Լրահոս
Իրավական
13:04
15.05.24
104

Ձերբակալվել է «Տավուշը հանուն հայրենիքի» շարժման 5 աջակից

Գիշերը «Տավուշը հանուն հայրենիքի» շարժման առնվազն 5 աջակից է անհիմն կերպով ձերբակալվել. այս մասին ահազանգել են «Հինգ իրավապաշտպաններ» նախաձեռնության անդամները: Ըստ տարածած հայտարարության՝ 72 ժամով ձերբակալվել է նաև «Ազատազէն» կազմակերպության խորհրդի անդամ Իշխան Գևորգյանը։ Իրավապաշտպան Ռուբեն Մելիքյանի պնդմամբ՝ քաղաքացիները բերման են ենթարկվել ապօրինի զենք կրելու կասկածով, ու չնայած կասկածը հերքվել է անձնական խուզարկությամբ, նրանց ազատ արձակելու փոխարեն ձերբակալել են։ Քննչական կոմիտեն հաղորդել է «Տավուշը հանուն հայրենիքի» շարժման բողոքի ակցիայի մեկ մասնակցի ձերբակալության մասին՝ Երևանում առերևույթ խուլիգանություն կատարելու կասկածանքով: Ըստ ՔԿ-ի՝ հաղորդում է ստացվել, որ «Տավուշը հանուն հայրենիքի» նախաձեռնության ակցիաների շրջանակներում մայիսի 13-ին Աբովյան փողոցում ճանապարհը նստարաններով փակելու ընթացքում մասնակիցներից մեկը կատարել է առերևույթ խուլիգանական արարք: