Լրահոս

 Սահմանադրական դատարանի որոշումից 12 օր անց՝ երեկ իշխող իմ քայլը խմբակցությունը հայտարարեց Հրայր Թովմասյանի լիազորությունները դադարեցնելու գործընթաց սկսելու մասին: Այսօր վաղ առավոտից սահմանադրական դատարանի դիմաց հերթապահել են լրագրողները՝ փորձելով հանդիպել ու Թովմասյանից մեկնաբանություն ստանալ այս հայտարարության վերաբերյալ:

Ըստ իշխանական աղբյուրների՝ ԱԱԾ տնօրենի ամենահավանական թեկնածուն Վահե Ղազարյանն է՝ Նիկոլ Փաշինյանի ընկերը, ով այժմ ոստիկանության զորքերի հրամանատարն է, ոստիկանապետի տեղակալը, թեեւ շրջանառվում է նաեւ պաշտպանության նախկին նախարար Վաղարշակ Հարությունյանի անունը։ Իսկ ոստիկանապետի պաշտոնում քննարկվում է ՔՊ վարչության անդամ Վիլեն Գաբրիելյանի թեկնածությունը՝ ֆեյսբուքյան Նավակ ճոճողի, ով չի թաքցնում իր հավակնությունները»:

Երեկ վարչապետ Փաշինյանը լրագրողների հետ հանդիպման ընթացքում հայտարարեց, որ ստորագրել է ԱԱԾ պետ Արթուր Վանեցյանի հրաժարականի դիմումը և նա մի քանի օրից կազատվի աշխատանքից։ Վարչապետի այս հայտարարությանը հետևեց Արթուր Վանեցյանի հայտարարությունը, որն առավել նման էր «դուռը շրխկացնելու»։ Վանեցյանը իր հայտարարությամբ հախուռն պահվածքի և առաջնայինը երկրորդականից չտարբերելու մեջ մեղադրեց Փաշինյանին։

Ազգային ժողովի նախագահը կասկածի տակ է դնում՝ Քոչարյանի գործով Սահմանադրական դատարանի որոշման օրինականությունը եւ նոր թափ հաղորդում՝ դատարանի նախագահ Հրայր Թովմասյանի նկատմամբ քաղաքական ճնշումներին: Դատարանի որոշմանը հետեւած երկշաբաթյա լռությունից հետո, Արարատ Միրզոյանը, ըստ էության, հայտարարում է, թե խորհրդարանը պետք է դիրքորոշում հայտնի՝ ե՜ւ որոշման օրինականության եւ ընդհանրապես, դատարանի լեգիտիմության վերաբերյալ: Ըստ նրա, Հրայր Թովմասյանի պաշտոնավարումը մինչեւ 2035 թվականը ոտնձգություն է Սահմանադրական դատարանի ինքնավարության դեմ:

Մի նկարի պատճառով Անդորայի խորհրդարանում հայերի ցեղասպանության ընունման հարցը այս աշնանը չի քննարկվի: Ռոբերտ Քոչարյանի հետ լուսանկարվելու համար աշխատանքից ազատված Անդորրայում Հայաստանի արդեն նախկին պատվո հյուպատոս Արա Բաղդասարյանը հայրենիք է վերադարձել, որ հանդիպի լրագրողներին ու պատմի ճշմարտությունը:

Հայ Եկեղեցու՝ Խաչին նվիրված ամենակարևոր տոնին՝ խաչվերացին Շուշիի Ղազանչեցոց եկեղեցում Սրցախի թեմի առաջնորդ Պարգև սրբազանը մկրտել ապրիլյան պատերազմում զոհված հերսների երեխաներին, ընտանիքի անդամներին: Կնքահայրերը Ապրիլյանի հերոսների մարտական ընկերներն են եղել:  

Արագածի հարավային գագաթ նոր արշավախմբեր են բարձրանում՝ չնայած շաբաթ հենց այդ լեռնագագաթին էր արջի հարձակման զոհ դարձել լեհ լեռնագնացը: Արտակարգ իրավիճակների պատասխանատուները կոչ են անում տուրիստական ընկերություններին ու լեռնագնացներին արշավներից առաջ իրենց հետ հստակեցնել, որ հատվածներն են առավել անվտանգ

 Արթուր Վանեցյանը թողնում է Ազգային անվտանգության ծառայության տնօրենի պաշտոնը՝ ակնարկելով պետականաշինության տրամաբանության խախտման, անցողիկը մնայունից չտարբերելու՝ իշխանության գործելաոճի մասին, որ նրա խոսքով՝ անհամատեղելի ընթացք է սպայի ուսադիրների հետ:
 

Վարչապետն այսօր նորից իբրև ձեռքբերում է ներկայացրել այն, որ մեր երկրի ֆինանասական պահուստները պատմականորեն ամենաբարձր մակարդակի վրա են, սա այն դեպքում, երբ տնտեսագետները պնդում են՝ որպեսզի տնտեսությունը ծաղկի, փողը պետք է ոչ թե քնի պահուստային ֆոնդերում, այլ մտնի կիրառության մեջ: Տնտեսագետ Կառլեն Խաչատրյանը առհասարակ մեղադրում է կառավարությանը տնտեսական քաղաքականություն չունենալու համար:

Հայաստանի Հանրապետության նախագահ Արմեն Սարգսյանը հրամանագիր է ստորագրել Արթուր Վանեցյանին Ազգային անվտանգության ծառայության տնօրենի պաշտոնից ազատելու մասին:

Հայտնում եմ ձեզ, որ ՀՀ Ազգային անվտանգության ծառայության տնօրենի պաշտոնից հրաժարականի դիմում ներկայացնելու որոշում եմ կայացրել։ Նման որոշումն ստեղծված իրավիճակում և գալիքի համատեքստում համարում եմ Հայաստանի Հանրապետությանը և իմ ժողովրդին ծառայելու ամենանախընտրելի և ամենահիմնավորված տարբերակը։

Մեզ իսկապես թվո՞ւմ է, թե 41-ամյա դատավոր Աննա Դանիբեկյանը կարող է տալ մարտի 1-ի պատասխանները։ Ինչո՞ւ ենք թաքնվել մեկ կնոջ մեջքի ետևում, եթե նույնիսկ նա դատավոր է։