Սրբազան շարժումը կրկին ակտիվ փուլ է մտնում․ «Հրապարակ»

«Հրապարակ» թերթը գրում է. «Սրբազան շարժումը կրկին ակտիվ փուլ է մտնում։ Բագրատ սրբազանը կիրակի օրը հավաք է նախաձեռնել՝ քաղաքական ուժերի մասնակցությամբ, օրակարգում քաղաքական խորհրդի ձևավորումն է։ Աջակից կուսակցությունների հետ լայն ֆորմատով վերջին հանդիպումը եղել է հուլիսի 3-ին, այդ օրը սրբազանն առաջարկել է քաղաքական խորհուրդ ձևավորել՝ շարժման մասնակից կուսակցությունների ներկայացուցիչներից, որը կլինի խորհրդատվական մարմին։

Սակայն առարկություններ են հնչել՝ պայքարի առաջնորդների չկանոնակարգված գործողությունների, չհստակեցված նպատակների վերաբերյալ, ուստի բաժանվել էին, որ հետագայում հանդիպեն, երբ արդեն կլինի հստակ քաղաքական պլատֆորմ։

Կիրակի օրվա հավաքը կայանալու է «Անի» հյուրանոցում։ Իսկ այսօր պանելային քննարկում են կազմակերպել՝ «Դեպի կայուն և երկարաժամկետ խաղաղություն» խորագրով։ Սեպտեմբերի 22-ին էլ Բագրատ սրբազանը համալիրում կհանդիպի պայքարի ավելի քան 10 հազար ակտիվիստների հետ»:

Առավել մանրամասն թերթի այսօրվա համարում։