Պեմզաշենի սպանդի մեղադրյալի նկատմամբ նշանակվել է դատահոգեբուժական փորձաքննություն

Պեմզաշենի 31-ամյա բնակչուհու, նրա 12-ամյա դստեր և 8-ամյա որդու  սպանությունների գործով մեղադրյալ Վրույր Բարսեղյանի նկատմամբ նշանակվել է դատահոգեբուժական փորձաքննություն։ 

Տեղեկությունը հաստատել է Քննչական կոմիտեի խոսնակը: Գոռ Աբրահամյանը չի պատասխանել հարցին՝ Վրույր Բարսեղյանին տեղափոխե՞լ են հոգեբուժական կենտրոն, թե նա մնացել է քրեակատարողական հիմնարկում: 

Ինչպես գիտեք, կոմիտեի ավելի վաղ տարածած հաղորագրությունում նշված էր, թե Բարսեղյանն ունի «անձի էմոցիոնալ խանգարում՝ սուիցիդալ մտքերով» հոգեկան հիվանդություն: