«Եվրատեսիլ»-ը 2025 թվականին կանցկացվի Բազելում

«Եվրատեսիլ» երաժշտական մրցույթը 2025 թվականի մայիսին տեղի կունենա Շվեյցարիայի Բազել քաղաքում։ «Արմենպրես»-ի փոխանցմամբ՝ այս մասին հաղորդագրություն է տարածել մրցույթն անցկացնող Եվրոպայի հեռարձակողների միությունը (EBU)։

Շվեյցարիան ստացել է հաջորդ տարի «Եվրատեսիլ»-ն անցկացնելու իրավունքը 2024 թվականին մրցույթում շվեյցարացի Նեմոյի հաղթանակից հետո։ 

«Եվրատեսիլ»-ի կիսաեզրափակիչներն ու եզրափակիչը կկայանան 2025 թ. մայիսի 13-ին, 15-ին և 17-ին St. Jacobshalle-ի արենայում: Մրցույթի մասնակից երկրների ցանկը կհրապարակվի ավելի ուշ, նշել են կազմակերպիչները։

Բացի Բազելից, մրցույթի անցկացման համար դիտարկվում էին նաև Բեռնը, Ժնևը և Ցյուրիխը։ 

Մանրամասն՝ սկզբնաղբյուր կայքում։