Լրահոս

Ցուցարարներից Անի Խաչատրյանը նշեց, որ Ամուլսարի հարցով որոշումները ոտնահարում են հեղափոխության գաղափարները, ինչի հետ ԱԺ նախագահը չհամաձայնեց։

Մինչ այս պահը հրավիրվել են ՊՆ օպերատիվ վարչության պետի տեղակալները, որոնք այլևս այդ պաշտոններում չեն, բայց համակարգում են։

Գագիկ Սուրենյանն իր ֆեյսբուքյան էջում գրել է. «Ժողովուրդ ջան սեպտեմբերի 14-17-ին բոլոր մարզերում եղանակը աստիճանաբար տաքանալու է այսօրվա համեմատ մոտ 6-7 աստիճանով։ Արդեն սեպտեմբերի 17-ին հանրապետության հովտային գոտիներում այդ թվում Երևանում օդի ջերմաստիճանը կհասնի +28․․․+30 աստիճանի»։

Մի կտակի պատմություն, որ իրար է խառնել Արարատի մարզի Հայանիստ գյուղը: Մեզ ահազանգած քաղաքացիները պնդում են, որ իրենց դուրս են հանում մի տնից, որն իրենց պապական ժառանգությունն է: Տնից քշողն էլ՝ իրենց հարազատ հորաքույրն է, որին հաջողվել է, ըստ հակառակ կողմի՝ կեղծ կտակ կազմել: Կտակի պատմությունը՝ հայտնի ստեղծագործության պես  քաոսի է վերածել ընտանիքի ու գյուղացիների կյանքը:

Ազգային ժողովում քննարկման հիմնական թեման անշարժ գույքի մասին նոր օրինագիծն էր, որը ենթադրում է գույքահարկի թանկացում: Կադաստրի կոմիտեն առաջարկում է առանձին գույքի ու հողի հարկ վճարելու փոխարեն՝ դրանք միավորել մեկ հարկատեսակի մեջ: Նախագծում հաշվի չառնված կետեր տեսնող պատգամավորներին հետաքրքրել է, թե ինչպե՞ս է փաստացի՝ բարձրացող գույքահարկը վճարելու՝ ասենք՝ Աբովյան փողոցում բնակվող տարեց թոշակառու կինը: 

Տնտեսագիտական համալսարանի ռեկտորի նախկին պաշտոնակատար Ռուբեն Հայրապետյանը կասկածվում է պաշտոնեական լիազորությունները չարաշահելու մեջ: Ըստ ոստիկանության՝ Հայրապետյանը պաշտոնը զբաղեցնելիս իր մտերիմներին տրամադրել է չնախատեսված ամենամյա վճարովի արձակուրդներ ու միանվագ դրամական պարգևատրումներ: Հայրապետյանը զարմանալիորեն խուսափում է պարզաբանումներ տալուց: Միայն ֆեյսբուքյան էջում ընկերներին առաջարկել է պատկերացնել չարաշահումների մանրությունը:

Մեր տարածաշրջանում իր օրիգինալ պլաններով հայտնի Բոլթոնի պաշտոնանկությունից, կամ ինչպես ինքն է պնդում՝ հրաժարականից հետո՝ դեռ անորոշություն է: Փորձագետները վաղ են համարում ենթադրությունները, թե հակաիրանական կոշտ քաղաքականություն գծած ճարտարապետի հեռանալուց հետո՝ հնարավոր է ավելի չափավոր մեկը գա:
Իրանի կառավարությունը մեկնաբանելով Բոլթոնի պաշտոնանկությունը, հիշեցրել է, որ Ջոն Բոլթոնը ամիսներ առաջ խոստացել էր, որ 3 ամսից Իրանը չի լինի: Իրենք կանգուն են, իսկ Բոլթոնը հեռացավ:

Հայաստանում երեքշաբթի երեկոյան տեղի ունեցած երկրաշարժից ու մոտ 100 հետցնցումներից հետո, սեյսմիկ ակտիվությունը նվազում է: Երկրաշարժի հետեւանքով, զոհեր եւ ավերածություններ չկան: Վեց բալ ուժգնությամբ երկրաշարժը գրանցվել էր Վրաստանին սահմանակից Բավրա գյուղի մոտակայքում: Ցնցումները զգացվել են Շիրակի, Լոռու, Տավուշի, Արագածոտնի, Արմավիրի մարզերում և Երևանում:

Ազգային ժողովի միջանցքներում էլ շարունակվում է թեժ Ամուլսարի թեման: Այս խնդրի վերաբերյալ իրենց կարծիքը հայտնելու համար՝ ամենաանհասանելին լրագրողների համար իշխանական պատգամավորներն են, ու հատկապես փոխխոսնակ Լենա Նազարյանը: Լրագրողներն էլ, հակառակի նման շատ լավ են հիշում ընդդիմադիր Լենա Նազարյանին, որը Ամուլսարի շահագործման ամենակրքոտ հակառակորդներից էր:
Ի դեպ՝ Ամուլսարի գործով նոր քննչական խումբ է ձևավորվել: Քննությունը հանձնվել է Քննչական կոմիտեի պետի տեղակալ Արսեն Այվազյանին: Ինչպես գիտեք, քննչական խմբի նախկին ղեկավար Յուրա Իվանյանի նկատմամբ հիմա ծառայողական քննություն է նշանակված:

Ֆրանսիայի խորհրդարանի պատվիրակության՝ Արցախ կատարելիք այցի շրջանակում Ստեփանակերտի Ազատամարտիկների պուրակում այսօր տեղի է ունեցել բարեկամության ցուցանակի բացման հանդիսավոր արարողությունը:

Apple-ը ներկայացրել է նոր iPhone 11` 11 Pro և 11 Pro Max: iPhone 11-ը կունենա երկու տեսախցիկ՝ 12 մեգապիքսելանոց: Այն կունենա Night Mode ռեժիմ, որը թույլ կտա որակյալ նկարահանում անել մութ տարածքներում: Կարող եք ընտրել 7 գույների միջև, վճարելով՝ 700 դոլար: iPhone 11 Pro-ն կունենա հեռուստաօբյեկտիվ ունեցող երեք տեսախցիկ: Վաճառքը կսկսվի սեպտեմբերի 20-ից:

Սեպտեմբերի 10-ին, տեղական ժամանակով 20:22-ին Հայաստան-Վրաստան սահմանային գոտում՝ Բավրա գյուղից 12 կմ հարավ-արևելք, 10 կմ խորության վրա, գրանցվել է 4.8 մագնիտուդով երկրաշարժ, որի ուժգնությունն էպիկենտրոնում կազմել է 6-7 բալ: Այն նախնական տվյալներով՝ զգացվել է Շիրակի, Լոռու, Տավուշի, Արագածոտնի, Արմավիրի մարզերում և Երևան քաղաքում: Սեպտեմբերի 11-ի ժամը 05:00 դրությամբ գրանցվել են 1.0-3.7 մագնիտուդով 100-ից ավելի հետցնցումներ, որոնք համեմատաբար թույլ են, քան առաջին ցնցումը, հետևաբար, կարելի է եզրակացնել, որ սեյսմիկ ակտիվությունը նվազում է: