Լրահոս

Արագածոտնի մարզի Նիգավան գյուղի վարչական տարածքում վիճաբանության եւ կրակոցների հետեւանքով մահացած քաղաքացիների թիվը հասել է 3-ի։ Այդ մասին տեղեկացնում է 24news.am-ը։ Ոստիկանությունն ու քննչական վարչությունը պարզում են մահացածների և վիրավորների ինքնությունը: Ոստիկաններն ու քննիչները դեպքի վայրում հայտնաբերել են արնանման հետքեր, հողաթափեր, բոթաս, ակնոց, փայտ, որսորդական կրակված պարկուճներ:

Նիգավանում տեղի ունեցած միջադեպի պատճառը կենցաղային է։ Այս մասին հայտնում են ՀՀ ոստիկանությունից։ «Հունիսի 19-ին` ժամը 19.45-ի սահմաններում, Արագածոտնի մարզի Նիգավան գյուղում մի խումբ անձանց մասնակցությամբ միջադեպ է տեղի ունեցել։ Այդ ընթացքում հնչել է կրակոց, նախնական տվյալներով` գործադրվել է որսորդական հրացան: Տուժած վեց տղամարդիկ տեղափոխվել են տարբեր բժշկական կենտրոններ: Նրանցից մեկը մահացել է: Դեպքի առթիվ քրեական գործ է հարուցվել, որի շրջանակներում ձեռնարկվում են օպերատիվ-հետախուզական ծավալուն միջոցառումներ: Տեղեկացնում ենք, որ միջադեպը քաղաքական ենթատեքստ չի պարունակում, ավելին` պատճառը կենցաղային է: Դեպքին առավել մանրամասն կանդրադառնանք առաջիկայում», - ասել են ոստիկանույունից:

Ապարանում սպանված Հմայակ Միքայելյանը ՊՆ զորամասերից մեկի զինծառայող էր։ Այս մասին հայտնում է irakanum.am-ը: Ավելի վաղ հայտնել էինք, որ կրակոցներ և սպանություն է տեղի ունեցել Արագածոտնի մարզում: Ժամը 20:30-ի սահմաններում, «Ապարան» բժշկական կենտրոնից ոստիկանության Ապարանի բաժին ահազանգ է ստացվել, որ տարբեր աստիճանի մարմնական վնասվածքներով, այդ թվում՝ հրազենային, իրենց մոտ են տեղափոխվել 7 քաղաքացի։ Այս պահին տեղեկությունների համաձայն նրանցից երկուսը մահացել են։ Վիրավորներից մեկն էլ ՀՀ ԱԱԾ ՍԶ աշխատակից է: ՀՀԿ անդամ Տիգրան Վարդանյանն էլ իր ֆեյսբուքյան էջում գրել է. «Արդեն բոլորդ էլ գիտեք, որ Ապարանում ՔՊ-ականները ավտոմատներով «հարց» են լուծել, իսկ իրականում իրենց համար մեծ հարցականներ են առաջանալու: Սպանվածներից մեկը` Համիկ Միքայելյանն է: Համոյին ճանաչում եմ 2010թ.-ից: Հոյակապ տղա էր: Համիկը ԱԱԾ աշխատակից էր: Իր հայրենիքին ու պետությանը նվիրված տղա էր, ում սպանեցին Նիկոլի ուսապարկերը: Թուրքը սահմանին է սպանում, իսկ ներքին թուրքերը` «նիկոլները» սահմանից ներս: Չորս տարի շարունակ, ինչ էս վիժվածքն է իշխանության հազարավոր բարեկամներ ու հարազատներ են մեկը մյուսին օտար դարձել, հազարավոր ընտանիքներ են սգավոր դարձել: Հանուն ինչի՞: Այս սպանության մեղավորը Նիկոլ Փաշինյանն ա: Էդ չաթլախն է արյունոտ հետքեր ու գերեզմաններ թողնում Հայաստանով ու Արցախով մեկ: Հ.Գ. Ցավակցում եմ Համիկի ընտանիքի անդամներին ու հարազատներին»:

ԱԺ «Պատիվ ունեմ» խմբակցության ղեկավար Արթուր Վանեցյանը հայտնել է, որ վիրավորներից մեկը ԱԱԾ ծառայող է։ «Քիչ առաջ տեղեկացա Ապարանում տեղի ունեցած զարհուրելի դեպքի մասին: Այս պահին կա մեկ զոհված և վեց վիրավոր, որոնցից երկուսի վիճակը ծայրահեղ ծանր է: Վիրավորներից մեկը ՀՀ ԱԱԾ ՍԶ աշխատակից է: Առողջություն եմ մաղթում բոլոր վիրավորներին, ցավակցությունս զոհվածի ընտանիքին: Սպասում եմ իրավապահների գործողություններին և արձագանքին: Հ.Գ. Ժողովրդին սև ու սպիտակի բաժանողներ, գո՞հ եք», - գրել է Վանեցյանը:

Արթուր Քարտաշյանը կարիերան կշարունակի Նիկոսիայի «Օլիմպիակոսում»: Այս մասին հայտնել է ակումբի պաշտոնական կայքը:  Հայ ֆուտբոլիստի հետ կնքվել է 1 տարվա պայմանագիր՝ ևս 2 տարով երկարաձգելու հնարավորությամբ: Հայաստանի հավաքականում Քարտաշյանն անցկացրած 1 խաղում 1 գոլ է խփել:

Al-Watan թերթը հայտնում է, որ «Իսլամական պետություն» ահաբեկչական խմբավորման ավելի քան 30 գրոհայիններ փախել են Ռաքքա քաղաքի բանտից, որը վերահսկվում է Դամասկոսի ընդդիմադիր «Սիրիայի դեմոկրատական ​​ուժերի» կողմից։ Ենթադրվում է, որ  մարտիկները բանտի տարածքում արդեն տեղադրել են դիպուկահարներ և արգելապատնեշներ, խուզարկություններ են իրականացնում մոտակա տներում։

Տեխնոլոգիաներով մեր ժողովրդին պառակտեցին, իրենց հանրային խոսքով` սև ու սպիտակով ատելություն բերեցին: Բերեցին պատերազմ, աղետ ու հազարավոր զոհեր: Խաղաղության տեղը առավոտյան թուրքը սպանում է լուսավոր, պայծառ մեր երիտասարդ ԶԻՆՎՈՐԻՆ, երեկոյան օրվա իշխանությունների աջակիցները սպանում են իրենց առաջնորդին վիրավորելու համար: Թուրքին չեն դիմադրում, չեն պատասխանում, իսկ ներսում հայրենակցի վրա կրակում ու սպանում: Ոստիկաններին օգտագործում են ընդդիմության դեմ, քննչականին ընդդիմության դեմ, իսկ իրական հանցագործներին թողում ու չեն էլ կանխում: Ձեր ստեղծած ներքին ատելությանը ուզեք, չուզեք վերջ ենք տալու, օրինականությունը վերականգնելու ենք:

Այսօր կրակոցներ և սպանություն է տեղի ունեցել Արագածոտնի մարզում:  Ժամը 20:30-ի սահմաններում, «Ապարան» բժշկական կենտրոնից ոստիկանության Ապարանի բաժին ահազանգ է ստացվել, որ տարբեր աստիճանի մարմնական վնասվածքներով, այդ թվում՝ հրազենային, իրենց մոտ են տեղափոխվել 7 քաղաքացի:  Հիվանդանոցում բժիշկները ոստիկաններին և քննիչներին հայտնել են, որ վիրավորներից մեկը՝ գիտակցության չգալով, մահացել է, իսկ 6 հոգի տեղափոխվել են. մի մասը՝ Երևանի «Արմենիա», մի մասը՝ «Աստղիկ» բժշկական կենտրոններ:  Ոստիկաններն ու քննիչները պարզել են, որ միջադեպը, որն այնուհետև զուգորդվել է կրակոցներով, տեղի է ունեցել Նիգավան գյուղի վարչական տարածքում գտնվող՝ ժողովրդին հայտնի աղբանոցների հարևանությամբ:  Ոստիկանությունն ու քննչական վարչությունը պարզում են մահացածի և վիրավորների ինքնությունը: 

Այս տարվա 5 ու կես ամիսների ընթացքում 86 մարդ է ինքնասպանություն գործել, 3-ը անչափահաս՝ 2 տղա և 1 աղջիկ: Միայն այս շաբաթ 3 մարդ կամրջից է ցած նետվել ու մահացել: Սարսափելի վիճակագրության հետքերով է գնացել «Հայլուր‎»-ի թղթակից Գայանե Մովսիսյանը: Եղել է սպիտակ շորով կախված անչափահաս աղջկա տանը, Կիևյան կամրջից նետված ու հրաշքով փրկված 17-ամյա տիկտոկերի մոր հետ է զրուցել: Մեր տեսախցիկի առաջ կամրջից շաբաթներ առաջ նետված տղամարդը խոստացել է՝ դուրս գրվելուց հետո պինդ գրկելու է որդուն ու մտածելու է միայն ապրելու մասին: Կապույտ կետից մինչև աղանդավորական շարժումներ ու հարսի սինդրոմ... ինչո՞ւ է ավելանում ամենածանր մեղքը գործողների թիվը: Առաքելական եկեղեցին պնդում է, որ չեն ներվում ինքնասպանները, որովհետև ոչ միայն մարդ են սպանում, այլև զրկում են նրան զղջալու հնարավորությունից:

Pengpai-ի չինական հրատարակությունը հայտնում է, որ աշխարհի ամենամեծ չինական FAST ռադիոաստղադիտակը նախկինում ազդանշաններ է գրանցել, որոնք, ըստ աստղագետների, կարող են գալ այլմոլորակային քաղաքակրթություններից: Ավելի վաղ այս հոդվածը հրապարակվել էր Չինաստանի Ժողովրդական Հանրապետության գիտության և տեխնոլոգիայի նախարարության «Keji ribao» պաշտոնական հրապարակման մեջ, սակայն այնուհետ թերթը նյութը հեռացրել է իր կայքից։

ՔՊ պատգամավոր Մաթևոս Ասատրյանի հարազատները և ՔՊ Արագածոտնի փոխմարզպետ Էդգար Փարվանյանի հորեղբոր որդին վիճաբանել են ապարանցի մի խումբ երիտասարդների հետ, ինչի հետեւանքով վերոնշյալ մարդիկ (Մաթոսի և Էդգարի բարեկամներն ու ընկերները) կալաշնիկովով կրակել են երիտասարդների վրա, այս պահին կա մեկ զոհ և մի քանի վիրավորներ տարբեր բարդության։ Դեպքը տեղի է ունեցել Ապարանի Նիգավան միջնահատվածում։ Մեր տեղեկություններով ՔՊ-ականների հարազատները կրակել են երիտասարդների վրա, քանի որ նրանք հայոհյել են Նիկոլ Փաշինյանին։ Մենք փորձեցինք կապ հաստատել ոստիկանության մամուլի ծառայության հետ, բայց մեր զանգերն անպատասխան մանցին։ Արագածոտնի մարզպետարանի հետ ևս կապ հաստատել չհաջողվեց։ Իշխանությունները անհապաղ պետք է հրապարակային ներկայացնեն դեպքի մանրամասները։

Կյանքից ամուր կառչելու դաս են տալիս «Հայլուր‎»-ի թղթակիցներ Ծովինար Բարխուդարյանի ու Տիգրան Գասպարյանի հերոսները: Նրանք հիմա մեզ կուղեկցեն Չարեկտար՝ Արցախ-Ադրբեջան նոր շփման գծի մոտ: Շահումյանի շրջանի վերջին գյուղերը թշնամուն հանձնելուց հետո է Չարեքտարը առաջնագիծ դարձել: Գյուղից ամենաշատը 300 մետր է հեռու բարձունքը, որի վրա տեղակայված է թշնամու առաջին դիրքը: Այնտեղից կրակում են ամեն անգամ, երբ հողի մշակ կամ հովիվ են տեսնում: Բայց Չարեկտարում արդեն երկու բազմազավակ ընտանիք կա, իսկ տիկին Ռոզան տունն է կարգի բերում: 26 թոռ, 12 ծոռ ունեցող կինը լավ գիտի՝ եթե անգամ 5 օր պիտի ապրի գյուղում, դրա համար պիտի տուն դնի:

