Լրահոս

3 զինծառայողների սպանության համար ցմահ դատապարտյալ Աշոտ Մանուկյանի հարազատները այսօր առավոտյան վարչապետին և արդարադատության նախարարին նամակներ են տարել:Խնդրում են աչքի տակ պահել վաղաժամկետ ազատ արձակման հարցը: Արդեն 24 տարի պատիժը կրող Մանուկյանի հարազատներն ասում են, որ նրան ներել են անգամ զինծառայողների ծնողները, սակայն դատարանը, իրենց անհայտ պատճառներով, մի քանի անգամ մերժել է միջնորդագրերը:

Երևանի ավագանու նախկին անդամ Սոնա Աղեկյանը պնդում է, որ իրեն սպառնում են սպանել: Պատճառը, ըստ Աղեկյանի, մայրաքաղաքում աղբահանության ծայրաստիճան վատ վիճակի մասին անընդհատ խոսելն է:

ՀՀ Քննչական կոմիտեից տեղեկացնում են, որ «Հյուսիս-Հարավ»-ի գործով որպես մեղադրյալ ներգրավված Լյովա Սարգսյանի նկատմամբ դատարանը որպես խափանման միջոց ընտրեց կալանավորումը:

Խաչվերաց տոնին՝ սեպտեմբերի 15-ին, Շուշիի Սուրբ Ամենափրկիչ Ղազանչեցոց եկեղեցում տեղի կունենա Ապրիլյան պատերազմում զոհված հերոսների երեխաների, քույրերի ու եղբայրների, հերոսների անունները կրող հարազատների մկրտության արարողությունը:

Երևանի ընդհանուր իրավասության դատարանը (Շենգավիթի նստավայր)՝ դատավոր Աննա Դանիբեկյանի նախագահությամբ, որն այսօր քննում էր ՀՀ երկրորդ նախագահ Ռոբերտ Քոչարյանի պաշտպանների միջնորդությունը նրան ազատ արձակելու վերաբերյալ, հեռացել է խորհրդակցական սենյակ։ Դատարանի որոշումը կհրապարակվի սեպտեմբերի 17-ին, ժամը 13:00-ին։

Ծառայության ընթացքում զոհված կամ վիրավորված զինվորների ընտանիքներում բողոք է հասունանում: Սևազգեստ մայրերը մտածում են անգամ հացադուլ ու նստացույց սկսելու մասին: Պատճառը Կառավարության որոշումն է, որ պետք է բյուջեի ավելցուկային փողը տան ոչ թե իրենց, այլ մարտի մեկի զոհերի ընտանիքներին:

Կրքերը թեժանում են հավաքական անվտանգության պայմանագրի կազմակերպությունում: Ռուսաստանը, պարզվում է, դեմ չէ, որ Ադրբեջանը դիտորդի կարգավիճակ ստանա ՀԱՊԿ-ում: Ադրբեջանը, որ միայն անցած գիշեր կրակել է Արցախի շրջանների ու Հայաստանի 4 մարզի ուղղությամբ: Իսկ ՀԱՊԿ-ի կանոնադրությունը պնդում է՝ եթե անդամ պետություններից որևէ մեկը ենթարկվի ագրեսիայի, ապա անդամ պետությունները դա կհամարեն ագրեսիա բոլոր անդամ պետությունների դեմ:
 

Նախկին զինծառայող Ցոլակ Խաչատրյանը, չնայած սահմանադրական դատարանի վճռի շնորհիվ առաջին ատյանի դատարանում հաղթել է պաշտպանության նախարարության դեմ գործը, բայց դատարանի որոշումից դժգոհ է: Նա պահանջում է փոխ-հատուցում ծառայության ընթացքում բոլոր 307 չօգտագործած վճարովի արձակուրդի օրերի համար: 

Արարատի մարզպետարանի աշխատակազմի արդեն նախկին ղեկավար Արման Դերմոյանը պնդում է, որ մարզպետը իրեն ազատել է պաշտոնից՝ գրությանը 1 րոպե ուշացումով պատասխանելու համար:
Կոկորդիլոսաբուծության մասին հայտարարող սկանդալային մարզպետի դեմ հարուցվող հայցերն արդեն մոտենում են 1 տասնյակին, իսկ նրանից որևէ պարզաբանում ստանալ ուղղակի հնարավոր չէ:

Իսկ Երևանում թաղամասեր կան, որտեղից աղբը չեն տեղափոխում ոչ թե սաբոտաժ լինել-չլինելու հիմնավորմամբ, այլ որովհետև աղբատար մեքենան պարզապես չի հաղթահարում քանդուքարափ փողոցները: Էրեբունի 4-րդ զանգված տանող ճամփան երեխաներին դպրոցից է հեռացնում, հիվանդներին՝ հիվանդանոցից: