Այսօր ֆիքսում ենք ՀՀ կադաստրային վկայականը, որում տվյալներ են գրվում տարածքի մասին, նկարագրության մասին․ Փաշինյան

Այսօր ֆիքսում ենք ՀՀ կադաստրային վկայականը, որում տվյալներ են գրվում տարածքի մասին, նկարագրության մասին։ Հայաստանի կողմից վարվող ներքին և արտաքին քաղաքականությունների հիմքում պիտի լինի լեգիտիմությունը․

Ասել է Նիկոլ Փաշինյանը «Քաղաքացիական պայմանագիր» կուսակցության Արագածոտնի մարզի նախաձեռնող նիստին:

«Հստակ ու աներկբա պիտի հայտարարենք, որ ՀՀ տարածքի մասին մեր պատկերացումը ճշգրիտ համընկնում է Հայկական ԽՍՀ տարածքի մասին մեր պատկերացմանը և մեր քաղաքականությունները վարում ենք հենց այդ հենքի վրա։

Ասվածի մեջ մեծ նորություն չկա, քանի որ մեր իրավական փաստաթղթերի մեջ՝ 1991 թվականից գոյություն ունեցող, հենց այսպես էլ արձանագրված է։ Բայց սոցիալ-հոգեբանական և այլ առումներով մեր ընկալումը ամեն դեպքում չէ, որ այդպիսին է եղել։ Սա ՀՀ միջազգայնորեն ճանաչված տարածքն է։ Եվ երբ որ մեր քաղաքականությունը հենվում է լեգիտիմ հենքի վրա, մեր պաշտպանության մեխանիիզմները մեծանում են։

Այս խոսակցությունը սկսվել է, երբ խոսում էի ՀՀ կադաստրի վկայականի մասին։ Երբ ձեզնից յուրաքանչյուրը գնում է շինթույլտվություն ստանալու և իր հետ տանում է սեփականության վկայականը, այդ շինությունը տեղավորվում է իր կադաստրային սեփականության շրջանակի մեջ, իր պաշտպանվածությունը մեծանում է»,- նշել է Փաշինյանը։