»,- ասել է մայորի փաստաբանը:

Նիկոլ Փաշինյանի հրաժարականի պահանջով արդեն 12 օր անհնազանդության խաղաղ ակցիաներ անող «Դիմադրության» շարժումը այսօր ևս ավտոերթով իրազեկման ակցիա է արել:

Պատերազմի ժամանակ գերագույն գլխավոր հրամանատար վարչապետ Նիկոլ Փաշինյանը վկայի կարգավիճակում կհարցքննվի՝ պետական դավաճանության գործով: Նրան հարցաքննելու ցուցումը գլխավոր դատախազն է տվել քննչական մարմնին:

Ոստիկանության հատուկ նշանակության վարչության ծառայողները խուզարկում են ՀՅԴ գերագույն մարմնի անդամ, ԱԺ նախկին պատգամավոր Սուրեն Մանուկյանի տունը:

«Փաշինյանի ձերբակալումն անխուսափելի է, քանի որ նա կարող է դիմել փախուստի։ Պետք է կանխել Փաշինյանի փախուստը ՀՀ–ից։ Բացի այդ, նա, զբաղեցնելով վարչապետի պաշտոնը, կարող է խոչընդոտել գործի նախաքննությունը»,–ասել է «Դիմադրություն». շարժման անդամներից Արթուր Ղազինյանը։

Մայիսի 12-ին, ժամը 12։23-ին Ճգնաժամային կառավարման ազգային կենտրոն ահազանգ է ստացվել, որ Երևանի Թբիլիսյան խճուղում գտնվող «R&V Comfort» խանութի հետնամասում գտնվող հողատարածքներից մեկում օձեր են նկատվում․ անհրաժեշտ է փրկարարների օգնությունը։ Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ օձը նկատվել է Նորավան թաղամասի տներից մեկի բակում։ Փրկարարները հայտնաբերել են գյուրզա տեսակի օձ և տեղափոխել անվտանգ տարածք։

«Դիմադրություն» շարժման մասնակիցները այս պահին գտնվում է դատախացության շեմքի մոտ․ ՏԵՍԱՆՅՈՒԹ

«Դիմադրության» շարժումը երթով գնում է դեպի Դատախազություն, որտեղ հավաքված են զոհերի հարազատները։ «Գնում ենք Դատախազության մոտ հերոսների ծնողներին մեր աջակցությունը հայտնելու, իրենց պահանջը արդար է իրենց պահանջը պայքարի մասին է»,- Ֆրանսիայի հրապարակում հայտարարեց Արամ Վարդևանյանը։ Վարդևանյանը նշեց, որ Գլխավոր Դատախազության դիմաց ծնողները պահանջում են, որ Նիկոլ Փաշինյանը ձերբակալվի։

Դուշանբեում մեկնարկել է Հայաստանի, Ռուսաստանի և Ադրբեջանի արտգործնախարարներ Արարատ Միրզոյանի, Սերգեյ Լավրովի և Ջեյհուն Բայրամովի եռակողմ հանդիպումը: Ավելի վաղ Սերգեյ Լավրովն առանձին երկկողմ հանդիպումներ է անցկացրել Հայաստանի և Ադրբեջանի ԱԳ նախարարների հետ:

Ռուսաստանի նախագահ Վլադիմիր Պուտինը տարեվերջին կարող է պետական այցով այցելել Հայաստան։ Հայաստանի արտգործնախարար Արարատ Միրզոյանը ռուս գործընկեր Սերգեյ Լավրովի հետ հանդիպմանը նշել է, որ այցը նախատեսված է հոկտեմբեր-դեկտեմբեր ամիսներին, հայտնում է Սպուտնիկ Արմենիան։ Այցի մանրամասները, այդ թվում՝ ստույգ ժամկետները, ճշտվում են։

Ադրբեջանի և Ռուսաստանի արտաքին գործերի նախարարներ Ջեյհուն Բայրամովը և Սերգեյ Լավրովը հինգշաբթի Դուշանբեում ԱՊՀ արտգործնախարարների խորհրդի նիստի շրջանակում քննարկել են երկկողմ կապերի զարգացումը և Բաքվի և Երևանի միջև հարաբերությունների կարգավորումը, գրում է ՏԱՍՍ-ը։ Նախարարները մտքեր են փոխանակել տարածաշրջանում տիրող իրավիճակի շուրջ, ևս մեկ անգամ ընդգծել եռակողմ (Լեռնային Ղարաբաղի վերաբերյալ) հայտարարությունների լիարժեք իրականացման կարևորությունը խաղաղության և անվտանգության ապահովման համար, ընդգծել են Ադրբեջանի և Հայաստանի միջև հարաբերությունների կարգավորմանն ուղղված քայլերի կարևորությունը:

Հաջորդ շաբաթ Մոսկվայում նախատեսված է Ադրբեջանի և Հայաստանի միջև սահմանազատման և սահմանների անվտանգության հարցերով հանձնաժողովի նիստը, ասել է Հայաստանի արտգործնախարար Արարատ Միրզոյանը։ «Ուզում եմ ձեզ տեղեկացնել, որ մեր ադրբեջանցի գործընկերների հետ զրուցել ենք սահմանազատման և սահմանների անվտանգության հանձնաժողով ստեղծելու հարցի շուրջ։ Փոխվարչապետ Օվերչուկի հետ պայմանավորվածություն կա, որ մայիսի 16-17-ը Մոսկվայում կհանդիպեն հաղորդակցության հարցերով, ինչպես նաև պայմանավորվածություն կա, որ այնտեղ՝ Մոսկվայում նույն օրերին, կկազմակերպվի երկկողմ հանդիպում սահմանազատման և սահմանների անվտանգության վերաբերյալ», - ասել է Միրզոյանը ՌԴ ԱԳ նախարար Սերգեյ Լավրովի հետ հանդիպմանը։

ԱԺ նախագահ Ալեն Սիմոնյանն իր ընտանիքի հետ այսօր այցելել է կենդանաբանական այգի: Այս մասին գրված է այգու ֆեյսբուքյան էջում: Ըստ հաղորդագրության՝ Ալեն Սիմոնյանը ընտանիքի հետ շրջել է այգում, տեսել նոր ծնված կենդանիներին, ծանոթացել նրանց պահման ու խնամքի պայմաններին: