Իրանում տեղի ունեցած ողբերգական պայթյունի կապակցությամբ ցավակցություն է հայտնել ՀՀ ԱԳՆ-ն

Հայաստանի արտգործնախարարությունը ցավակցություն է հայտնել Իրանի Բանդեր Աբաս նավահանգստում տեղի ունեցած ողբերգական պայթյունի զոհերի կապակցությամբ: «Մեր խորին ցավակցություններն ենք հայտնում Իրանի կառավարությանը և բարեկամ ժողովրդին, ինչպես նաև զոհերի ընտանիքներին ու սիրելիներին»,- գրված է մեր արտգործնախարարության տարածած հաղորդագրության տեքստում:

Իրանական նավահանգստի պայթյունի զոհերի թիվը 40-ի է հասել, վիրավորների թիվը անցնում է 1200-ը: Շաբաթ է տեղի ունեցել ողբերգական պատահարը: Իրանական լրատվամիջոցների տեղեկությամբ՝ մինչև կիրակի կեսգիշեր հրդեհները շարունակվել են նավահանգստի տարբեր հատվածներում, ուղղաթիռները, ինքնաթիռները և հրշեջները մինչև երեկ կեսօր փորձել են մարել կրակը: