Հայաստանն Ադրբեջանին է փոխանցել ականապատ դաշտերի 8 նոր քարտեզները

Հայաստանն ականապատ դաշտերի 8 նոր քարտեզները հանձնել է Ադրբեջանին: Այս մասին հայտնել է Ադրբեջանի ականազերծման ծառայությունը՝ պնդելով, թե իրենց հասած քարտեզները դարձյալ ճշգրիտ չեն: Ըստ ադրբեջանական լրատվամիջոցների՝ Քարվաճառի Մռավի լեռնաշղթայի ականապատ հատվածների քարտեզներ է Երևանը փոխանցել Բաքվին: Հայաստանի ԱԱԾ-ն հունվարի 25-ին էր հայտնել, որ 8 նոր տեղեկամատյաններ են ի հայտ եկել, որոնք աշխատանքային խողովակներով փոխանցվելու են Ադրբեջանին, իսկ կրկնօրինակները՝ միջազգային գործընկերներին: