Ուզբեկստանում հարսանիքի ժամանակ թունավորվել է 53 մարդ, այդ թվում՝ 13 երեխա

Ուզբեկստանի Բուխարայի շրջանում հարսանիքի ժամանակ թունավորվել է 53 մարդ, այդ թվում՝ 13 երեխա, հայտնում է մարզային առողջապահության վարչության մամուլի ծառայությունը։
Մամուլի ծառայության տվյալներով՝ ապրիլի 13-ի գիշերը Բուխարայի շրջանի Բուխարա և Վաբկենտ շրջանների հիվանդանոցները սկսել են ընդունել որովայնի ցավից, փսխումից և թուլությունից բողոքողներ։

«Ընդհանուր առմամբ, 53 մարդ տեղափոխվել է հիվանդանոց, այդ թվում՝ 13 երեխա, բոլորը հյուրեր են եղել հարսանիքին»,- ասվում է մարզային առողջապահության Telegram ալիքում հրապարակված հաղորդագրության մեջ։

Մամուլի ծառայությունից հայտնում են, որ այստեղ աշխատող բոլոր բժիշկները, ինչպես նաև մարզային ինֆեկցիոն հիվանդանոցի մասնագետները շտապ տեղափոխվել են հիվանդանոցներ։
Բոլոր հիվանդների մոտ ախտորոշվել է «սուր փորլուծություն, աղեստամոքսային տրակտի խանգարում, ծանրության, սննդային թունավորում» և սկսվել է ինֆուզիոն թերապիա։

Առողջական բավարար վիճակի պատճառով բուժհաստատություններից դուրս է գրվել 43 մարդ, հավելում են մամուլի ծառայությունից։ Առողջապահության մարզային վարչությունը քաղաքացիներին հորդորել է ուշադրություն դարձնել օգտագործվող սննդի որակին։