Իրանը սպառնում է արժանի պատասխան տալ ԱՄՆ-ի հարվածներին. Երրորդ համաշխարհային պատերազմը սկսվո՞ւմ է

Չնայած ԱՄՆ նախագահի հայտարարություններին, որ երկու շաբաթվա ընթացքում կորոշեն՝ մտնո՞ւմ են Իրանի դեմ պատերազմի մեջ, թե՝ ոչ, Միացյալ Նահանգները կիրակի հարվածել է Իրանի միջուկային օբյեկտներին: Վաշինգտոնը պնդում է, թե դա ընդամենը մեկանգամյա օպերացիա է եղել: Թրամփի վարչակազմը հայտարարել է, որ նպատակը եղել է ստեղծել այնպիսի մի իրավիճակ, որին ոչ ոք չէր սպասում: «Երրորդ համաշխարհային պատերազմն սկսվեց». ռուսական Ռիա Նովոստիի հոդվածագիրը պնդում է, որ Ֆորդոյի օբյեկտներին հարվածելը Երրորդ համաշխարհային պատերազմի սկիզբ է նշանակում: