Պուտին-Թրամփ հանդիպման հնարավոր հասցեները. ռուսները ռազմաճակատում ամրացնում են բանակցային դիրքը

Ռուս-ուկրաինական ճակատում առավելությունը, կարծես, ռուսական զորքերինն է: Ռուսների վերահսկողության տակ են անցել Խարկովի Կալինովո և Դոնեցկի Պեսչանոյե ու Յանտարնոյե բնակավայրերը: Ավելի վաղ Ռուսաստանի վերահսկողության տակ անցած Կուրախովոյից տարհանել էին բնակիչներին ավելի անվտանգ վայր: Ռուսական բանակը չի հայտնել, թե ինչո՞ւ է Կուրախովոյում վտանգավոր ապրելը: Հավանաբար ամիսներ տևած մարտական գործողություններից ավերակների վերածված բնակավայրում ապրելու տարրական պայմաններ չկան: Իսկ Ուկրաինան շարունակում է վտանգավոր իրավիճակ ստեղծել Ռուսաստանի բնակավայրերի ուղղությամբ: Գիշերը ԱԹՍ-ների հարձակման վտանգի տակ են եղել Բելգորոդի և Վորոնեժի բնակիչները: