Բերձորից տեղահանված ու Երևանում ապաստանած 15 ընտանիք կարող է անտուն մնալ

Քաշաթաղից տեղահանված 15 ընտանիք վաղը հնարավոր է մնա առանց տանիքի: Նրանց մեկ օր ժամանակ են տվել՝ Նորքի այգիներ 180 հասցեն լքելու համար, որտեղ ապրում են 2020-ի դեկտեմբերից: Շենքը փետրվարից նոր սեփականատեր ունի, իսկ բնակարան ձեռք բերելու կառավարության տված սերտիֆիկատները չեն կարողանում օգտագործել քաշաթաղցիները, քանի որ բանկերից ասում են՝ ժամկետանց պարտավորություններ ունեն: