Լրահոս
Քաղաքական
17:42
21.09.22
949

Նման ծնողն արժանի է քաշքշոցի ու մի բան էլ ավել․ ՔՊ-ականը՝ զոհերի մայրերին ասֆալտին գցելու մասին

Img default alt hy

«Politik.am»-ը գրում է.

«Այսօր ոստիկանական ուժերը Եռաբլուր զինվորական պանթեոնում բիրտ ուժ կիրառեցին զոհված զինծառայողների ծնողների նկատմամբ։ Թիրախում էին հատկապես կանայք, ում բերետավորները գցում էին ասֆալտին։ Տարածվող կադրերն իսկապես զայրացրել է հանրությանը։

Հանրության բարկության ֆոնին հատկանշական է իշխանության աջակիցների վարքագիծը։ ՔՊ-ական Էդգար Թամարյանը օրինակ իր ֆեսյբուքյան էջում գրել է, որ ոստիկանները մի բան էլ քիչ են արել ու նա ավելին է սպասում ոստիկաններից։

Հետո այս օգտատերը հեռացրել է իր այս գրառումը և մի նոր գրառում արել, որտեղ զոհերի ծնողներին մեղադրել է ռուսների պատվերը կատարելու մեջ․

«Նկատել եք արդյոք որ ապրիլյան քառօրյա պատերազմի զոհվածի ոչ մի ծնող երբեք ոչ մի թթու խոսք չի ասել Սերժ Սարգսյանի նկատմամբ, երբեք հրապարակային գռեհիկ պահվածք չի ունեցել: Նրանք ծնող չե՞ն։ Չե՞ն ցավում, թե՞ Մոսկվայից հրահանգ չէր իջել սևացնել իրեն հպատակ Սերժ Սարգսյանին»։