Նրան ավելի շատ դուր էր գալիս իմ կինը, քան ես. Խեսեն` ՊՍԺ-ի նախագահի մասին

ՊՍԺ-ի և Մադրիդի «Ռեալի» նախկին հարձակվող Խեսե Ռոդրիգեսը քննադատել է փարիզյան ակումբի նախագահ Նասեր Ալ-Խելաիֆիին՝ խաղացողների նկատմամբ ցուցաբերած վերաբերմունքի համար։

«ՊՍԺ-ում ինձ շատ վատ էին վերաբերվում, և դա ինձ ստիպեց հասկանալ, որ «Ռեալն» աշխարհի լավագույն ակումբն է։ Ես նորամուտս նշեցի ՊՍԺ-ում՝ առաջին խաղում գոլային փոխանցում կատարելով, բայց հետո երկու ամիս բաց թողեցի կույրաղիքի պատճառով: Երբ ձմեռը եկավ, ինձ ասացին, որ պետք է հեռանամ։ Ես ասացի Էմերիին, թե որքան դավաճանված եմ ինձ զգում:

Խելաիֆին ընդհանրապես չէր ցանկանում ինձ տեսնել։ Չգիտեմ, միգուցե նրան ավելի շատ դուր էր գալիս իմ կինը, քան ես որպես ֆուտբոլիստ։ Ես հասկացա, որ «Ռեալն» ավելի լավն է ամեն ինչում»,- Armsport-ի փոխանցմամբ՝ Խեսեի խոսքերն է մեջբերում Goal-ը։

Նշենք, որ իսպանացին փարիզյան գրանդի կազմում մասնակցել է 18 հանդիպման՝ դառնալով 2 գոլի և 1 գոլային փոխանցման հեղինակ։