Երեկ՝ հունիսի 18-ին, խոշոր ավտովթար է տեղի ունեցել Արմավիրի մարզում: Ժամը 22:30-ի սահմաններում, ոստիկանության Արմավիրի բաժին՝ «Արմավիր» բժշկական կենտրոնից ահազանգ է ստացվել, որ «դեմքի նախնական վնասվածք» ախտորոշմամբ իրենց մոտ է տեղափոխվել մի քաղաքացի, ով հայտնել է, որ վնասվածքը ստացել է ավտովթարի հետևանքով: © shamshyan.com https://shamshyan.com/hy/article/2022/06/19/1216050/

«Խաղաղություն՝ տարածքների դիմաց»․ այս շաբաթ պատերազմում արյունաքամ լինող Ուկրաինային Արևմուտքը ցույց տվեց խաղաքարտերը: ՆԱՏՕ-ի գլխավոր քարտուղարից հետո եվրոպացի տարբեր պաշտոնյաների շուրթերով Կիև մեսիջ ուղարկեցին, որ եղել է, կա ու լինելու է Ռուսաստանը, դրա հետ պետք է հաշվի նստել, զիջումների գնալ ու վերսկսել բանակցությունները: Արևմուտքից փչած քամիներին անվերապահ հավատացած Զելենսկին, փորձագետների խոսքով, լսածին չի հավատում: Նա դեռ առաջվա համառությամբ զենք է խնդրում, պահանջում Եվրոպայից: Իսկ հին աշխարհամասում արդեն հասկանում են, որ պատերազմի 116 օրերի ընթացքում ոչնչացել է Ուրկաինայի զինանոցի 80 տոկոսը, արևելյան Ուկրաինան փաստացի ռուսական վերահսկողության տակ է և հիմա պետք է փորձել բանակցություններով փրկել գոնե Արևմտյան Ուկրաինան:

44-օրյա պատերազմից 1 տարի 8 ամիս անց Մեծամորի դիահերձարանում 140 անթաղ մարմին ու մասունք կա: Գրեթե բոլորը արդեն մեկ տարի է՝ նույնականացված են, բայց ծնողները հրաժարվում են հուղարկավորել մասունքները՝ հավատալով, որ կարող է սխալ լինել փորձաքննությունը ու պարզվել, որ ողջ են իրենց որդիները: Մեծամորի դիահերձարանում «‎Հայլուր»-ին պատմել են, որ համաճարակային վիճակը ճնշելու համար արդեն շատ ուժեղ քիմիական նութեր են ստիպված օգտագործում, բայց իրավիճակը կարող է դուրս գալ վերահսկողությունից: Անհրաժեշտ է, որ առողջապահության, պաշտպանության նախարարությունները մի բան մտածեն կամ համոզեն ծնողներին հուղարկավորել մասունքները, կամ եղբայրական գերեզման կառուցեն: Եղբայրական գերեզմանի մասին մի անգամ միայն ակնարկեց կառավարությունը, բայց հետ քաշվեց՝ տեսնելով մարդկանց ընդվզումը: Համաշխարհային փորձը ցույց է տալիս, որ աննախադեպ է այս իրավիճակը, ու, հոգեբանների պնդմամբ, հետևանքն է իշխանության պոպուլիզմի: Պետությունը, ըստ էության, վախենում է պատասխանատվություն ստանձնել ու որոշում կայացնել:

Սա առաջին մեծ հանրահավաքն էր այն բանից հետո, երբ դիմադրության շարժումը 44 օր Ֆրանսիայի հրապարակը փակ պահելուց հետո բացեց այն ու հավաքեց վրանները՝ հայտարարելով շարժման մարտավարական վերափոխման մասին: «Վրանը ընդամենը գործիք է, ինչպես պիկ-ապը»,- հայտարարեցին շարժման կազմակերպիչները՝ խնդրելով աջակիցներին չտրվել, իրենց խոսքով, իշխանական այն մանիպուլյացիային, թե Ֆրանսիայի հրապարակից վրանները հավաքելով՝ դադարում է շարժումը: Ասացին՝ հեշտ չի լինելու իշխանափոխությունը, որովհետև դրա համար ընտրվել է խաղաղ, անարյուն ճանապարհը: Մարտավարական փոփոխությունների ենթարկվող շարժման հնարավորություններից մեկը կարող է լինել Փաշինյանի իմպիչմենթի՝ պաշտոնանկության գործընթացը։

Վարդենիսի դիրքերից մեկում թշնամու կրակոցից ժամկետային զինծառայողի զոհվելու մասին առաջին լուրերից մոտ 24 ժամ անց էլ պաշտոնական հաղորդագրություն չի տարածել Հայաստանի պաշտպանության նախարարությունը: Լրատվամիջոցների հետ զրույցներում է միայն նախարարության ներկայացուցիչը հաստատել տեղեկությունը: Զոհված զինծառայողը Հրաչ Փիլիպոսյանն է՝ Արագածոտնի մարզի Բյուրական համայնքից: Նա մեկ տարի առաջ էր բանակ գնացել։ Ընտանիքի ավագ զավակն էր, ունի երկու փոքր եղբայր։ Վարդենիսի ավագանու «Միասնական Վարդենիս» խմբակցության ղեկավար Դավիթ Շահնազարյանին է Գեղամասարում հանդիպել «Հայլուրի» նկարահանող խումբը: Նրա խոսքով՝ Հրաչին անգամ չեն հասցրել հոսպիտալ տանել՝ դիրքերից իջնելու ճանապարհին նա մահացել է: Զոհված ժամկետային զինծառայողի ծննդավայրում լուրեր կան, թե շաբաթ ուշ երեկոյան դիվերսիա է արել Ադրբեջանի զինուժը:

«Եվրատեսիլում» այս տարվա հաղթող «Քալուշ» նվագախմբի անդամները դեմ են արտահայտվել այն հանգամանքին, որ երգի մրցույթը հաջորդ տարի չի կայանալու Ուկրաինայում։

Հունիսի 19-ին, ժամը 18:07-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Ծովագյուղ գյուղի «Ասա» լողափից քաղաքացիները ձկնորսական նավակով դուրս են եկել Սևանա լիճ և, մոտ 6 կմ հեռանալով ափից, ուժեղ քամու հետևանքով չեն կարողանում վերադառնալ: Դեպքի վայր է մեկնել ԱԻՆ ՓԾ մարզային փրկարարական վարչության հատուկ ջրափրկարարական ջոկատից մեկ մարտական հաշվարկ։ Ջրափրկարարները նավակը, որում գտնվել է 5 անձ, մոտեցրել են ափին։

Երևանում 33–ամյա կինը փորձել է ինքնասպանություն գործել։ Shamshyan.com-ի փոխանցմամբ՝ ժամը 15:00-ի սահմաններում, ՀՀ ոստիկանության Պարեկային ծառայողներին քաղաքացին հայտնել է, որ մի կին անցել է Կիևյան կամրջի վտանգավոր եզրագիծն ու սպառնում է ցած նետվել: Ծառայողներին հաջողվել է կնոջը մեծ դժվարությամբ վտանգավոր եզրագծից տեղափոխել անվտանգ վայր: Լրատվամիջոցին կնոջ ազգականները հայտնել են, որ նա 33 տարեկան է, երեք երեխայի մայր,և սոցիալական խնդիրներից դրդված, փորձել է ինքնասպան լինել։