Լրահոս

Վարչապետ Նիկոլ Փաշինյանը որոշումներ է ստորագրել բարձր տեխնոլոգիական արդյունաբերության նախարարի տեղակալներ նշանակելու մասին։ «Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Գևորգ Մանթաշյանին 2022 թվականի հունիսի 20-ից նշանակել բարձր տեխնոլոգիական արդյունաբերության նախարարի առաջին տեղակալ»։ «Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Ավետ Պողոսյանին 2022 թվականի հունիսի 20-ից նշանակել բարձր տեխնոլոգիական արդյունաբերության նախարարի տեղակալ», - նշված է որոշումներում։

Մեր զինծառայողների կյանքը սահմանին պաշտպանելուն զուգահեռ պետք է պաշտպանենք նաև երկրի ներսում։ Երբ այս խնդիրները լուծենք նոր միայն կարող ենք մտածել սահմանների պաշտպանության և անվտանգային սպառնալիքների հաղթահարման մասին։ Ներքին ու արտաքին թուրքը խիստ մրցակցության մեջ են, թե ով ավելի շատ սպառնալիք կստեղծի Հայաստանի ու Արցախի համար։

Հունիսի 19-ին, ժամը 22։54-ին Ճգնաժամային կառավարման ազգային կենտրոն ահազանգ է ստացվել, որ քաղաքացին փորձում է ինքնասպանություն գործել՝ նետվելով Երևանի Դավթաշենի կամրջից․ անհրաժեշտ է փրկարարների օգնությունը։ Այս մասին հայտնում են ՀՀ ԱԻՆ-ից: Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Հոգեբանական աջակցության բաժնի հերթապահ հոգեբանը: Հոգեբանական աջակցության բաժնի հերթապահ հոգեբանը Ա. Խ.-ին (ծնված 1995 թ․) ցուցաբերել է հոգեբանական աջակցություն. վերջինս տեղափոխվել է ոստիկանության Մաշտոցի բաժին։

Հայ-ադրբեջանական սահմանին տեղի ունեցած միջադեպից հետո Ադրբեջանի պետական մարմինները եւ ԶԼՄ-ները տարածեցին տեղեկություն տարբեր միջադեպերի մասին, իբր որոնց հետեւանքով զոհվել եւ վիրավորվել են ադրբեջանցի մի քանի զինվորներ։ Ադրբեջանը հերթական անգամ, հին ավանդույթի համաձայն, թաքցնում է մարտական կորուստները եւ դրանք ներկայացնում որպես դժբախտ դեպքեր։ Հունիսի 19-ի տեղեկատվության համաձայն՝ Քյուրդամիրի կենտրոնական շրջանային հիվանդանոցում ադրբեջանցի երկու զինծառայող՝ մայոր Յուսիֆ Մահիր օղլի Մամեդլին (ծնվ. 1988թ.) եւ Ֆարիդ Սամիր օղլի Նասիբովը (ծնվ. 1999թ.) զոհվել են վթարի հետեւանքով։ Տեղեկացվել է, որ Հաթեմ Հայդեմիրովիչ Բայդաշովը (ծնվ. 1994թ.) ծայրահեղ վիճակում է։ Ծառայողական պարտականությունները կատարելիս զոհվել է Ադրբեջանի ԶՈւ ազգային անվտանգության ծառայության կապիտան Յոլչուզադե Նիզամի Վահիդ օղլուն։ Զինծառայողներին մարտական դիրք տեղափոխող մեքենան ընկել է ձորը։ ANAMA ականազերծման գործակալության աշխատակից Ալի Շուքուրովը (ծնվ. 1992թ.) պայթել է ականի վրա Ջեբրայիլի շրջանում։ Շուքուրովը պայթյունի հետեւանքով բազմաթիվ վիրավորումներ էր ստացել։

Քննչական ծիծաղելի աճպարարությունը. Կարդում եմ ՊՊԾ պետ Սարգիս Հովհաննիսյանի և MediaHub.am-ի լրագրողի և օպերատորի միջև Բաղրամյան-Պռոշյան խաչմերուկում կատարված դեպքով քրեական գործի հարուցումը մերժելու մասին քննիչը որոշումը և շատ տարօրինակ հանգամանքներ բացահայտում: Այս մասին Տելեգրամի իր ալիքում գրել է «Հայրենիք» կուսակցության քաղխորհրդի անդամ Արսեն Բաբայանը: Նա նաեւ նշել է. «Պարզվում է, որ ՊՊԾ բոլոր այն ծառայողները, որոնք եղել են դեպքի ականատեսներ, իրենց բացատրություններում հստակ նշել են, որ կատարվել է լրագրողի մասնագիտական օրինական գործունեությանը խոչընդոտելու հանցագործություն: Առանց որևէ բացառության բոլոր ՊՊԾ ծառայողներն իրենց բացատրություններում պնդում են, որ կոնկրետ ծառայակիցը փակել է տեսախցիկի օբյեկտիվը, որպեսզի հնարավոր չլինի նկարահանել և լուսաբանել իրադարձությունը (ՊՊԾ պետի գործունեությունը): Բացի դրանից նրանք պնդում են, որ փորձել են հեռացնել լրագրողին դեպքի վայրից, սակայն լրագրողը և օպերատորն այդպես էլ չեն հեռացել: Կարդում ես ու մտածում, թե լավ, բա էլ ի՞նչ պետք է տեղի ունենա, որ արարքը դառնա լրագրողի մասնագիտական օրինական գործունեության խոչընդոտում: Այս ամենից հետո քննիչը եզրահանգել է, թե հանցագործություն տեղի չի ունեցել: Շուտով բողոքը պատրաստ կլինի և կտեսնենք, թե դատախազությունում մնացե՞լ է արդյոք մասնագիտական արժանապատվությունը: Քննիչի որոշումը բացահայտ ծաղրանք է քրեական իրավունքի նկատմամբ»։

Ինչպես արդեն տեղեկացրել էինք, հունիսի 19-ին կրակոցներ են հնչել Արագածոտնի մարզի Ապարան քաղաքի սկզբանամասում։ Մենք տեղեկացրել էինք, որ նախ վիճաբանություն է տեղի ունեցել ՔՊ պատգամավոր Մաթևոս Ասատրյանի հարազատների և ՔՊ Արագածոտնի փոխմարզպետ Էդգար Փարվանյանի հորեղբոր որդիների միջև, որի ընթացքում էլ հնչել են կրակոցներ։ Նախնական տեղեկությունների համաձայն կա երկու զոհ և հինգ վիրավոր։ Շրջանառվող վարկածն այն է, որ երիտասարդները հայհոյել են Նիկոլ Փաշինյանին, ինչից հետո տեղի է ունեցել միջադեպը: Ստորև ներկայացնում ենք տեսանյութ, թե ինչ էր ասում Նիկոլ Փաշինյանը 2018 թվականին: «Ես ուզում եմ ասեմ, որ թույլ չեմ տալու, որ մեր սիրո և համերաշխության հեղափոխությունից հետո կանգնի և ասի ես զենքով հարցեր կլուծեմ, զենքով այլևս հարցեր չեն լուծվելու»,-ասաց նա:

Պաշտպանության նախարարության պաշտոնական կայքում մինչև հիմա նախորդ գիշերը սահմանին տեղի ունեցած միջադեպի մասին որևէ տեղեկություն չկա։ Սա այն դեպքում, որ ՊՆ-ից լրատվամիջոցներից մեկի հետ զրույցում միջադեպը կարճ հաստատել էին, սակայն փոխանցել էին, որ մանրամասներ կհաղորդեն ավելի ուշ։ Դեպքի մանրամասների հետ կապված մի ամբողջ օր տարատեսակ լուրեր են շրջանառվում, իսկ թե ինչով են զբաղված ՊՆ-ի կուսակցական ֆունկցիոներները կարելի է միայն ենթադրել։ Դե իսկ իրավապահ համակարգը զբաղված է ընդդիմախոսների զուգարան գնալը օպերատիվ հետևելով, իշխանական մամուլին տարբեր թեմաներով օպերատիվ կադրեր տրամադրելով, իշխանական քարոզչամեքենան սպասարկելով, մի խոսքով վերածվել է քպ շարքային ստորաբաժանման։ Դե սրանց համար ի՞նչ սահման, ի՞նչ զինծառայող, ի՞նչ պաշտպանություն, ի՞նչ հայրենիք։ Կարևորը իրենց կիրակին հաճելի անցնի, փորները կուշտ լինի, փողն էլ գրպաններում անպակաս։

Հիշեցնեմ բազմիցս հնչեցված պարզ ճշմարտությունը. կապիտուլյանտն ու իր խմբավորումը Հայաստանում դե ֆակտո իշխանություն պահել կարող են բացառապես բռնապետությամբ ու օրստօրե այդ բռնապետության շղթաները ավելի են զգացվելու հասարակության բոլոր շերտերի համար։ Կրկնում եմ՝ բոլոր։ Արագածոտնում վերջին հանցագործության դեպքը ևս մեկ վկայությունն է վերևում ասվածի։ Մենք սահուն մտնում ենք արյունոտ բռնապետության վերջին փուլ, որի առաջին զոհը շաբաթներ առաջ վրաերթի ենթարկված հղի աղջիկն էր, հաջորդ զոհերը ապօրինի ձերբակալված քաղաքական բանտարկյալները, այսօր՝ ընդդիմադիր հայացքներ ունեցող երիտասարդները։ Սա #հակաՀայաստան'ն է, որին իրենց լռությամբ օժանդակում են իրենց բարի գործերով զբաղեցնող կարծիքի առաջնորդները՝ ժպիտը դեմքին, քաղաքականության հանդեպ ցուցադրական քամհարանքով և կործանվող հայրենիքի կենացը մտքում շարադրելով։ հ.գ. Իսկ առավոտյան թշնամու կրակից զոհված Հրաչ Փիլիպոսյանի մասին ՀՀ դե ֆակտո պաշտպանության նախարարությունը դեռ ոչ մի տվյալ չի հայտնել...

Երբ իրական արտաքին թշնամուն թողած թշնամիներին երկրի ներսում ես փնտրում, արդյունքը կոնֆլիկտն է, կրակոցները, մահերը, բայց ոչ թե իրական թշնամուն, այլ քո պետության քո հետ անհամաձայն քաղաքացիների: Փողոցային թափթփուկներին ու ոչնչություններին բերել դարձրել են պատգամավոր ու մարզպետ, ձեռքները զենք են տվել ու ասել են ով մեզ բան կասի, տվեք սպանեք: Սա է իրականությունը, սա է մեր ձախողումների ու պարտությունների պատճառը, սա է մեր ողբերգությունը . . .

Հայաստանում շարունակվում է կորոնավիրուսի դեմ պատվաստումային գործընթացը։ Հունիսի 12-ի դրությամբ Հայաստանում Covid-19-ի դեմ պատվաստվել է 2 միլիոն 210 հազար 776 քաղաքացի։ Առաջին դեղաչափով պատվաստվել է 1 միլիոն 137 հազար 428 քաղաքացի, երկրորդով՝ 1 միլիոն 11 հազար 387 քաղաքացի։ Երրորդ՝ բուստեր դեղաչափով պատվաստվել է 57 հազար 520 քաղաքացի։

Ոստիկանության այս խայտառակ հաղորդագրությունը լիովին բավարար է քննության ողջ ընթացքը կասկածի տակ դնելու համար, քանի որ (1) նախապես հերքվում են «անցանկալի» վարկածներ (կենցաղային է, քաղաքական չի…), (2) նախապես հաստատվում են «ցանկալի» փաստեր (որսորդական հրացան, այլ ոչ թե ինքնաձիգ, քպ-ականներն էլ իբր չեն մասնակցել միջադեպին):

Երբ Ալիևը հայհոյում ու նվաստացնում է Նիկոլ Փաշինյանին ու սպառնում գրավել Սյունիքը, Սևանը և Երևանը, ոչ մի պատասխան չի հնչում։ Մամուլից տեղեկանում ենք, որ Արագածոտնի մարզում ՔՊ֊ական պաշտոնյաների հարազատները ավտոմատով մարդ են սպանել ու վիրավորել` Նիկոլին բան ասելու համար։ Փաստորեն, տնաբույծ թրքաբոլշևիկների համար Ալիևի հայհոյանքն առ Նիկոլ, Հայաստան, Արցախ օրհնանք է, իսկ Նիկոլին չընդունող ՀՀ քաղաքացին` թշնամի։ Ընդդիմությանը քննադատում են Նիկոլին չգյուլլելու համար։ Այդ քննադատները ժամեր առաջ լրացուցիչ հիմնավորում ստացան։

Սա ոչ թե պարզապես մարդասպանություն է, այլ նաև զինված ԲԱՆԴԻՏԻԶՄ: Իրավապահների համար սա հերթական «ճշմարտության պահն է». կվերցնե՞ն արյունը իրենց ձեռքերին, թե՞ վերջապես կընտրեն օրենքի կողմը։ ՀԳ. Կրկնում եմ նեռին ուղղված բոլոր հայհոյանքները։ ՀԳ-2. Պրիվե՛տ քեզ, Կայեն։ Պրիվե՛տ ձեզ, Կայենի փալասներ։ ԼՐԱՑՈՒՄ. Չճշտված տեղեկություններով՝ մահացել է նաև քպ-ական զինված բանդայի 2-րդ զոհը։

Մամուլը հեղեղված է ՔՊ-ական պաշտոնյաների հարազատների կողմից արձակված կրակոցների հետեւանքով զոհի եւ վիրավորների մասին տեղեկություններով։ Քիչ առաջ Հանրապետական հիվանդանոցից ինձ հայտնեցին, որ իրենց մոտ տեղափոխված վիրավորներից 2 -ը ծայրահեղ ծանր վիճակում են, 3-րդի կյանքին վտանգ չի սպառնում(վնասվել է թոքը), ծայրահեղ ծանր վիճակում գտնվող վիրավորներից մեկին արդեն տեղափոխում են Աստղիկ ԲԿ(բժիշկները, ցավոք, հույս չեն տալիս)։ Սահմանից դուրս թուրքն է կրակում, սահմանից ներս՝ նիկոլենք։

Իրականում ոստիկանությունը ոչինչ չի հերքել: Հայհոյելու պատճառով վեճը հենց կենցաղային է և որևէ քաղաքական իմաստով որևէ քաղաքական ենթատեքստ չի պարունակում, գրել է «Հայրենիք» կուսակցության անդամ Արսեն Բաբայանը: ««Հերքելով» հաստատեցին։ Ոստիկանությունը շտապեց արձագանքել ՔՊ-ականների բարեկամների կողմից Ապարանում կատարած սպանությանը:  Այս իշխանության որակը տեսնո՞ւմ եք: Ուրեմն ադրբեջանի փոխարտգործնախարարը մեկ ամիս է արդեն հայտարարել է, որ Նիկոլն ու Ալիևը պայմանավորվել են հայկական 8 գյուղերն Ադրբեջանին հանձնելու մասին, բայց պաշտոնական որևէ հերքում մինչ այս պահը չի հնչել: Իսկ այս դեպքը գիշերվա 12:30-ին փորձեցին հերքել: Իրականում ոստիկանությունը ոչինչ չի հերքել: Հայհոյելու պատճառով վեճը հենց կենցաղային է և որևէ քաղաքական իմաստով որևէ քաղաքական ենթատեքստ չի պարունակում: Քաղաքական կլիներ, եթե ԱԺ-ում հայտնի քաղաքական հարցի շուրջ առաջացած վեճի ընթացքում Էդմոն Մարուքյանը սպաներ Ալեն Սիմոնյանին, երբ նա Էդմոնին անբարոյականի զավակ անվանեց»:

Ոստիկանությունը Արագածոտնի սպանության դեպքով հայտարարություն է տարածել, որ այն կատարվել է կենցաղային շարժառիթով և գործադրվել է որսորդական հրացան։ Ընդամենը ասեմ, որ քրեական գործը հարուցվել է նաև ՀՀ քրեական օրենսգրքի 235-րդ հոդվածի 1-ին մասի հատկանիշներով, ինչը նշանակում է, որ գործադրված հրազենը ոչ թե որսորդական է, այլ ապօրինի՝ մարտական։ Դե, շարժառիթի մասին տեղեկատվության իսկությունն էլ թողնում եմ յուրաքանչյուրի դատողությանը…։ Այս համատեքստում մի հարց էլ ունեմ՝ 6 վիրավորների առկայության պայմաններում քրեական գործն ի՞նչու եք հարուցել ընդամենը հասարակ սպանության համար քրեական պատասխանատվություն նախատեսող հոդվածով։

Առավոտից լրատվական դաշտը հեղեղված է Վարդենիսի ուղղությամբ թշնամու արձակած կրակոցից ժամկետային 19-ամյա զինծառայողի զոհվելու մասին լուրերով: Լուրը հաստատել են Վարդենիսի համայնքապետը, ավագանու անդամը... ՊՆ-ից, ՔՊ-ից ձեն-ծպտուն չկա մինչ էս պահը: Սրան զուհագեռ` երեկոյան նույն լրատվական դաշտը հեղեղվում է Ապարանում տեղի ունեցած վիճաբանության մասին լուրերով, որի ընթացքում, ըստ լրատվականների աղբյուրների, ՔՊ-ական պատգամավորի և ՔՊ-ական փոխմարզպետի բարեկամները Նիկոլին հայհոյելու համար ավտոմատներով կրակել են մի խումբ երիտասարդների վրա, որի արդյունքում կա զոհ (ըստ որոշ աղբյուրների` զոհեր) ու վիրավորներ` կյանքին սպառնալիքով: Մեկ էլ, հոպ, ՔՊ պատգամավորներն ու նրանց սպասարկող լրատվականները, որոնք առավոտից կարծես չեն էլ լսել սահմանային զոհի մասին, վայրկյանական լծվում են Ապարանի հանցագործության «մաքրման» գործին, թե բա սուտ լուրեր են տարածվում... Ինչքա՞ն եք դեռ անմեղ մարդկանց արյունն արյամբ մաքրելու: Վերջը բումերանգի օրենքից դեռ ոչ ոքի չի հաջողվել խուսափել:

Արտակարգ իրավիճակների նախարարությունը տեղեկացնում է, որ ՀՀ տարածքում ավտոճանապարհներն անցանելի են։ Մ3 ավտոճանապարհի Արմավիրի մարզի Լուսագյուղ-Երասխահուն հատվածում գտնվող կամրջի վնասման հետևանքով ճանապարհահատվածի երթևեկությունն իրականացվում է մեկ գոտիով՝ երկկողմ երթևեկությամբ։ Լենինգրադյան փողոցից դեպի Ծիծեռնակաբերդի խճուղի տանող ճանապարհահատվածը բաց է բոլոր տեսակի տրանսպորտային միջոցների համար։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար:

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 20-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքում՝ 11:00-16:00 Նոր Արեշ 15փ. 1-43; 69-100 սեփական տներ և 1, 3, 5, 7, 9 շենքեր, 11:00-17:00 Տիմիրյազևի և Պոպովի փողոցների սեփական տներ, Տիմիրյազևի փողոցի 1-ին նրբանցքի սեփական տներ և հարակից ոչ բնակիչ-բաժանորդներ, Ծ․ Իսակովի պող. 5/1, 9 շենքեր, Նորագյուղ թաղ. 37-337 սեփական տներ, Թաիրով փ. 46, 46/81 սեփական տներ, Խանջյան փ. 29, 31, 31ա շենքեր, Տպագրիչների փ. 13-17 շենքեր, Դեմիրճյան փ. 23, 25 շենքեր, Արգիշտի փ. 11/3 շենքի բնակիչ-բաժանորդներ և հարակից ոչ բնակիչ-բաժանորդներ, Թբիլիսյան խճ. 9/16–21/9 շենքեր և հարակից ոչ բնակիչ-բաժանորդներ, Թբիլիսյան խճ. 9/6–19/6 սեփական տներ և հարակից ոչ բնակիչ-բաժանորդներ, Գյուլբենկյան փ. 31, 33, Կասյան փ. 12 շենքեր և հարակից ոչ բնակիչ-բաժանորդներ, Բաղրամյան պող. 4-րդ նրբ․ 16-36 սեփական տներ և հարակից ոչ բնակիչ-բաժանորդներ, Ահարոնյան փ. 18, 20 շենքեր և հարակից ոչ բնակիչ-բաժանորդներ, Ահարոնյան փ. 1-69 սեփական տներ և հարակից ոչ բնակիչ-բաժանորդներ, Դալլաքյան 1-ին նրբ․ 1-67 սեփական տներ, Հովսեփ Էմինի փ. 13-49 սեփական տներ և հարակից ոչ բնակիչ-բաժանորդներ, Արագածոտնի մարզում՝ 11:00-17:00 Գետափ, Թլիկ և Արագածավան գյուղեր, Արարատի մարզում՝ 10:00-13:00 Մասիս քաղաք` Նոր, 3-րդ թաղամասեր մասնակի, Քաղաքապետարան, «Տելեկոմ Արմենիա» ընկերություն, թիվ 2 դպրոց, Հիվանդանոց և ոչ բնակիչ-բաժանորդներ, Շաղափ և Այգավան գյուղեր մասնակի, 10:00-16:00 Արգավանդ, Գեղանիստ, Գետափ, Վարդաշատ և Ուրցալանջ գյուղեր մասնակի, Զանգակատուն, Լանջանիստ և Լուսաշող գյուղեր, «Վիվասել-ՄՏՍ», «Տելեկոմ Արմենիա» և «Յուքոմ» ընկերությունների բջջային կայաններ, զորամասեր, «Հայէրոնավիգացիա» ՓԲԸ, «Զովաշեն» հեռուստակայան, «Հիդրոմետ կայան» ոչ բնակիչ-բաժանորդ, 10:30-16:00 Արաքսավան գյուղ մասնակի, 13:00-14:00 Նորամարգ գյուղ, Ռանչպար գյուղ մասնակի, Վայոց Ձորի մարզում՝ 10:00-16:00 Սարավան, Սարալանջ և Ուղեձոր գյուղեր, 11:00-15:00 Շատին գյուղ մասնակի, Կոտայքի մարզում՝ 10:00-16:00 Ձորաղբյուր գյուղ մասնակի և զինմաս, 11։00-16։00 Արամուս գյուղ և հարակից տարածքներ, Քասախ համայնք մասնակի և հարակից ոչ բնակիչ-բաժանորդեր, «Լուսին» ՍՊԸ, Հին գոմեր թաղամաս, Գարաժներ և Վյուրտ թաղամասեր, 11։00-17։00 Ջրվեժի և Ձորաղբյուրի ամառանոցներ մասնակի, Գեղաշեն և Կոտայք գյուղեր մասնակի, Լոռու մարզում՝ 11:00-17:00 Սպիտակ քաղաք՝ Կենտրոն 1 և 2 թաղամասեր, Լիֆտի թաղամաս, Շահումյան, Թորոսյան, Մյասնիկյան, Շիրակի, Ս.Ավետիսյան փողոցներ, Այգեստան 1-ին նրբանցք և թիվ 1 դպրոց, Տավուշի մարզում՝ 10:00-11:00 Իջևան քաղաք՝ Երևանյան խճուղի և ռեստորանային համալիրներ, Մեհրաբյան, Բլբուլյան, Օհանյան, Մյասնիկյան, Սարալանջի փողոցներ, Գինու գործարան, Գազի լցակայաններ, բջջային կայաններ և հարակից ոչ բնակիչ- բաժանորդներ, 13:00-14:00 Իջևան քաղաք՝ Սպանդարյան և Ուսանողական փողոցներ, Շիրակի մարզում՝ 11:00-16:00 Արթիկ քաղաք՝ Լմբատ թաղամաս և հարակից ջերմոցային տնտեսություն: Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Վաշինգտոնի կենտրոնում տոնակատարության ժամանակ հրաձգություն է տեղի ունեցել։ Հրաձգության հետևանքով սպանվել է 15-ամյա դեռահաս, 3 հոգի էլ վիրավորվել է։ Նրանցից մեկը ոստիկան է։ Իշխանությունների հաղորդմամբ՝ ԱՄՆ-ում ստրկատիրության վերացման առիթով անցկացվող տոնակատարությունն ըստ պատշաճի համաձայնեցված չի եղել քաղաքապետարանի հետ։