Լրահոս
Քաղաքական
18:45
15.05.24
96

Դեսպան Բաղդասարյանն իր հավատարմագրերն է հանձնել Վիետնամի նախագահի պաշտոնակատարին

Img default alt hy

Մայիսի 15-ին Հանոյի նախագահական պալատում տեղի ունեցավ ՎՍՀ նախագահի պաշտոնակատար, փոխնախագահ տկն Վո Թի Ան Սուանին Վիետնամում ՀՀ արտակարգ և լիազոր նորանշանակ դեսպան Սուրեն Բաղդասարյանի հավատարմագրերի հանձնման արարողությունը։ Այս մասին հայտնում են Վիետնամում ՀՀ դեսպանությունից։

«Արարողությանը հաջոդած հանդիպման ընթացքում զրուցակիցները քննարկեցին քաղաքական երկխոսության բարձր մակարդակի ապահվման, տնտեսական համագործակցության աշխուժացման, կրթության և գիտության ոլորտներում փոխգործակցության փորձի վերականգնման անհրաժեշտությունը։

Զրուցակիցներն անդրադարձան նաև միջազգային կազմակերպությունների շրջանակներում փոխադարձ աջակցության հիման վրա համագործակցության հարցին։

Հանդիպման ավարտին նախագահի պաշտոնակատար Վո Թի Ան Սուանը դեսպան Ս․Բաղդասարյանին հաջողություններ մաղթեց իր պաշտոնավարման ընթացքում և խոստացավ Վիետնամի կառավարության մարմինների և գործակալությունների համակողմանի աջակցությունը»,- ասված է հաղորդագրության մեջ։