Լրահոս

Երկու տարուց ավելի գերության մեջ անցակացրած իսրայելցի պատանդներն արդեն տանն են: ՀԱՄԱՍ-ը կատարել է խաղաղության համաձայնագրի առանցքային կետը: 20 ողջ պատանդների փոխանցումը կազմակերպվել է այսօր առավոտյան երկու փուլով: Ազատ կարձակվեն նաև Գազայում և Իսրայելում պահվող բոլոր բանտարկյալները: Լրատվամիջոցները հրապարակել են Իսրայելի Օֆեր բանտից նրանց տեղափոխող ավտոբուսների լուսանկարներ: Հազարավոր իսրայելցիներ հավաքվել են Թել Ավիվի կենտրոնում գտնվող, այսպես կոչված, «Պատանդների հրապարակում»՝ սպասելով հարազատների վերադարձին:

Այս պահին «Վեոլիա Ջուր» ընկերության աշխատակիցը տրակտորով հեռացնում է ճանպարհին լցված քարերը, հողազանգվածը։ Բայց խնդիրը պետք է հրատապ ոչ միայն լուծվի, այլև քարաբեկորներն ու հողաշերտը հեռացնելուց հետո պետք է այդ 3 կմ-անոց ճանապարհը հատուկ նյութերով լվացվի։ Քանի որ նաև գարշահոտ վիճակ է։

ՀՀ ՊՆ նախկին փոխնախարար Արտակ Զաքարյանը գրում է․ «Բենիամին Նաթանյահուն Դոնալդ Թրամփին շնորհակալություն է հայտնել հրավերի համար, սակայն չի մեկնելու Եգիպտոս՝ մասնակցելու Մերձավոր Արևելքի խաղաղության գագաթաժողովին: Փաստացի, Գազայի շուրջ գագաթնաժողովն անցնելու է առանց Իսրայելի:

Վեդի համայնքի Գինեվետ գյուղում այսօր՝ հոկտեմբերի 13–ին, տեղի է ունեցել  նախնական հանրային լսումներ «Օրդ Գրուպ» ՍՊԸ-ի կողմից ներկայացված Կարմիր սարի կրաքարային մերգելների օգտակար հանածոյի արդյունահանման աշխատանքների վերաբերյալ: Ծրագիրը նախատեսում է նաև Ցեմենտի գործարանի կառուցում։ Սա հանրային քննարկումների առաջին փուլն է: Հայտնում է news.am-ը:

Պակիստանը փակել է Աֆղանստանի հետ սահմանը: Շաբաթ երեկոյան տեղի ունեցած կատաղի մարտերից հետո պայթունավտանգ իրավիճակ է այդ երկրների սահմանին: Կողմերը բազմաթիվ զոհերի մասին են հայտնում և սրացման համար իրար մեղադրում: Իսլամաբադը պնդում է, որ Աֆղանստանի տարածքում «Թալիբան»-ի մի քանի հենակետեր է ոչնչացրել:

Երևանում հոկտեմբերի 13-ի ցերեկը սպասվում է անձրև, հնարավոր է ամպրոպ։ Հոկտեմբերի 14-18-ին սպասվում է առանց տեղումների եղանակ։ Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից:

Քրեական ոստիկանության Երևան քաղաքի վարչության Անձի հետախուզման բաժնի ծառայողների ձեռնարկած միջոցառումների արդյունքում հոկտեմբերի 10-ին Քրիստափորի փողոցում հայտնաբերվել, ձերբակալվել և վարչություն է ներկայացվել 49-ամյա մի տղամարդ, որը հետախուզվում էր առանձնապես խոշոր չափերով թմրամիջոցներ, հոգեմետ (հոգեներգործուն) նյութեր, դրանց պատրաստուկները կամ դրանց համարժեք նյութերը (անալոգի) ապօրինի իրացնելու և մաքսանենգության մեղադրանքով. խափանման միջոցը՝ կալանք։

Լուսանկարում պատկերված անձը որոնվում է նախաձեռնված քրեական վարույթի շրջանակներում։ Նրա ինքնության կամ գտնվելու վայրի վերաբերյալ տեղեկություններ ունեցողները կարող են զանգահարել 1-02 հեռախոսահամարով։

Հայլուր 15։30 Փաշինյան-Ալիև նոր շփում. նրանք Շարմ Էլ Շեյխում են

ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը Եգիպտոսի Շարմ էլ Շեյխ քաղաքում ընթացող խաղաղության գագաթնաժողովի շրջանակներում զրուցել են։

Այսօր՝ հոկտեմբերի 13-ին, ավտովթար է տեղի ունեցել Կոտայքի մարզում: Ժամը 13:10-ի սահմաններում Տավուշի մարզի բնակիչ 20-ամյա Անդրանիկ Մ.-ն իր վարած «Infiniti» մակնիշի ավտոմեքենայով Երևան-Սևան-Իջևան ավտոճանապարհին՝ Կոտայքի մարզի վարչական տարածքում դուրս է եկել երթևեկելի գոտուց, բախվել երկաթե ցանկապատի ձողերին, ապա չգործող երկաթե տաղավարին:

Վերջին 14 օրվա ընթացքում Հայաստանի Հանրապետությունում արձանագրվել է կորոնավիրուսային հիվանդության 70 դեպք, այս մասին հայտնում են Հիվանդությունների վերահսկման և կանխարգելման Ազգային Կենտրոնից։

Վարչապետ Նիկոլ Փաշինյանն աշխատանքային այցով ժամանել է Եգիպտոսի Արաբական Հանրապետություն։ Շարմ Էլ Շեյխի միջազգային օդանավակայանում ՀՀ վարչապետին դիմավորել է Եգիպտոսի Արաբական Հանրապետության քաղաքացիական ավիացիայի նախարար, դոկտոր Սամեհ Էլ-Հեֆնին: Այս մասին հայտնում են ՀՀ կառավարությունից:

ՔՊ-ական հարթակները միտումնավոր կերպով խեղաթյուրում են «Մեր ձևով» շարժման համակարգող Նարեկ Կարապետյանի խոսքերը` իրենց ցանկալի ձևով մեկնաբանելով նրա հայտարարությունները։ 

Մերձավանում լարվածությունը չի թուլանում: Սպանված համայնքապետ Վոլոդյա Գրիգորյանի հարազատներն ու համագյուղացիները պահանջում են, որ սպանության մեջ ներգրավված անձանց ընտանիքները լքեն գյուղը։ Չնայած Մհեր Ախտոյանի և մյուս կասկածյալների ընտանիքները արդեն հեռացել են, կիրակի մերձավանցիները ստորագրահավաք են սկսել՝ կառավարությունից պահանջելով կանխել նրանց հնարավոր վերադարձը։ Սպանությունից անցել է 20 օր, բայց գյուղը դեռ վախի ամեջ է ապրում:

ՀՀ քննչական կոմիտեի Արարատի մարզային քննչական վարչությունում նախաձեռնված քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ ավտոգազալիցքավորմամբ զբաղվող ընկերությունը հարկման հիմք հանդիսացող հաշվետվություններում խեղաթյուրված տվյալներ մտցնելու եղանակով թաքցրել է ընկերության իրական շրջանառությունը, ինչի արդյունքում պետական բյուջե չի վճարվել 10 մլն 470 հզր 258 ՀՀ դրամ գումար: Այս մասին հայտնում են ՔԿ-ից:

«Թրամփն ասել է, որ եթե Ռուսաստանի նախագահը չլուծի ուկրաինական հակամարտությունը, «դա վատ կավարտվի իր համար»։

Երրորդ օրն է` խաղողով բեռնված մոտ 80 մեքենա կանգնած է «Պռոշյանի» կոնյակի գործարանի Արտաշատի մասնաճյուղի մոտ: Խաղողագործները մթերվող ապրանքը ծածկել են, որ անձրևը չվնասի բերքը, բայց չգիտեն, թե երբ են կարողանալու հանձնել մոտ 1 մլն դրամի հասնող ապրանքը: Գիշերը գործարանի մոտ անցկացրած խաղողագործների խոսքով` գործարան առանց հերթի մեքենաներ են մտնում, իսկ իրենց շարքից 4 ժամում հազիվ երկու մեքենա է դատարկվում: Խաղողը բեռնատարներում երկար պահել հնարավոր չէ:

ՀՀ քննչական կոմիտեի Կոտայքի մարզային քննչական վարչությունում քննվող քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ կողմերի միջև ծագած վիճաբանությունից հետո, որն ավարտվել է դանակահարությամբ, Հ.Գ.-ն վրեժխնդիր լինելու նպատակով իր ընկերոջը դրդել է սպանել Ա.Օ.-ին: Այս ամսին հայտնում են ՔԿ-ից:  

Հայլուր 12։30 Գերիներին վերադարձրեց ՀԱՄԱՍ-ը. իսրայելցիները հավաքվել են «Պատանդների հրապարակում»