Իմ նկատմամբ տեղի է ունենում ակնհայտ և անհերքելի քաղաքական հետապնդում. Արթուր Չախոյան

Բլոգեր Արթուր Չախոյանի ֆեյսբուքյան գրառումը․

«Այսօր ներկայացա ոստիկանության բաժին՝ նոր շինծու քրեական վարույթի առնչությամբ ստացած ծանուցագրի հիման վրա, սակայն տվյալ դեպքի վերաբերյալ ոչինչ չեմ կարող հայտնել, քանի որ քննիչը արգելել է նույնիսկ հանրությանը հայտնել, թե ինչ դեպքի առթիվ է քրեական վարույթը հարուցվել։
Սակայն տվյալ դեպքի վերաբերյալ կարող եմ հայտնել հետևյալը…
Իմ նկատմամբ տեղի է ունենում ակնհայտ և անհերքելի քաղաքական հետապնդում՝ իմ կողմից իրականացված կոռուպցիոն բացահայտումների պատճառով։ Իշխանությունները շինծու քրեական գործերով փորձում են ինձ վրա ճնշում գործադրել՝ նպատակ ունենալով ստիպել ինձ լռել։
Նշված քրեական վարույթը նախադեպային է, քանի որ այն միակ դեպքն է, երբ քննիչն արգելել է հանրությանը հայտնել, թե ինչ դեպքի առթիվ է հարուցվել քրեական վարույթը»։