Լրահոս

Օգոստոսի 24-ին՝ Արցախի հերոս Աշոտ Գուլյանի (Բեկոր) հիշատակի օրը, մենք ստիպված ենք արձանագրել հերթական մշակութային հանցագործությունը․ Ստեփանակերտի կենտրոնում ոչնչացվել է նրա հուշարձանը։ Այս մասին գրել է Արցախի մշակութային և զբոսաշրջության զարգացման գործակալությունը։

«Ժողովուրդ» օրաթերթը գրում է. «Արտահանման ծավալները մեր երկրում նվազում են: «Ժողովուրդ» օրաթերթը պաշտոնական աղբյուրներից տեղեկացավ, որ 2025թ. հունիսին արտահանման անկումը կազմել է 15.9%, իսկ հունվար-հունիս ամիսների կուտակային անկումը՝ 52.8%:

Օգոստոսի 24-ին, ժամը 18։46-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գավառ քաղաքի Դեմիրճյան փողոցի 1-ին փակուղու տներից մեկում հրդեհ է բռնկվել։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 19։30-ին, մարվել՝ 20։10-ին։ Այրվել են տան (մոտ 64 քմ) նախամուտքը (մոտ 4 քմ), առաստաղից մոտ 32 քմ հատված, տան գույքը և տեխնիկան՝ մասամբ։

«Ժողովուրդ» օրաթերթը գրում է. «Հայաստանի արտաքին գործերի նախարար Արարատ Միրզոյանը օգոստոսի 12-ին ընդունել էր Հայաստան-Օման քաղաքական խորհրդակցությունների անցկացման նպատակով Երևանում գտնվող, Օմանի ԱԳ նախարարի քաղաքական հարցերով տեղակալ Շեյխ Խալիֆա բին Ալի բին Իսա Ալ-Հարթիին:

«Ժողովուրդ» օրաթերթը գրում է. «Պետական պաշտոնյաներից զատ՝ հայտարարագիր է ներկայացվում նաև կուսակցությունների կողմից։ «Ժողովուրդ» օրաթերթը ուսումնասիրել է «Քաղաքացիական պայմանագիր» կուսակցության՝ Կոռուպցիայի կանխարգելման հանձնաժողով ներկայացրած 2024 թվականի հաշվետվությունը։

Պլանային աշխատանքներ իրականացնելու նպատակով՝ օգոստոսի 25-ին ժամը 10:00-ից մինչև ժամը 16:00-ն, կդադարեցվի Սյունիքի մարզի Գորիս համայնքի Խնձորեսկ բնակավայրի գազասպառողների գազամատակարարումը։ Պլանային աշխատանքներ իրականացնելու նպատակով՝ օգոստոսի 25-ին ժամը 09:30-ից մինչև օգոստոսի 26-ը ժամը 21:00-ն, կդադարեցվի Երևան քաղաքի Մալաթիա-Սեբաստիա վարչական շրջանի Ծերենցի, Մամիկոնյան, Ջիվանու փողոցների, Ծերենցի փողոցի 4-րդ և Ջիվանու փողոցի 2-րդ նրբանցնքների առանձնատների գազասպառողների գազամատակարարումը։ Պլանային աշխատանքներ իրականացնելու նպատակով՝ օգոստոսի 27-ին ժամը 10:00-ից մինչև ժամը 16:00-ն, կդադարեցվի Լոռու մարզի Վանաձոր քաղաքի Տիգրան Մեծի պողոտայով, Մյասնիկյան, Զորյան և Բաթումի փողոցներով պարփակված թաղամասի գազասպառողների գազամատակարարումը։ Պլանային աշխատանքներ իրականացնելու նպատակով՝ օգոստոսի 27-ին ժամը 10:00-ից մինչև ժամը 18:00-ն, կդադարեցվի Կոտայքի մարզի Չարենցավան համայնքի Ֆանտան բնակավայրի գազասպառողների գազամատակարարումը։Պլանային աշխատանքներ իրականացնելու նպատակով՝ օգոստոսի 26-ին ժամը 10:00-ից մինչև ժամը 18:00-ն, կդադարեցվի Լոռու մարզի` Սպիտակ քաղաքի, Լեռնանցք, Ջրաշեն, Լեռնավան, Սարամեջ բնակավայրերի գազասպառողների, Արագածոտնի մարզի` Ապարան քաղաքի, Կայք, Լուսագյուղ, Սարալանջ, Ծաղկահովիտ, Վարդաբլուր, Վարդենիս, Չքնաղ, Ծիլքար, Նիգավան, Կանիաշիր (Սանգյառ), Երնջատափ, Ափնա, Արայի, Վարդենուտ, Ռյա Թազա, Լեռնապար, Գեղարոտ, Շենավան, Հարթավան, Արագած, Քուչակ, Ծաղկաշեն, Նորաշեն, Ալագյազ, Սադունց, Սիփան, Ջամշլու, Ավշեն, Մելիքգյուղ բնակավայրերի գազասպառողների, նշված բնակավայրերում գործող տարբեր նշանակության հանրային կազմակերպությունների գազամատակարարումը: Պլանային աշխատանքներ իրականացնելու նպատակով՝ օգոստոսի 28-ին ժամը 09:00-ից մինչև ժամը 18:00-ն, կդադարեցվի Սյունիքի մարզի Կապան քաղաքի Դավիթ Բեկ թաղամասի գազասպառողների գազամատակարարումը։ Ձմռան նախապատրաստական, պլանային աշխատանքներ իրականացնելու նպատակով՝ օգոստոսի 28-ին ժամը 09:30-ից մինչև ժամը 18:00-ն, կդադարեցվի Երևան քաղաքի Արաբկիր վարչական շրջանի Կոմիտասի պողոտայով, Ն․Զարյան, Տիգրանյան փողոցներով, Կոմիտասի անցուղիով պարփակված թաղամասի գազասպառողների, հարակից տարբեր նշանակության հանրային կազմակերպությունների գազամատակարարումը։ Պլանային աշխատանքներ իրականացնելու նպատակով՝ օգոստոսի 28-ին ժամը 09:30-ից մինչև ժամը 17:40-ը, կդադարեցվի Գեղարքունիքի մարզի Վաղաշեն բնակավայրի մի հատվածի գազասպառողների, հարակից տարբեր նշանակության հանրային կազմակերպությունների գազամատակարարումը։ Ձմռան նախապատրաստական, պլանային աշխատանքներ իրականացնելու նպատակով՝ օգոստոսի 29-ին ժամը 09:30-ից մինչև ժամը 20:00-ն, կդադարեցվի Երևան քաղաքի Կենտրոն վարչական շրջանի Սարմենի, Գ․Էմինի, Սարալանջի, Թամանյան, Գ․Գասպարյան, Լ․Ազգալդյան և Ա․Այվազյան փողոցներով պարփակված թաղամասի առանձնատների գազասպառողների, հարակից տարբեր նշանակության հանրային կազմակերպությունների գազամատակարարումը։

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Օգոստոսի 24-ին, ժամը 18։28-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աշտարակ քաղաքի Տանձանոց թաղամասի 17-րդ փողոցի մոտակայքում այրվում են վագոն-տնակ և խոտածածկույթ։ Դեպքի վայր են մեկնել ՆԳՆ ՓԾ մարզային և Երևան քաղաքի փրկարարական վարչությունների հրշեջ-փրկարարական ջոկատներից մեկական մարտական հաշվարկներ։ Պարզվել է, որ հրդեհը բռնկվել է Ղազար Փարպեցու փողոցի վերջնամասում։ Հրդեհը մեկուսացվել է ժամը 19։17-ին, մարվել՝ 19։54-ին։ Այրվել են 7 փայտե կրպակ, 8-ը՝ մասնակի և մոտ 1000 քմ խոտածածկույթ։

Այսօր՝ օգոստոսի 24-ին, ավտովթար է տեղի ունեցել Կոտայքի մարզում։ Ժամը 17։30-ի սահմաններում Չարենցավան քաղաքում՝ Շահումյան փողոցում, Չարենցավանի քաղաքապետարանի դիմաց, բախվել են Կոտայքի մարզի բնակիչ 23-ամյա Արթուր Ս․-ի վարած «Lada» մակնիշի և Երևանի բնակիչ 37-ամյա Ռոման Պ․-ի վարած չինական արտադրության «Hongqi» մակնիշի ավտոմեքենաները։

Նա նաև հայտարարել է, որ ԱՄՆ-ն տեսնում է երկու հիմնական խնդիր, որոնք պետք է լուծվեն ուկրաինական կարգավորման համար՝ տարածքներ և անվտանգության երաշխիքներ։

Օգոստոսի 10-ին, արտառոց դեպք է տեղի ունեցել Երևանում։ Ժամը 03։00-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Մարաշի բաժնում օպերատիվ տեղեկություն է ստացվել, որ Սուրբ Գիրգոր Լուսավորիչ եկեղեցու դռան ապակին մի անձ ջարդել է։

ՀՀ նախագահ Վահագն Խաչատուրյանը նորանկախ Հայաստանի պատմության մեջ օգոստոսի 8-ը (Վաշինգտոնում Հայաստանի և Ադրբեջանի միջև խաղաղության համաձայնագրի նախաստորագրումը) դիվանագիտության մեծ նվաճում է համարում, որը փոխում է տարածաշրջանի ողջ պատկերը՝ պատերազմական և ռազմական տրամաբանությունից անցում կատարելով դեպի խաղաղության և տնտեսական զարգացման ու բարգավաճման տրամաբանություն: Այս մասին ՀՀ նախագահը հայտարարել է Կապանում, ՀՀ դիվանագիտական ներկայացուցչությունների ղեկավարների տարեկան աշխատաժողովի ողջույնի խոսքում։ Ինչպես տեղեկացրին Հայաստանի Հանրապետության նախագահի աշխատակազմից, ՀՀ նախագահը նշել է. «Այսօր մենք ապրում ենք մեր տարածաշրջանի համար շրջադարձային մի պահ։ Հայաստանի կառավարության երկարատև, վճռական և համբերատար քաղաքականությունն ի վերջո հանգեցրեց մի հանգրվանի, որը Հայաստանի, հայ ժողովրդի և մեր տարածաշրջանի համար բացում է անվտանգության, կայունության և ապագայի հնարավորությունների դուռը։ Նորանկախ Հայաստանի պատմության մեջ օգոստոսի 8-ը դիվանագիտության մեծ նվաճում եմ համարում, որը փոխում է տարածաշրջանի ողջ պատկերը՝ պատերազմական և ռազմական տրամաբանությունից անցում կատարելով դեպի խաղաղության և տնտեսական զարգացման ու բարգավաճման տարածաշրջան: Պետք է արձանագրենք, որ այս նվաճումը դժվար տրվող ընտրությունների, քրտնաջան դիվանագիտության և մեր քաղաքացիների կոլեկտիվ կամքի արդյունք է։ Սա չի նշանակում ջանքերի ավարտ, այլ ավելի շուտ՝ այն նոր գլխի սկիզբ է, որը յուրաքանչյուրիս առջև ավելի հստակ առաջադրանքներ է դնում: Մեր սպասելիքները բարձր են, քանի որ խաղադրույքները ևս բարձր են՝ մեր սահմանների անվտանգությունը և մեր ժողովրդի վստահությունը։ Զգուշավոր լավատեսություն ցուցաբերելով և մշտապես առաջնահերթություն տալով Հայաստանի անվտանգությանն ու ազգային շահերին՝ միաժամանակ պետք է բաց լինել կառուցողական երկխոսության և տարածաշրջանային համագործակցության համար։ Կայուն խաղաղությունը Հայաստանի համար հսկայական տնտեսական ներուժ կբացահայտի։ Մեր առջև կարող են բացվել առևտրի, էներգետիկայի և ենթակառուցվածքների ոլորտում նախաձեռնություններ, որոնք կարող են մեր տարածաշրջանը վերածել համագործակցության կենտրոնի։ Աշխարհաքաղաքական լանդշաֆտների փոփոխությամբ և արագ տեխնոլոգիական առաջընթացով բնորոշ այս դարաշրջանում մեր առաջնահերթությունները պետք է համապատասխան լուծում ունենան ժամանակակից մարտահրավերների դեմ: Տարածաշրջանում, ինչպես և ողջ աշխարհում իրավիճակը շատ արագ է փոխվում, և ներկայում իրականացնելով արտաքին քաղաքականության դիվերսիֆիկացման քաղաքականություն, անհրաժեշտություն է առաջացել նաև վերանայելու արտերկրում մեր դեսպանների գերակայությունները: Դրանք առավելապես պետք է ներառեն տարածաշրջանային գրավչության, տնտեսական, լոգիստիկ/տարանցիկ հնարավորությունների ներկայացումը: Այս առումով կարևորում եմ ձեր կողմից օտարերկրյա պաշտոնյաների հետ հանդիպումների ընթացքում «Խաղաղության խաչմերուկ» նախաձեռնության առավելությունների համապարփակ ներկայացումը, որն ուղղված է տարածաշրջանային տնտեսական և տրանսպորտային փոխկապակցվածության խորացմանը՝ ամուր կապեր ստեղծելով Ծոցի, Միջերկրական, Սև և Կասպից ծովերի միջև, ինչպես նաև Միջին Ասիայի հետ: Անհրաժեշտ է միջազգային կազմակերպություններում մեր ներկայացուցիչներին ներգրավվել առավել դրական օրակարգի մեջ՝ նախկինում հակամարտությունների կամ ռազմական օրակարգից տեղափոխվելով տնտեսական զարգացման օրակարգ: Պետք է օգտագործել դիվանագիտական ուղիները՝ տարածաշրջանին օգուտ բերող համատեղ տնտեսական նախագծերը, ներդրումային հոսքերը, գործարար կապերը և առևտրային նախաձեռնությունները խթանելու համար՝ ստեղծելով խաղաղության համար տնտեսական խթաններ։ Հատկապես կարևորում եմ նախաձեռնողական դիվանագիտության և փափուկ ուժի նախաձեռնությունների վրա կենտրոնացումը։ Ներկայում նախապատրաստվում է Հայաստանի Հանրապետության նախագահի աշխատակազմի և Լիբանանի Հանրապետության նախագահության գլխավոր տնօրինության միջև փոխըմբռնման հուշագրի ստորագրումը: Հայաստանը կլինի առաջին երկիրը, որի հետ Լիբանանը կստորագրի նման հուշագիր: Առաջարկում եմ նման հուշագրերի կնքումը նախաձեռնել նաև այլ երկրների հետ: Մեր առաջնահերթությունը պետք է լինի կայուն նորարարությունը, որը կխթանի կանաչ էներգիան, խելացի տեխնոլոգիաները և էկոլոգիապես մաքուր գործելակերպը։ Հաջորդ տարին առանձնահատուկ է լինելու, քանզի ի թիվս այլոց հյուրընկալելու ենք Կենսաբազմազանության կողմերի համաժողովը՝ COP17-ը, Եվրոպական քաղաքական համայնքի 8-րդ գագաթնաժողովը: Նման խոշորամասշտաբ համաժողովների բարձր մակարդակով անցկացումը կապահովի Հայաստանի միջազգային տեսանելիությունը և զգալի տնտեսական օգուտներ։ Հարկ է աջակցել հավասարակշռված և կառուցողական մեդիա արշավների ստեղծմանը, որոնք կընդգծեն խաղաղ համակեցության կարևորությունն ազգերի համար և կլուսաբանեն համագործակցության հաջողված պատմությունները։ Այստեղ հատկապես կարևոր է Ձեր՝ որպես դեսպանների դերն այս զարգացումները հաղորդելու և միջազգային աջակցություն ստանալու գործում։ Հարկ է առանձնակի ուշադրություն դարձնել Դեպի ծով ելք չունեցող երկրների հետ հարաբերություններին, որոնց հետ ունենք զգալի ընդհանուր շահեր: Մեզ նման երկրները քաջ գիտակցում են նման պայմաններում տնտեսական զարգացման սահմանափակումները, միևնույն ժամանակ փոխկապակցվածության ընդլայնման, միջազգային առևտրի, տարածաշրջանային տարանցիկ ուղիներում ներգրավվածության և կապերի կարևորությունը: Հաշվի առնելով Միջին Արևելքի, Ծոցի Ասիայի, Կենտրոնական Ասիայի երկրների դերակատարությունը տարածաշրջանում խաղաղության և անվտանգության ամրապնդման, ինչպես նաև կայուն զարգացման խթանման գործում՝ մեծ նշանակություն եմ տալիս նրանց հետ քաղաքական ակտիվ երկխոսության հետագա ծավալմանը, առևտրատնտեսական հարաբերությունների խորացմանը, ինչպես նաև բազմակողմ հարթակներում համագործակցության խթանմանը։ Այս տարածաշրջանը կարևոր է տնտեսական դիվանագիտության համատեքստում: Աֆրիկյան տարածաշրջանը մեր արտաքին քաղաքականության համեմատաբար նոր, հեռանկարներ ունեցող ուղղություններից է։ Վերջին տարիներին փորձում ենք ակտիվացնել մեր հարաբերություններն Աֆրիկայի երկրների հետ և արդեն որոշակի քայլեր են ձեռնարկվել: Վերջին տարիներին Լատինական Ամերիկայի տարածաշրջանի պետությունների հետ հարաբերությունների ակտիվացումը վկայությունն է այն բանի, որ Հայաստանը ձգտում է դիվերսիֆիկացնել այլ պետությունների հարաբերությունների աշխարհագրությունը և ընդլայնել համագործակցության ծավալը: Աշխարհագրական հեռավորությունն այսօր այլևս չպետք է խոչընդոտ հանդիսանա հարաբերությունների ամրապնդման համար»:

Այսօր՝ օգոստոսի 24-ին, հրդեհ է տեղի ունեցել Գեղարքունիքի մարզում, ժամը 17:40-ի սահմաններում ՀՀ Ներքին գործերի նախարարության փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Երևան-Սևան-Իջևան ավտոճանապարհի 57-րդ կմ հատվածի խոտածածկ գոտում հրդեհ է բռնկվել։ Shamshyan.com-ի տեղեկություններով, պարեկների ու քաղաքացիների, հետո նրանց միացած Հրազդանի հրշեջ-փրկարարների շնորհիվ նախ կանխվել է կրակի տարածումը, ապա մարվել այն։ Ըստ նախնական տեղեկությունների՝ բարեբախտաբար տուժածներ չկան։

«Սա պարզապես անգործություն չէ։ Սա քաղաքական հանցավոր անտարբերություն և պետական համակարգի լուրջ ճգնաժամ է»,- ֆեյսբուքյան իր էջում գրել է ընդդիմադիր պատգամավոր Մհեր Մելքոնյանը։ «2025-ի ընթացքում Աշոցքում գրանցվեցին բրուցելյոզի տարածման բազմաթիվ դեպքեր։

Օգոստոսի 24-ին, ժամը 16։58-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ենոքավան գյուղի զիփլայնից քաղաքացի է ընկել. անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ քաղաքացին ընկել է զիփլայնի հարթակից՝ մոտ 3 մ բարձրությունից։ Փրկարարները տուժածին մոտեցրել են շտապօգնության ավտոմեքենային․ վերջինս հոսպիտալացվել է բժշկական կենտրոն։

Այսօր՝ օգոստոսի 24-ին, կասկադյորական ավտովթար է տեղի ունեցել Գեղարքունիքի մարզում։ Ժամը 16։00-ի սահմաններում Երևան-Սևան ավտոճանապարհին Կոտայքի մարզի բնակիչն 71-ամյա Սևակ Դ․-ն իր վարած «Volkswagen» մակնիշի ավտոմեքենայով դուրս է եկել ճանապարհի երթևեկելի գոտուց, թռել և բախվել «Գագարի մոտ» ռեստորանի կայանատեղիում կայանված «Hyundai Sonata» և 2  «Mercedes» մակնիշի ավտոմեքենաներին։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների բարեբախտաբար տուժածներ չկան։ Վթարի փաստով ՊԾ Գեղարքունիքի մարզի գումարտակում փաստաթղթեր են ձևակերպվում, որտեղ էլ պարզվում են կայանված ավտոմեքենաների վարորդների ինքնությունը։

Օգոստոսի 24-ին Ռուսաստանի և Ուկրաինայի միջև տեղի է ունեցել գերիների հերթական փոխանակումը, հայտնում են ՌԴ պաշտպանության նախարարությունից։ Ըստ տարածված հաղորդագրության՝ Ուկրաինայի կողմից 146 զինծառայող է վերադարձվել, որոնք փոխանակվել են նույն թվով ուկրաինացի ռազմագերիների հետ: Բացի այդ, ուկրաինական կողմը վերադարձրել է ՌԴ 8 քաղաքացիների, որոնք Կուրսկի մարզի բնակիչներ են։ Նշվում է, որ ռուս զինծառայողներին գերությունից վերադարձնելու համար մարդասիրական միջնորդական ջանքեր է գործադրել Արաբական Միացյալ Էմիրությունները։

«Սիրելի մարդ, աննկարագրելի խորը մարդ, գիտակ, լուռ, համեստ, անպաթոս մարդ, ազատ մարդ ու ՄԱՐԴ ընդհանրապես։

Այսօր՝ օգոստոսի 24-ին, ավտովթար է տեղի ունեցել Լոռու մարզում։ Ժամը 21։20 -ի սահմաններում Վահագնի գյուղի Վահագնաձոր գյուղ տանող ավտոճանապարհին «ՎԱԶ 2106» մակնիշի ավտոմեքենան դուրս է եկել ճանապարհի երթևեկելի հատվածից և հայտնվել Փամբակ գետում, հայտնում է Shamshyan.com-ը։ Հրշեջ փրկարարները հոսանքազրկել են ավտոմեքենա, և փակել գազաբալոնի փականը իսկ դեպքի վայրին ականատես քաղաքացիները հայտնել են, ոչ մինչ փրկարարների ժամանումը 2 քաղաքացի ավտոմեքենայից ինքնուրույն դուրս են եկել և հեռացել: Դեպքի փաստով ՊԾ Լոռու մարզի գումարտակի 1-ին վաշտում փաստաթղթեր են ձևակերպվում, որտեղ էլ պարզվում են վարորդի և դեպքի վայրը լքած քաղաքացիների ինքնությունը։

Հաղորդագրության համաձայն՝ նույն ժամանակահատվածում գրանցվել է սովի և թերսնման պատճառով մահվան 8 նոր դեպք, այդ թվում՝ մեկ երեխայի: