Բաքուն պատրաստվում է դատական մեծ շոուի. ի՞նչ պետք է անի Հայաստանը Արցախի առաջնորդների դատի ժամանակ

Այսօր հայտնի դարձավ, որ Կարմիր խաչի աշխատակիցները հունիսին տեսակցել են Ադրբեջանում պահվող հայերին, բայց, չգիտես ինչու, գաղտնի է պահվում այցելության օրը: Դատավարության փուլ են մտնում 15 կալանավորված հայերի քրեական գործերը, այդ թվում՝ Արցախի 8 նախկին ռազմաքաղաքական ղեկավարներինը: Նյուրնբերգյան դատավարություն է կանխատեսում իրավապաշտպանը, կոչ անում պաշտոնական Երևանին տեղից շարժվել: Չեն հավատում անկախ փորձագետները Փաշինյանի պնդումներին, թե ինքը ամենօրյա ռեժիմով է գերիների վերադարձով զբաղվում: