Քրեական վարույթ՝ ներազգային թշնամանք տարածելու համար. թիրախում արցախցիներն են

Երկու քրեական վարույթ է նախաձեռնել Քննչական կոմիտեն ներազգային թշնամանք տարածելու հիմքով՝ մերձիշխանականի համբավ ունեցող «Խոսնակ» լրատվականի և բլոգեր Ռոման Բաղդասարյանի դեմ: «Արցախի մայրիկների աջակցման» կենտրոնը և «Մտքի ուժը» հասարակական կազմակերպությունն են հանցագործության մասին հաղորդում ներկայացրել, թե այդ լրատվականն ու բլոգերը ներազգային թշնամանք են տարածում տեղահանված արցախցիների և գյումրեցիների դեմ: Հայցի հեղինակները պահանջում են այնպիսի խափանման միջոց, որով կարգելվի ներազգային ատելություն և հայհոյախառն վիրավորանքներ տարածողների գործունեությունը: