Հայաստանը նոր առաջարկներ է ստացել Ադրբեջանից և «աշխատում է տեքստի վրա». Միրզոյանը՝ Բեռլինում

Հայաստանի արտգործնախարարը հույս ունի, որ Հայաստան-Թուրքիա հարաբերություններում ավելի արագ և շոշափելի ձեռքբերումներ կլինեն։ Նա այս մասին գերմանացի գործընկերոջ հետ հանդիպումից հետո է ասել:

Արարատ Միրզոյանը նաև, ըստ էության, բացահայտել է, որ օրեր առաջ Հայաստանը ստացել է խաղաղության պայմանագրի վերաբերյալ Ադրբեջանի նոր առաջարկները: Բայց չի գաղտնազերծել՝ Լաչինի միջանցքի բացման համար ինչ պայման է դրել Բաքուն: