Լրահոս

«Հրապարակ» թերթը գրում է. «ՔՊ-ական Ներսես Խաչատրյանը հանրությանը հայտնի դարձավ Գորիսի համայնքապետ Առուշ Առուշանյանի դեմ կարած գործից։ Մասնավորապես, նրա ջանքերով էր, որ մի քանի գորիսեցի կեղծ ցուցմունքներ էին տվել Առուշանյանի դեմ, հետո նրանցից մեկը դատարանում խոստովանեց․ «Ներսեսը խելքներս կերավ, մեզ գցեց սրա մեջ»։ Խաչատրյանը վերջերս հաճախ է լինում ԱԺ-ում։

Գործարար Հովհաննես Քամարյանի սպանության կասկածանքով բերման է ենթարկվել 24-ամյա ՀՀ քաղաքացի Հայրիկ Երվանդյանը։

Հունիսի 3-ին Երևանի Դեմիրճյան-Պարոնյան փողոցների խաչմերուկում անհնազանդության ակցիայի կազմակերպիչների հնչեցրած կոչերի արդյունքում ակցիայի մասնակիցները դրսևորել են ոչ իրավաչափ վարքագիծ։ Մասնավորապես, չեն ենթարկվել հասարակական կարգի պահպանություն իրականացնող ոստիկանության ծառայողների օրինական պահանջներին, բռնություն են գործադրել նրանց նկատմամբ, ինչպես նաև ոստիկանության ծառայողների ուղղությամբ նետել են շշեր, քարեր և մետաղե առարկաներ։ Տեղի ունեցածի հետևանքով, ժամը 23.00-ի դրությամբ, վնասվածքներով տարբեր բուժհաստատություններ են տեղափոխվել ոստիկանության 34 ծառայող և 16 քաղաքացիական անձ։ Բերման է ենթարկվել 11 անձ: Հարուցվել է քրեական գործ։ Կատարվում է նախաքննություն։

Փաստաբան Ռուբեն Մելիքյանը գրում է. «Արաբկիրի բաժնում 9 բերման ենթարկված քաղաքացիներից առնվազն 3-ն ունեն վնասվածքներ։ Մի քաղաքացու մոտ առկա է ձեռքի և աչքի լուրջ վնասվածք…»։

Դեմիրճյան փողոցի անիմաստ արգելափակում։ Անհամաչափ ուժի կիրառում խաղաղ, անզեն ցուցարարների նկատմամբ, որը դրսևորվում էր թե՛ 10-15 ոստիկանով առանձին ցուցարարներին դաժանաբար ծեծելով, թե՛ հատկապես հատուկ միջոցների չարդարացված կիրառմամբ։ Հատուկ միջոցները կիրառվել են դրանց կիրառման համար սահմանված կանոնների կոպիտ խախտմամբ։ Կան կադրեր, որտեղ դրանք կիրառվում են կուրորեն, առանց հասկանալու, թե կոնկրետ ուր, լուսաձայնային նռնակները պայթում էին խաղաղ կանգնած ցուցարարների շարքերի մեջ` անխուսափելի պատճառելով մարմնական վնասվածքներ, ինչը պիտի բացառվի նման միջոցի կիրառման ժամանակ։ Հ.Գ. եվրոպական կառույցներից արձագանք չսպասել, նրանք իրենց «համար» արածը չեն գնահատում։

Այսօր տեղի ունեցած բախումների հետևանքով վնասվածք է ստացել նաև ԱԱԾ նախկին տնօրեն, «Հայրենիք» կուսակցության նախագահ, ԱԺ «Պատիվ ունեմ» խմբակցության ղեկավար Արթուր Վանեցյանի կուսակիցը: «Այսօրվա խայտառակ դեպքերի մասին ասելու շատ բան կա, անպայման կասեմ: Բայց հիմա կլինեմ շատ կարճ՝ չեք մարսելու: Հ.Գ. սա մեր կուսակցական ընկերներից մեկի վնասված ոտքն է, ում անունը նրա խնդրանքով չեմ հրապարակում: Առողջություն բոլոր վիրավորներին»,-Facebook-յան իր էջում գրել է Վանեցյանը:

Ժամը 23:00-ի դրությամբ տարբեր բժշկական կենտրոններ են տեղափոխվել 50 անձ: Նրանցից 34-ը ոստիկանության ծառայողներ են, 16-ը՝ քաղաքացիական անձինք, հայտնում են առողջապահության նախարարությունից։  Տուժածներից մեկի վիճակը ծանր է, այս պահին վիրահատվում է: Մյուս տուժածները վնասվածքների առաջին վիրաբուժական մշակում են ստացել:

ստիկանության ծառայողների վնասվածքների մեծամասնությունը, ըստ ստացածս նախնական տվյալների, բեկորային է: Ծառայողները վնասվածքներ են ստացել հենց իրենց կողմից կիրառված հատուկ միջոցների բեկորներից: Բեկորային վնասվածքներ են ատացել նաև բազմաթիվ քաղաքացիներ:

«Դիմադրության» հանրահավաքը Ֆրանսիայի հրապարակում

Ժամը 22:30-ի դրությամբ տուժած քաղաքացիների թիվը «Հերացի» համալսարանական հիվանդանոցում 28 է: Նման տվյալ է հրապարակել ԵՊԲՀ աշխատակազմի ղեկավար Շուշան Դանիելյանը։ «Տուժածներից 21-ը ոստիկաններ են, 7-ը քաղաքացիական անձիք: Բոլոր տուժածներին տրամադրվում է անհրաժեշտ բուժօգնությունը` ողջ ծավալով: Տուժածներից մեկը ներկա պահին վիրահատվում է, մյուս 27-ը գտնվում են հետազոտման փուլում»,-գրել է նա։

Հունիսի 3-ին, ժամը 17։57-ին Արարատի մարզային ճգնաժամային կառավարման կենտրոն տեղեկություն է ստացվել, որ Երևան-Երասխ ավտոճանապարհին՝ Տափերական գյուղի մոտակայքում, տեղի է ունեցել ՃՏՊ․ կա տուժած։

Այսօր՝ հունիսի 3-ին, խոշոր ավտովթար է տեղի ունեցել Արագածոտնի մարզում: Ժամը 20:40-ի սահմաններում Mitsubishi Montero Sport մակնիշի ավտոմեքենան Արագած-Արթիկ ավտոճանապարհի 4-րդ կմ հատվածում՝ Կայնաշիր գյուղի վարչական տարածքում դուրս է եկել ճանապարհի երթևեկելի գոտուց, բախվել բետոնե սյանը, առաջ ընթացել, այնուհետև բախվել բնակչի տան ցանկապատին, հայտնվել հողամասում, կոտրել մի քանի ծառ, այնուհետև արմաատախիլ արել ուռենին և կողաշրջված վիճակում հայտնվել բնակչի տան՝ դրսում տեղադրված փայտե զուգարանի մեջ, կոտրելով այն: © shamshyan.com https://shamshyan.com/hy/article/2022/06/03/1214936/Այսօր՝ հունիսի 3-ին, խոշոր ավտովթար է տեղի ունեցել Արագածոտնի մարզում: Ժամը 20:40-ի սահմաններում Mitsubishi Montero Sport մակնիշի ավտոմեքենան Արագած-Արթիկ ավտոճանապարհի 4-րդ կմ հատվածում՝ Կայնաշիր գյուղի վարչական տարածքում դուրս է եկել ճանապարհի երթևեկելի գոտուց, բախվել բետոնե սյանը, առաջ ընթացել, այնուհետև բախվել բնակչի տան ցանկապատին, հայտնվել հողամասում, կոտրել մի քանի ծառ, այնուհետև արմաատախիլ արել ուռենին և կողաշրջված վիճակում հայտնվել բնակչի տան՝ դրսում տեղադրված փայտե զուգարանի մեջ, կոտրելով այն: © shamshyan.com https://shamshyan.com/hy/article/2022/06/03/1214936/

Ժամը 22:30-ի դրությամբ տարբեր բժշկական կենտրոններ են դիմել 42 անձ, նրանցից 22-ը ոստիկանության ծառայողներ են: Այս պահին առողջապահության նախարար Անահիտ Ավանեսյանը փոխնախարար Արմեն Նազարյանի հետ «Հերացի» թիվ 1 հիվանդանոցային համալիրում է:

Ոստիկանությունը վահաններով ծեծում է ցուցարարներին

Պռոշյան-Դեմիրճյան խաչմերուկում տեղի ունեցած միջադեպի պատճառով տուժել են թե՛ քաղաքացիական անձինք, թե՛ ոստիկանության ծառայողներ, հայտնում են առողջապահության նախարարությունիցԼ «Ժամը 22:20-ի դրությամբ՝ տարբեր բժշկական կենտրոններ են տեղափոխել 38 քաղաքացու: Բոլորը գտնվում են հետազոտման փուլում: Նրանց առողջական վիճակի մասին լրացուցիչ կտեղեկացնենք» , - նշված է նախարարության տարածած հաղորդագրության մեջ։

ՀՀ ԱՆ-ն հայտնում է․ 🔸 Պռոշյան-Դեմիրճյան խաչմերուկում տեղի ունեցած միջադեպի պատճառով տուժել են թե՛ քաղաքացիական անձինք, թե՛ ոստիկանության ծառայողներ: 🔸 Ժամը 22:00-ի դրությամբ՝ տարբեր բժշկական կենտրոններ են տեղափոխել 35 քաղաքացու: 🔸 Բոլորը գտնվում են հետազոտման փուլում:

«Ժողովրդավարության բաստիոն»-ի ԱԺ-ի բակում անթաքույց դիպուկահարներ են տեղակայված

Ոստիկանը ոտքով խփում է քաղաքացու գլխին

Ոստիկանության կիրառած առաջին լուսաձայնային նռնակից դիմադրության շարժման աղջիկ ցուցարարներից մեկի բեկորային վնասվածքի մասին հայտնում են Տելեգրամ ալիքները:

Ժամը 22:00 ի դրությամբ 20 քաղաքացի է գտնվում «Հերացի» համալսարանական հիվանդանոցում: Ներկա պահին բոլորը գտնվում են հետազոտման փուլում: