Լրահոս
Հասարակական
13:30
28.11.22
78

Սերգեյ Սենեկերեմյանը նշանակվել է FLYONE ARMENIA ընկերության հաշվետու կառավարիչ (Accountable manager)

Img default alt hy

Հայաստանի առաջին ազգային բյուջետային ավիաընկերության հաշվետու կառավարիչ (Accountable manager) է նշանակվել Սերգեյ Սենեկերեմյանը։ Ավիաընկերության առանցքային պաշտոնում այս նշանակման մասին տեղեկությունը հայտնում են FLYONE ARMENIA ընկերության խորհրդից։

«Ուրախ ենք տեղեկացնելու, որ FLYONE ARMENIA ընկերության թիմին է միացել հայկական ավիացիայի երևելի մասնագետներից մեկը։ Վստահ ենք, որ Սերգեյ Սենեկերեմյանի փորձի ու գիտելիքների շնորհիվ FLYONE ARMENIA ազգային ավիաընկերությունը ոչ միայն կամրապնդի առաջատար դիրքերն, այլև կկարողանա նորանոր կարևոր ձեռբերումներ արձանագրել»,- նշեց ընկերության խորհրդի նախագահ Արամ Անանյանը։

FLYONE ARMENIA ընկերության մասին

FLYONE ARMENIA-ն (www.flyone.am) հիմնադրվել է 2021 թ.։  Հոկտեմբերի 27-ին ՀՀ Քաղաքացիական ավիացիայի կոմիտեն FLYONE ARMENIA-ին տրամադրել է  օդանավ շահագործողի վկայական: Ընկերությունը ստացել է IATA 3F երկնիշ և ICAO FIE եռանիշ ծածկագրերը:

2022թ․ հոկտեմբերին ընկերությունը դարձավ հայաստանյան շուկայի առաջատարը՝ տեղափոխած ուղևորների թվով։ FLYONE ARMENIA-ն առաջարկում է մատչելի թռիչքներ մի շարք ուղղություններով, ինչպիսիք են Մոսկվան, Սանկտ Պետերբուրգը, Սոչին, Եկատերինբուրգը, Միներալնիե Վոդին, Փարիզը, Լիոնը, Քիշնևը, Թբիլիսին և Ստամբուլը: 2022թ․ դեկտեմբերին ընկերությունը կտա դեպի Եվրոպայի և Մերձավոր Արևելքի երկրներ մի շարք նոր ուղղությունների մեկնարկը։

Ավիաընկերության նավատորմը բաղկացած է Airbus A320 և A319 ինքնաթիռներից։ Դրանք համապատասխանում են Օդային տրանսպորտի միջազգային ասոցիացիայի (IATA) և EASA Security-ի բոլոր չափանիշներին: Նաև` համաճարակի պայմաններում ինքնաթիռները հագեցված են HEPA օդային զտիչներով, որոնք ոչնչացնում են վիրուսների և բակտերիաների 99,97%-ը: