Լրահոս
Հայաստան
21:17
15.05.24
136

Դիպուկահարների նշանակետում սրբազանի առաջնորդած երթն է. չազատության հրապարակը

Անվտանգային աննախադեպ միջոցառումներ են իրականացնում ոստիկանները Օպերայի տարածքում: Նրանք արգելապատնեշներով փակել են Տավուշը հանուն հայրենիքի շարժման մասնակիցների ճանապարհը դեպի Օպերայի բակ: Ոստիկանների ձեռքին արցունքաբեր միջոցներ կան, Օպերայի տանիքին դիպուկահարներ են նկատել մարդիկ: Բագրատ Սրբազանը շնորհակալություն է հայտնել ոստիկաններին, որոնք իրենց փոխարեն փողոցներ են փակել ու պարալիզացրել քաղաքը: Ու այս ամենը Հայաստանի վարչապետի Օպերա անխոչընդոտ մուտքը ապահովելու համար, վստահ են շարժման աջակիցները: Նա այնտեղ միջազգային ֆորումի է մասնակցում: Հենց այդ պատճառով էր Բագրատ Սրբազանը շարժման աջակիցներին կոչ արել հավաքվել Օպերայի տարածքում՝ միջազգային հանրությանը ասել, որ Նիկոլ Փաշինյանը Հայաստանից տարածքներ զիջելու լեգիտիմություն չունի: Ներքին գործերի նախարարությունը վստահեցնում է, թե որևէ արտառոց բան չկա, իրենք ապահովում են միջազգային ֆորումի անցկացման հասարակական կարգն ու անվտանգությունը: