Ի՞նչ եղանակ է սպասվում առաջիկա օրերին

Երևան քաղաքում՝ հունվարի 18-ին, 20-ի ցերեկը, 21-22-ին սպասվում է առանց տեղումների եղանակ: Հունվարի 19-ի երեկոյան ժամերին, 20-ի գիշերը սպասվում է թույլ ձյուն։

Այս մասին հայտնում են Հայհիդրոմետից։

Հանրապետության տարածքում` հունվարի 18-ին, 19-ի գիշերը, 20-ի ցերեկը, 21-22-ին սպասվում է առանց տեղումների եղանակ։

Հունվարի 19-ի երեկոյան ժամերին, 20-ի գիշերն առանձին շրջաններում սպասվում է ձյուն։ Քամին հյուսիսարևմտյան 2-5մ/վ, հունվարի 18-20-ին առանձին վայրերում սպասվում է քամու ուժգնացում 15-18մ/վրկ։

Օդի ջերմաստիճանը կբարձրանա ևս 1-2 աստիճանով, այնուհետև էապես չի փոխվի։