Մուսուլման վարձկաններ՝ Հայաստանո՞ւմ. բրիտանական «Ռուանդա» ծրագրի մասին լռում է Հայաստանի ԱԳՆ-ն

Բոտսվանայի, Կոտ դ’Իվուարի ու Կոստա Ռիկայի կողքին է հայտնվել Հայաստանը բրիտանական ցուցակում: Այդտեղ, ըստ անգլիական Թայմսի, այն երկրներն են, որոնց հետ Լոնդոնը բանակցում է, փողի դիմաց արտաքսված միգրանտներին բնակեցնելու շուրջ: Միգրանտների շարքում, ով ասես կարող է լինել, ահազանգում են Երևանում: Կասկած կա, որ Մեծ Բրիտանիան ծրագրում է վարձկաններ բնակեցնել Հայաստանում Իրանի դեմ գործողություններ սկսելու համար: Ըստ մեր արտգործնախարարության՝ միգրանտների հարցով Մեծ Բրտինիայի հետ բովանդակային քննարկումներ չկան: