Պարզվել է Երևանում գործող հարսանյաց սրահի մուտքի մոտ մահացած վիճակում հայտնաբերված տղամարդու ինքնությունը

Երեկ՝ հունիսի 7-ին, Երևանի Արաբկիր վարչական շրջանում վիճաբանության ժամանակ մասնակիցներից մեկի կողմից հրելու և բարձրությունից վայր ընկնելու հետևանքով գլխի շրջանում ստացված վնասվածքից մահացածի ինքնությունը պարզվել է։

Ինչպես հայտնում է ֆոտոլրագրող Գագիկ Շամշյանը, մահացածը Երևանի բնակիչ 81-ամյա Մնացական Հ.-ն է, ում մարմինը հայտնաբերվել էր Կոմիտասի պողոտայում գործող «Լիզա» հարսանյաց սրահի մուտքի մոտ։

Պարզվել է, որ թե՛ վիճաբանության մասնակիցները, թե՛ մահացողը ոչ մի առնչություն չեն ունեցել «Լիզա» հարսանյաց սրահի հետ։

Ինչպես ավելի վաղ դեպքի վայրից հայտնել էր ֆոտոլրագրողը, հունիսի 7-ին սպանություն էր տեղի ունեցել Երևանում։ Ժամը 16։00-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչությունում, Երևանի քրեական վարչությունում, ՀՀ ՆԳՆ ոստիկանության համայնքային ոստիկանության գլխավոր վարչության Արաբկիրի բաժնում և ՀՀ ՆԳՆ ոստիկանության Պարեկային ծառայության Երևան քաղաքի գնդի 1-ին գումարտակում օպերատիվ տեղեկություն էին ստացել, որ Կոմիտասի պողոտա 23 հասցեում տղամարդու դի կա։

Մանրամասները՝ սկզբնաղբյուրում։