Լրահոս
Առողջապահական
21:38
24.01.23
308

Ինչ հիվանդությունների մասին է հուշում քաղցածության մշտական զգացողությունը

Img default alt hy

Առողջ և բալանսավորված սննդակարգը հանդիսանում է առողջության պահպանման հիմնական նախադրյալներից մեկը։ Սակայն լինում են դեպքեր, երբ մարդը կարող է ուտել և միևնույն ժամանակ ունենալ սովի զգացում։ Մասնագետներն այն կարծիքին են, որ սովի մշտական զգացումը վտանգավոր նշան է և կարող է խոսել մի շարք հիվանդությունների մասին, գրել է Aysor.am-ը։

Կուշտ լինելու զգացողության բացակայությունը կարող է լինել ստամոքսի ընդլայնվածության, մակաբույծի առկայության, շաքարային դիաբետի և վահանաձև գեղձի պաթոլոգիայի նշան։

Եթե ստամոքսի այտուցվածության ​​պատճառը մեծ չափաբաժիններով սննդի սպառման հետ է կապված, ապա խնդիրը կարելի է վերացնել՝ կրճատելով չափաբաժինները․ ուտել քիչ, բայց հաճախ:

Մարդու ստամոքսը մկանային առաձգական օրգան է, որի ծավալը մոտավորապես 500 մլ է։ Երբ մենք ուտում ենք, ստաոքսի պատերը ձգվում են՝ տեղավորելու սնունդը։ Մեծ չափաբաժիններ ընդունելու դեպքում պատերը լայնանում են, և ժամանակի հետ մարդուն սկսում է ուղեկցել սովի մշտական զգացումը։

Մշտական ​​սովի զգացումը կարող է տանջել հելմինթոզով կամ մակաբույծով հիվանդին, մակաբույծներն առաջանում են վատ տապակած միս, գետի ձուկ կամ ոչ մաքուր ջուր օգտագործելու պատճառով. Օրինակ՝ լյարդի ֆլյուկ, ասկարիազ, էխինոկոկոզ և այլ տեսակների մի մասը հասնում է մինչև 10 մ-ի։

Դիաբետով հիվանդների չափազանց մեծ ախորժակը կարող է հանգեցնել գիրության։ Հետևաբար, սննդակարգում գլյուկոզայի մակարդակը պետք է վերահսկվի։

Սովի զգացում կարող է առաջանալ նաև ստամոքսահյութի թթվայնության բարձրացման պատճառով։

Վահանաձև գեղձի պաթոլոգիայի դեպքում, բացի սովից, առաջանում է նաև թուլություն, դյուրագրգռություն, կարող է սկսվել նաև մազաթափություն։ Նմանատիպ ախտանիշների դեպքում պետք է դիմել էնդոկրինոլոգի և անցնել համապատասխան հետազոտություն։

Կա նաև հակառակ երևույթը, երբ սովի զգացումն ուժեղ է, մարդն ավելի շատ է ուտում, բայց չի գիրանում, նույնիսկ նիհարում է. Այս պարագայում ևս անհրաժեշտ է դիմել մասնագետի: