Դեմոկրատները Քամալա Հարիսին պաշտոնապես ընտրել են որպես նախագահի թեկնածու

Դեմոկրատական կուսակցության պատվիրակները ԱՄՆ փոխնախագահ Քամալա Հարիսին պաշտոնապես ընտրել են որպես նախագահի թեկնածու։

5-օրյա առցանց քվեարկությունից հետո Հարիսը ստացել է պատվիրակների 99 %-ի ձայները։

Այս մասին հայտնում է The Associated Press գործակալությունը։

CNN-ն էլ հայտնում է, որ Քամալա Հարիսը որոշել է, թե ով է լինելու ԱՄՆ փոխնախագահն իր ընտրվելու դեպքում․ խոսքը Մինեսոտայի նահանգապետ Թիմ Ուոլսի մասին է։ 

Նշենք, որ ընտրությունները ԱՄՆ-ում տեղի կունենան նոյեմբեր ամսին։

Հարիսը նախագահի պաշտոնի համար կպայքարի ԱՄՆ նախկին նախագահ, Հանրապետական կուսակցության նախագահի թեկնածու Դոնալդ Թրամփի դեմ։

Հարիսը նախագահի թեկնածու դառնալու հնարավորություն է ստացել այն բանից հետո, երբ հուլիսին ԱՄՆ նախագահ Ջո Բայդենը հայտարարեց ընտրապայքարից դուրս գալու՝ իր որոշման մասին։