Փաշինյանին «գործակալ» անվանած Զարուհի Փոստանջյանին տուգանելու որոշում է կայացրել դատարանը

«Նիկոլ Փաշինյանի կողմից հողեր հանձնելու գործարք անելու վերաբերյալ գումարներ ստանալու, Նիկոլ Փաշինյանին նախորդ իշխանությունների կողմից բերելու, խորհրդարան մտցնելու մասին, ինչպես նաև Նիկոլ Փաշինյանի գործակալ լինելու մասին» Զարուհի Փոստանջյանի այս հայտարարությունների համար դատարանը 525 հազար դրամով տուգանել է Երևանի ավագանու «Մայր Հայաստան» խմբակցության անդամին: Նրան դատարանը մեղավոր է ճանաչել՝ օրինական ուժի մեջ մտած դատական ակտը չկատարելու համար: Փոստանջյանը չի հերքել իր այդ հայտարարությունները, իսկ այսօրվա դատական նիստից հետո ասել է, որ պատրաստվում է բողոքարկել քրեական դատարանի այսօրվա որոշումը: