Լրահոս
Քաղաքական
22:50
19.06.22
7 692

ՔՊ-ական պատգամավորի և փոխմարզպետի հարազատներն ավտոմատով կրակել են Փաշինյանին հայհոյող երիտասարդների վրա․ կա մեկ զոհ և մի քանի վիրավոր

Img default alt hy

ՔՊ պատգամավոր Մաթևոս Ասատրյանի հարազատները և ՔՊ Արագածոտնի փոխմարզպետ Էդգար Փարվանյանի հորեղբոր որդին վիճաբանել են ապարանցի մի խումբ երիտասարդների հետ, ինչի հետևանքով վերոնշյալ մարդիկ (Մաթոսի և Էդգարի բարեկամներն ու ընկերները) կալաշնիկովով կրակել են երիտասարդների վրա, այս պահին կա մեկ զոհ և մի քանի վիրավորներ տարբեր բարդության, հայտնում է «Politik.am»-ը։

Դեպքը տեղի է ունեցել Ապարանի Նիգավան միջնահատվածում։

Լրատվամիջոցի տեղեկություններով ՔՊ-ականների հարազատները կրակել են երիտասարդների վրա, քանի որ նրանք հայոհյել են Նիկոլ Փաշինյանին։  

«Politik.am»-ը փորձել է կապ հաստատել ոստիկանության մամուլի ծառայության հետ, բայց նրանց զանգերն անպատասխան են մնացել։ Արագածոտնի մարզպետարանի հետ ևս կապ հաստատել չի հաջողվել։ 

Իշխանությունները անհապաղ պետք է հրապարակային ներկայացնեն դեպքի մանրամասները։