Լրահոս
Քաղաքական
22:30
13.01.25
684

ՏԿԵ նախարարն ընդունել է Իրանի Մեջլիսի Իրան-Հայաստան բարեկամական խմբի ղեկավարին

Img default alt hy

ՏԿԵ նախարար Դավիթ Խուդաթյանը ընդունել է Իրանի Իսլամական Հանրապետության Մեջլիսի Իրան-Հայաստան բարեկամական խմբի ղեկավար Արա Շահվերդյանի գլխավորած պատվիրակությանը։ Այդ մասին նախարարը գրել է ֆեյսբուքյան իր էջում:

«Պատվիրակության կազմում էր նաև Հայաստանում ԻԻՀ դեսպան Մեհդի Սոբհանին։

Հանդիպմանը մասնակցում էին ԱԺ պատգամավորներ, բարեկամական խմբի ղեկավար Նարեկ Բաբայանը և անդամ Ռուստամ Բաքոյանը։

Ողջունել եմ հյուրերին և ընդգծել, որ Հայաստանը հարուստ օրակարգ ունի Իրանի Իսլամական Հանրապետության հետ»։

Նախարարը նաև նշել է, որ այս տարիներին մեծ ծավալի համատեղ աշխատանք է կատարվել, և պատրաստակամություն է հայտնել շարունակել համագործակցությունը բոլոր ոլորտներում։

«Առանձնակի կարևորել եմ հատկապես էներգետիկ և ճանապարհաշինության ոլորտներում առկա համագործակցության խորացման անհրաժեշտությունը։

Քննարկել ենք երկուստեք հետաքրքրություն ներկայացնող մի շարք հարցեր»,- նշել է Խուդաթյանը։