Լրահոս

Տիգրան Աբրահամյանն իր ֆեյսբուքյան էջում գրում է․ «Սահմանային վերջին միջադեպերը, մեր զինծառայողների գերեվարումն առաջին հերթին ցույց են տալիս ինչպես սահմանային հատվածում, այնպես էլ՝ վերջին ճգնաժամում Հայաստանի իշխանությունների տապալումները, ինչը մեզ թե ռազմական, և թե դիվանագիտական առումով խորը փակուղի է մղել:

«Սրանց ամենամեծ մեղքը նաև այն է, որ վաղվա համար ոչ մի հնարավորություն չեն թողնում բանակցությունների, միջազգային կառույցների և գործընկերների հետ աշխատանքի, գերիների վերադարձի համար: Իսկ սրանց ամենամեծ «տաղանդը» այն է, որ միաժամանակ կարողացել են հարաբերություններ փչացնել Մոսկվայի, Վաշինգտոնի, Պեկինի ու Թեհրանի հետ»։

Պաշտպանության նախարարությունը հրապարակել է ՀՀ տարածքում առանց սահմանը հատելու ինժեներական աշխատանքներ կատարած ու ադրբեջանցինի զինծառայողների կողմից գերեվարված պայմանագրային զինծառայողների անունները։

Մայիսի 27-ի վաղ առավոտյան, Հայաստանի Հանրապետության Գեղարքունիքի մարզի սահմանային հատվածում, ՀՀ ԶՈՒ N զորամասի պահպանության տարածքում ինժեներական աշխատանքներ կատարելիս, ադրբեջանական զինված ուժերի զինծառայողների կողմից շրջափակվել և գերեվարվել է ՀՀ ԶՈՒ վեց զինծառայող։