Լրահոս

Նախկին զինծառայող Ցոլակ Խաչատրյանը, չնայած սահմանադրական դատարանի վճռի շնորհիվ առաջին ատյանի դատարանում հաղթել է պաշտպանության նախարարության դեմ գործը, բայց դատարանի որոշումից դժգոհ է: Նա պահանջում է փոխ-հատուցում ծառայության ընթացքում բոլոր 307 չօգտագործած վճարովի արձակուրդի օրերի համար: 

Արարատի մարզպետարանի աշխատակազմի արդեն նախկին ղեկավար Արման Դերմոյանը պնդում է, որ մարզպետը իրեն ազատել է պաշտոնից՝ գրությանը 1 րոպե ուշացումով պատասխանելու համար:
Կոկորդիլոսաբուծության մասին հայտարարող սկանդալային մարզպետի դեմ հարուցվող հայցերն արդեն մոտենում են 1 տասնյակին, իսկ նրանից որևէ պարզաբանում ստանալ ուղղակի հնարավոր չէ:

Իսկ Երևանում թաղամասեր կան, որտեղից աղբը չեն տեղափոխում ոչ թե սաբոտաժ լինել-չլինելու հիմնավորմամբ, այլ որովհետև աղբատար մեքենան պարզապես չի հաղթահարում քանդուքարափ փողոցները: Էրեբունի 4-րդ զանգված տանող ճամփան երեխաներին դպրոցից է հեռացնում, հիվանդներին՝ հիվանդանոցից: 

Գյումրիում ևս մի ընտանիք է դուրս եկել տնակից; Վիվա Սելլն ու ֆուլեր տնաշինականն են օգնել Սողոյան-Թադևոսյանների ընտանիքին՝ ավարտել նոր տան շինարարությունը:

Որևէ մեկիս բանկային գաղտնիքն այլևս երաշխավորված չէ: Գործադիրն այսօր սկանդալային որոշում է ընդունել՝ եթե պարզվի, որ ֆինանասական հանցագործություն արած մեկը երբևէ օրինակ փող է փոխանցել ձեր հաշվին, իրավապահները կբացեն ոչ միայն նրա, այլ նաև ձեր բանկային հաշիվները:

Երևանի ընդհանուր իրավասության դատարանը (Շենգավիթի նստավայր)՝ դատավոր Աննա Դանիբեկյանի նախագահությամբ, որն այսօր քննում էր ՀՀ երկրորդ նախագահ Ռոբերտ Քոչարյանի պաշտպանների միջնորդությունը նրան ազատ արձակելու վերաբերյալ, հեռացել է խորհրդակցական սենյակ։ Դատարանի որոշումը կհրապարակվի սեպտեմբերի 17-ին, ժամը 13:00-ին։

Երևանի ընդհանուր իրավասության դատարանում (Շենգավիթի նստավայր) ՀՀ երկրորդ նախագահ Ռոբերտ Քոչարյանի և մյուսների գործով ընթացող դատական նիստում Ռ․ Քոչարյանի պաշտպանական խումբը միջնորդել է վերացնել նախագահի խափանման միջոց կալանքը։ Փաստաբաններ Արամ Օրբելյանը և Արամ Վարդևանյանը, հղում անելով Սահմանադրական դատարանի ս․թ․ սեպտեմբերի 4-ին կայացրած որոշմանը, ընդգծել են, որ Ռ․ Քոչարյանի կալանքը հիմնավոր չէ։

Բազմաթիվ առիթներով ասել եմ, որ ինձ համար անընդունելի է այն փաստը, որ ՀՀ նախկին նախագահը, անկախ իր անձից, գտնվում է նախնական կալանքի տակ՝ բազմաթիվ պատճառներով։

Երևանի ընդհանուր իրավասության դատարանում այսօր մեկնարկում է Մարտի 1-ի գործով բուն դատավարությունը, որով որպես մեղադրյալներ, անցնում են ՀՀ նախկին նախագահ Ռոբերտ Քոչարյանը, Պաշտպանության նախկին նախարար Սեյրան Օհանյանը, ՀԱՊԿ նախկին գլխավոր քարտուղար Յուրի Խաչատուրովը, Նախագահի աշխատակազմի նախկին ղեկավար Արմեն Գևորգյանը։

Ռոբերտ Քոչարյանի հետ լուսանկարվելու համար աշխատանքից ազատված Անդորրայում Հայաստանի արդեն նախկին պատվո հյուպատոս Արա Բաղդասարյանը հերքում է արտգործնախարարության տարածած տեղեկությունը, թե իրեն աշխատանքից ազատելու մասին հայտնել է Ֆրանսիայում Հայաստանի դեսպանատունը: Արա Բաղդասարյանը Հայլուրի հետ զրույցում մանրամասներ է պատմել:

«Սա քաղաքական գործընթաց է, իսկ քաղաքական գործընթացում քաղաքական ուժերն են որոշում այս կամ այն հարցը: Այդ իսկ պատճառով՝ ոչ թե այսօր, կամ այս մի քանի օրվա ընթացքում, դատավորն է որոշելու՝ երկրորդ նախագահի խափանման միջոցը կփոխվի, թե ոչ, այլ որոշվելու է քաղաքական բարձր ատյաններում», կարծում է Արմեն Բադալյանը: