Հովիկ Աղազարյանը դարձել է պետական դավաճան ու ահաբեկիչ, որովհետև մերժել է Փաշինյանի խնդրանքը. Խամոյան

«Բոլոր օրինական միջոցները կգործադրվեն Հովիկ Աղազարյանին մանդատից զրկելու համար։ Չկասկածե՛ք»,- այս մասին խորհրդարանում հարցուպատասխանի ժամանակ ասել է Նիկոլ Փաշինյանը՝ պատասխանելով «Հայաստան» խմբակցության պատգամավոր Ագնեսա Խամոյանի հարցին, թե այդ ինչպե՞ս է «ժողովրդավարության բաստիոնում» պատգամավորի հեռախոսը նախ հայտնվել քննիչի մոտ, հետո Փաշինյանի սեղանին ու ՔՊ վարչության նիստում բոլորը ծանոթացել են Աղազարյանի հեռախոսի գաղնազերծված տեղեկություններին: Փաշինյանի խոսքով, Աղազարյանի հեռախոսի պարունակությունը իրեն տրամադրել է ոչ թե քննիչը, այլ այն մարմինը, որն այդքան էլ անկախ չէ։