Լրահոս
Հայաստան
14:30
21.02.24
194

Կառավարությունը մրցույթ է հայտարարել Ամրակիցի Սուրբ Նիկոլայ Հրաշագործ եկեղեցու վերակառուցման համար

Img default alt hy

ՀՀ կառավարությունը մրցույթ է հայտարարել Ամրակից գյուղի Սուրբ Նիկոլայ Հրաշագործ եկեղեցու վերակառուցման համար։ Այս մասին տեղեկանում ենք ԱԺ պատգամավոր Ալեքսեյ Սանդիկովի ֆեյսբուքյան էջից։

Ինչպես նշել է պատգամավորը, վերակառուցման մրցույթին իրավունք ունեն մասնակցելու ոչ միայն Հայաստանի քաղաքացիները, այլև օտարերկրյա շինարարական ընկերությունները։

Դիմումների ընդունման վերջնաժամկետը մարտի 21-ն է։ Ծրագրի արժեքը 175,000,000 ՀՀ դրամ է (մոտ կես միլիոն դոլար):

Սուրբ Նիկոլայ Հրաշագործ եկեղեցին գտնվում է Լոռու մարզի Ամրակից գյուղում։ 1852 թվականին բնակավայրը կոչվել է Նիկոլաևկա, այն հիմնադրվել է կազակների կողմից, սակայն եկեղեցին հայտնվել է ավելի վաղ՝ 1842 թվականին։ 

1988-ի Սպիտակի  ավերիչ երկրաշարժից հետո եկեղեցին մեծ վնաս է կրել և դադարել է գործել։ Չնայած դրան, եկեղեցին մինչ օրս բավական հայտնի զբոսաշրջային վայր է։