Լրահոս

Փողից բողոքող մարդկանց էկոնոմիկայի նախարարը հանգստացնում է՝ միայն աղքատները չէ, որ պարտքեր ունեն: Վստահեցնում է, որ մեր մտքով անցնող ցանկացած հարուստ մարդ պարտապան է: Էկոնոմիկայի նախարարը չի հստակեցնում՝ ի՞նքն էլ պարտքեր ունի, բայց նաև խոստովանում է, որ դժվար է մեկ ամիս ապրել 140 000 դրամով: Ամեն դեպքում համոզում է մարդկանց, որ երբ իրենք պարգևավճար են ստանում էլի ժողովրդի համար է, ոգևորվում՝ լավ են աշխատում:

Բռնության կոչ հնչեցնելու մասին հոդվածը նոր թափով է գործի դրել իրավապահ համակարգը: Հայհոյանքը, սպառնալիքներն ու կոշտ-կոպիտ բառապաշարը հանրային խոսքում սովորական դարձրած Փաշինյանի հասցեին կոշտ գրառման համար գիշերը Նոր Հաճնից՝ տնից անչափահաս 3 երեխաների աչքի առաջ Դիլիջանի բաժին հարցաքննության են տարել արցախցի կնոջը: Ըստ իրավապահների՝ Փաշինյանի մասին մեկ տարի առաջ արած գրառմամբ բռնության կոչ է հնչեցրել Գայանեն: Ինքը հերքում է այդ մեղադրանքը: Նրա փաստաբան Ռոման Երիցյանի պնդմամբ՝ իրավական հիմքեր չկան, ընտրություններից առաջ մարդկանց վախեցնելու, լռեցնելու հերթական ալիքն է սկսվել:

ԱԺ պատգամավոր Գառնիկ Դանիելյանը ֆեյսբուքյան իր էջում գրում է․ Հերթական մահվան դեպքն է գրանցվել ՔԿՀ-ում։ «Արմավիր» քրեակատարողական հիմնարկի կարանտինային խցում երեկ հայտնաբերվել է կալանավոր՝ կախված վիճակում։ Մի խումբ կալանավորներ և դատապարտյալներ հացադուլ են հայտարարել։

Սամվել Կարապետյանի «Ուժեղ խաղաղություն» անվտանգության ծրագրի շնորհանդեսն է եղել այսօր: Կարապետյանը ստեղծել է անվտանգության հարցերով միջազգային թիմ, որը պետք է օգնի միջազգային ներուժը ծառայեցնել Հայաստանի ազգային շահերին: Անվտանգության հարցերով թիմի ղեկավարն է հետախույզ Արթուր Ավանեսյանը: Նա է ներկայացրել Կարապետյանի թիմի այն 6 քայլերը, որոնք, նրանց համոզմամբ, օգնելու են ուժեղ դարձնել Հայաստանի անվտանգությունը:

Tasnim» լրատվական գործակալությունը հայտնել է, որ Հարավային Պարս գազի հանքավայրում գտնվող իրանական նավթաքիմիական համալիրը ավիահարվածների է ենթարկվել։

Իրանի նախագահ Մասուդ Փեզեշքիանը հաստատել է Իրանի հետախուզության նախարար Էսմայիլ Խատիբի մահը։

Մահափորձ՝ 2 ամիս ծեծելուց հետո. նոր մանրամասներ՝ 1-ամյա տղային բռնության ենթարկելու դեպքից

Հայլուր 20։30 | 3 զոհ, 1 վիրավոր. ողբերգական ավտովթար՝ Սյունիքում, մեքենան գլորվել է ձորը

Այսօր՝ մարտի 18-ին, խոշոր հրդեհ է տեղի ունեցել Արագածոտնի մարզում։ Ժամը 15:20-ի սահմաններում անհայտ անձը կամ անձինք Աշտարակ-Էջմիածին ավտոճանապարհի՝ Օշական վարչական շրջանի դաշտամիջյան հատվածում անվադողեր են հրկիզել, ինչի հետևանքով առաջացել են խոշոր կրակ և հսկայական ծուխ։

Անփոփոխ է մնացել Շիրակի թեմի առաջնորդի տնային կալանքը, բայց նրան դատարանը թույլատրել է պատարագների մասնակցել ու հաղորդություն ստանալ, բայց պատարագներ մատուցելու արգելքը չի հանվել: Փաստաբանները միջնորդել էին վերացնել սրբազանի խափանման միջոցը, քանի որ, ըստ նրանց, սրբազանին առաջին ատյանի դատարանը որոշել էր ազատազրկել 2 տարի ժամկետով և այդ ժամկետի 1/3-ը արդեն լրացել է: Այսինքն, եթե անգամ վերաքննիչ դատարանը առաջին ատյանի դատավճիռն անփոփոխ թողնի, ապա այդ պայմաններում Միքայել Սրբազանը չի կարող պատիժը կրել։

2025 թվականին ադրբեջանական կողմը վերաբնակեցրել է Խնածախ գյուղը և տարածել գյուղի ադրբեջանցիների «վերադարձը» փաստող լուսանկարներ: Արբանյակային լուսանկաները (նկ. 1) փաստում են, որ ադրբեջանական կողմը դեռևս 2025 թվականի հուլիսին ոչնչացրել է գյուղի Հայրենական պատերազմի և Արցախյան պատերազմների զոհերի հիշատակին կանգնեցված հուշարձանները, Արցախյան առաջին պատերազմի տարիներին գյուղի պաշտպանների շիրիմները, որոնք գտնվում էին հուշարձանի տարածքում (նկ. 2, 3): Ոչ միայն ոչնչացվել է հուշարձանը, այլ նաև կատարվել են զգալի հողային աշխատանքներ, ինչն ակնհայտ երևում է երբ համեմատվում են հուշարձանի 2023 թվականի արբանյակային լուսանկարները (նկ. 4): Ոչնչացված հուշարձանի տեղում կանգնեցրել գյուղի հնարած ադրբեջանական անվան (Xanyurdu kəndi) ցուցանակը (նկ. 5):

Բռնության կոչ հնչեցնելու հոդվածով սկսված քրեական մի վարույթով երեկ որպես վկա հարցաքննվել է «Հրապարակ» օրաթերթի գլխավոր խմբագիրը: Արմինե Օհանյանը «Հայլուր»-ին հայտնել է, որ անցած տարվա դեկտեմբերին իր գրած հոդվածներից մեկին է վերաբերում քրեական գործը: Առաջիկա 10 օրվա ընթացքում կպարզվի՝ մեղադրանք կառաջադրե՞ն Օհանյանին: Նա վստահ է, որ իշխանությունը լծվել է ընտրություններից առաջ կատու ճղելու գործին, որ ոչինչ չխանգարի իրենց վերընտրվելու ճանապարհին:

«Մարդու իրավունքների պաշտպանի հանձնարարությամբ ՄԻՊ ներկայացուցիչները մարտի 18-ին չհայտարարված այց են իրականացրել Արդարադատության նախարարության «Արմավիր» քրեակատարողական հիմնարկ։

Հայաստանի շախմատի ակադեմիայում մարտի 18-ից 21-ը կանցկացվի բարեկամական հանդիպում, որտեղ կմրցեն Հայաստանի և Իրանի ուժեղագույն երիտասարդ շախմատիստները: Կազմակերպիչը Հայաստանի շախմատի ֆեդերացիան է, հաղորդում է ՀՇՖ մամուլի ծառայությունը։

Թուրքմենստանում Հայաստանի Հանրապետության դեսպան Արսեն Ավագյանի բնորոշմամբ՝ Երևանի ու Աշխաբադի միջև այսօրվա հարաբերությունները փոխադարձ հարգանքի վրա հիմնված կայուն գործընկերության օրինակ են։ 

Այսօր՝ մարտի 18-ին, ողբերգական ավտովթար է տեղի ունեցել Սյունիքի մարզում։ Ժամը 16։00-ի սահմաններում Երևան-Մեղրի ավտոճանապարհի 213 կմ հատվածում Սյունիքի մարզի բնակիչ 21-ամյա Տիգրան Բ․-ն իր վարած «Opel Astra» մակնիշի ավտոմեքենայով դուրս է եկել ճանապարհի երթևեկելի գոտուց և մոտ 100 մետր գլորվելով, քարերին բախվելով հայտնվել ձորում։

Հայլուր 18։30 Սարսափ է սփռվում ընտրություններից առաջ. վտանգավոր նոր հարձակումներ՝ ազատ խոսքի վրա

Հայաստանի Սահմանադրության փոփոխությունը շարունակում է թարմ պահել Անկախության հռչակագրի ճակատագրի հարցը: Արդարադատության նախարարը, որ հայտարարել էր նոր Սահմանադրության տեքստն արդեն պատրաստ է, այսօր խորհրդարանում հստակ չի ասել, արդյո՞ք Անկախության հռչակագրի հղումը հանվելու է: Կառավարության ներկայացուցիչը վստահեցրել է, թե իրենք կուլիսային քննարկումներ չեն ունենում, ամեն ինչ թափանցիկ է, և հենց հրապարկվի նոր Սահմանադրության տեքստը, պարզ կլինի Անկախության հռչակագրի ճակատագիրը:

Սննդամթերքի անվտանգության տեսչական մարմնի Սյունիքի մարզային կենտրոնի տեսուչները վերահսկողական միջոցառում են իրականացրել «Կապանի թիվ 5 նախադպրոցական ուսումնական հաստատություն» ՀՈԱԿ-ի խոհանոցում և պարզել, որ այնտեղ խախտվել են օրենսդրությամբ սահմանված սանիտարահիգիենիկ մի շարք նորմեր: Այս մասին հայտնում են տեսչական մարմնից:

Խոշոր խարդախությունների բացահայտումների մասին օպերացիաների հրապարակվող պաշտոնական տեսանյութերից հետո խարդախությունների զոհերը նորից բողոքի ձայն են բարձրացրել դատախազության դիմաց: Եթե Ներքին գործերի նախարարությունը իսկապես գտնում է ապօրինություններով զբաղվող այդ խմբերին, ինչու իրենք փոխհատուցում չեն ստանում, հարցնում են բողոքի դուրս եկած մարդիկ: