Էրդողանը հաղթում է ընտրությունների երկրորդ փուլում. նախնական տվյալներ

Նախագահական ընտրությունների երկրորդ փուլում Ռեջեփ Թայիփ Էրդողանը, նախնական տվյալով, առաջատար է հավաքած ձայների քանակով, թեպետ նրա և մրցակցի միջև տարբերությունը բավականին կրճատվել է։

Ձայների 94%-ի հաշվարկից հետո ստացվել է հետևյալ պատկերը՝ Էրդողան՝ 52,43%, Քըլըչդարօղլու՝ 47,57%։

Հիշեցնենք՝ քիչ առաջ Թուրքիայում ավարտվել է նախագահական ընտրությունների երկրորդ փուլը։

Առաջին փուլը տեղի ունեցավ մայիսի 14-ին։ Գործող նախագահ Ռեջեփ Թայիփ Էրդողանը (ձայների 49,52%-ով) չկարողացավ հավաքել ձայների մեծամասնությունը (պահանջվող 50%), ուստի մայիսի 28-ին ընտրությունների երկրորդ փուլ անցկացվեց նրա և երկրորդ տեղը զբաղեցրած Քեմալ Քըլըչդարօղլուի (44,88%) միջև։

Սա Թուրքիայում առաջին նախագահական ընտրությունն է, որն անցկացվում է երկու փուլով։